Sat. Oct 24th, 2020

Janata curfew : जनता कर्फ्युला सुरुवात, जनतेचा सकारात्मक प्रतिसाद

कोरोनाच्या पार्श्वभूमीवर देशात जनता कर्फ्युला सुरुवात झाली आहे. सकाळी 7 ते रात्री 9 या एकूण 14 तासांचा हा जनता कर्फ्यु असणार आहे. या जनता कर्फ्युला सकारत्मक प्रतिसाद देण्याचं आवाहन पंतप्रधान नरेंद्र मोदी यांनी केलं आहे. नरेंद्र मोदींच्या या आवाहनाला जनता चांगला प्रतिसाद देत आहेत.

जनता कर्फ्युच्या काळात घरात थांबावं. घराचा उंबरठाही ओलांडू नये.
जनता कर्फ्यूच्या काळात इमारतीच्या आवारात एकत्र येउ नका.
जनता कर्फ्यु म्हणजे स्नेहसंमेलनाची वेळ नाही
जनता कर्फ्यु म्हणजे किटी पार्टीची वेळ नाही
जनता कर्फ्यु म्हणजे मुलांनी इमारतीच्या आवारात खेळण्याची वेळ नाही
जनता कर्फ्यु दरम्यान संध्याकाळी ५ वाजता आपात्काली सेवा देणाऱ्या सर्वांचेच कौतुक करा.
आपात्कालीन सेवकांचं कौतुक करण्यासाठी आपल्या घराच्या खिडकीतून ५ मिनिटं थाळीनाद करा.

संध्याकाळी ५ नंतर रात्री ९ वाजेपर्यंत नागरिकांनी घरातच थांबायचं आहे.

जनता कर्फ्यूला सुरुवात झाली आहे. या देशव्यापी अभियानाचं भाग बना, अशी विनंतीच पंतप्रधानांनी जनतेला केली आहे. कोरोना विरुद्धच्या लढाईला यशस्वी करा, असं व्हिडिओ पंतप्रधानांनी ट्विट केलं आहे.

पंतप्रधानांसह अनेक बॉ़लीवूड अभिनेत्यांनिही जनतेला आवाहन केलं आहे. मराठमोठा अभिनेता रितेश देशमुखने एक ट्विट केलं आहे.

अभिनेता रितेश देखमुखने देशातील जनतेला कर्फ्यू पाळण्याचं आवाहन केलंय. गुड मॉर्निंग इंडिया, घरात रहा, सुरक्षित रहा, असं आवाहन रितेश देशमुखने ट्विटद्वारे केलं आहे.

दरम्यान वारंवार आवाहन करुन देखील रेल्वे लोकलमधील गर्दी कमी होत नव्हती. त्यामुळे आज २२ मार्चपासून सर्वसामान्यांना रेल्वे लोकलमधून प्रवास करण्याची मुभा नसणार आहे. तसेच बेस्टची बससेवादेखील जनता कर्फ्युमुळे अंशत प्रभावित झाली आहे.

Leave a Reply

Your email address will not be published. Required fields are marked *