सरकार आणि शेतकर्‍यांमध्ये आणखी वाढला तणाव

शेतकरी आंदोलनामुळे सरकार आणि शेतकर्‍यांच्या गटामध्ये तणाव अधिकच वाढला आहे. दिल्लीतील गाजीपूर सीमेवर गुरुवारी रात्री उशिरा झालेल्या हाय-व्होल्टेज नाटकानंतर पोलिस रिकाम्या हाताने परतले. पोलिसांव्यतिरिक्त येथे रॅपिड एक्शन फोर्सही तैनात करण्यात आली होती. रात्री एक वाजता येथून पोलिस बंदोबस्त काढून टाकण्यात आला.

मोठ्या संख्येने पोलिस तैनात करण्यात आले होते आणि त्यानंतर गाझियापूर सीमेवर आंदोलन करणार्‍या शेतकर्‍यांना गाझियाबाद प्रशासनाच्या वतीने जागा खाली करण्यास सांगितले होते. परंतु गाझीपूरमध्ये मोठ्या प्रमाणात शेतकरी जमल्यामुळे रात्री उशिरा दिल्ली आणि उत्तर प्रदेशचे पोलिस मागे हटले. शेतकरी नेता राकेश टिकैत यांच्या निर्णयामुळे केंद्र आणि राज्य सरकार मागे हटले. शेतकरी, आंदोलन आता अधिक तीव्र करीत आहेत. रात्री शेजारील राज्यांतील शेतकरी दिल्लीच्या दिशेने पोहोचू लागले. भिवानी, मेरठ, बागपत येथून शेतकरी रात्री दिल्लीला रवाना झाले.