Valentine Week मधील आजचा पाचवा दिवस. म्हणजेच आपला Promise Day. या दिवशी आपण आपल्या प्रिय व्यक्तींना वचन देतो,की आयुष्यभर आपण नेहमी एकत्र राहू. आयुष्यात कितीही अडचणी आल्या तरी आपण एकमेकांची साथ कधीच सोडणार नाही. आपल्या Partner ला Promise तर सगळे करतात.पण बहुतेक वेळा असे Problems येतात की, आपण आपल्या पार्टनर सोबत कसे राहावे, हे समजतच नाही. हेच confusion दूर करायचं असेल, तर जाणून घ्या ‘या’ खास कानगोष्टी-
संपूर्ण बोलणं ऐकून घ्या-
खूप वेळा असे होते की, आपण पार्टनरचे बोलणे ऐकून न घेताच टोकाचा निर्णय घेतो.
अर्धवट ऐकल्याने आपण गैरसमज होतो. अशा वागण्यामुळे नात्यात दुरावा निर्माण होतो.
यासाठी आपल्या पार्टनरचे संपूर्ण बोलणे ऐकून घ्या आणि नात्यात गोडवा निर्माण करा.
दिलेला शब्द पाळा-
आपण आपल्या पार्टनरला Whatsapp,Instagram आणि Call वर अनेक Promise करतो.
पण दिवसभराच्या धावपळीमध्ये आपण काही गोष्टी विसरून जातो.
त्यामुळे दोघांमध्ये अविश्वास निर्माण होतो.
हा अविश्वास वाढत जाऊन मग संशयाचे वातावरण तयार होते आणि आपल्या नात्यासाठी धोका निर्माण होतो.
यासाठी आपले दिलेले शब्द विसरू नका.
दुसऱ्यांसमोर कमी लेखू नका-
मित्र- मैत्रिणींसमोर किंवा नातेवाईकांसमोर स्वत:चा मोठेपणा दाखवण्यासाठी आपल्या पार्टनरचा अपमान करण्याची चूक करू नका.
अशा गमतीतल्या काही शब्दांमुळे आपला पार्टनर आपल्याला काहीच महत्त्व देत नाही, अशी भावना मनात निर्माण होते.
अशाच गोष्टी मनात रुजून शेवटी नात्याचा स्फोट होतो.
यासाठी पार्टनरचे चारचौघांत कौतुक करायला शिका.
तुमचे नाते गुलाबाप्रमाणे बहरेल.
सरप्राईज प्लॅन करा-
नात्यात मधुरपणा आणण्यासाठी कधीतरी पार्टनरसाठी सरप्राईज प्लॅन करा.
त्यामुळे तुमच्या नात्यात विश्वास तर टिकून राहील, त्याचबरोबर नात्यात प्रेम देखील वाढेल.