Fri. May 7th, 2021

मुंबईकरांसमोर पाणीकपातीनंतर आता दरवाढीची समस्या, पाण्याचे दर वाढले

दिवसेंदिवस अपुऱ्या पाण्याची वाढती समस्या लक्षात घेता मुंबईकरांना गेल्या आठ महिन्यांपासून पाणी कपातीची समस्या भेडसावत आहे. पण आता मात्र पाणी कपातीच्या समस्येनंतर मुंबईकरांना पाणी दरवाढीच्या समस्येला लवकरच सामोरं जावं लागणार आहे.  मुंबईकरांच्या पाणीपट्टीत 2.48 टक्यांनी वाढ करण्यात आली असून ही दरवाढ 16 जून पासून लागू करण्यात येणार आहे.

पाणी दरवाढ कशामुळे?

धरणांतील अपुऱ्या पाणी साठ्यामुळे गेल्या आठ महिन्यांपासून मुंबईत 10 टक्के पाणी कपात लागू होती.

आस्थापना खर्च लक्षात घेता राज्य सरकारने पाण्याचे दर वाढवले, म्हणून पालिकेने पाणीपट्टी अडीज टक्यांनी वाढवण्याचा निर्णय घेतला.

जल अभियंता खात्यातील कर्मचाऱ्यांचे वेतन, अन्य भत्ते, आस्थापना खर्च, प्रशासकीय खर्च, राज्य सरकारच्या धरणातून उपसा केलेल्या पाण्याची पाणीपट्टी

यांच्या एकत्रीत 2018-19 च्या खर्चाच्या अभ्यासानंतर हा निर्णय घेण्यात आला.

काही महिन्यांपूर्वी ठाण्याचे पाणी 50 टक्क्यांनी महागले होते.आता ठाणेकरांपाठोपाठ मुंबईकरांना पाणी दरवाढीला सामोरे जावे लागणार आहे.

16 जून पासून 2.48 टक्क्यांनी पाणी दरात वाढ होणार आहे.

 

सध्याचे पाणी दर

प्रती एक हजार                     लिटर दर रूपयात
1) गलिच्छ वस्त्या, म्हाडा                          ३.८२                               ३.९१

२) इतर घरगुती ग्राहक                             ५.०९                              ५.२२

३) बिगर व्यापारी संस्था .                            २०.४०                           २०.९१

४) व्यावसायिक संस्था                               ३८.२५                            ३९.२०

५) उद्योगधंदे, कारखाने                            ५०.९९                           ५२.२५

६) रेसकोर्स, मोठी हॉटेल्स                        ७६.४९                            ७८.३९

७) बॉटलिंग प्लांट.                                    १०६.२५                          १०८.८९

Leave a Reply

Your email address will not be published. Required fields are marked *