Mumbai

परमबीर सिंह यांची ७ तासांची चौकशी

खंडणीप्रकरणी गेल्या पाच महिन्यांपासून बेपत्ता असलेले माजी पोलीस आयुक्त परमबीर सिंग यांना मुंबई उच्च न्यायालयाने फरार घोषित केले आहे. मात्र फरार घोषित माजी पोलीस आयुक्त परमबीर सिंह अखेर मुंबईत चौकशीसाठी हजर झाले आहेत. खंडणी वसुली प्रकरणाच्या चौकशीसाठी परमबीर सिंह कांदिवलीमधील गुन्हे शाखेत हजर झाले. सात तासांच्या चौकशीनंतर परमबीर सिंह गुन्हे शाखेतून घराकडे परतले. तब्बल २३१ दिवसांनी आज परमबीर सिंह चौकशीसाठी हजर झाले.

‘मी भारतातच असून माझ्या जिवाला धोका असल्याचे’ वक्तव्य परमबीर सिंह यांच्या वकिलांनी सर्वोच्च न्यायालयात सांगितले आहे. तसेच सर्वोच्च न्यायालयाने अटकेपासून संरक्षण दिल्यास चौकशीसाठी हजर राहणार असल्याचे परमबीर सिंह यांनी त्यांच्या वकिलामार्फत सांगितले होते. त्यानुसार न्यायालयाने परमबीर सिंह यांना अटकेपासून संरक्षण देण्याचा निर्णय घेतला. न्यायलयाच्या या निर्णयामुळे परमबीर सिंह आज मुंबईत चौकशीसाठी हजर झाले.

माजी गृहमंत्री अनिल देशमुख यांनी १०० कोटी रुपयांची खंडणी वसूल करण्याचे आदेश दिले असल्याबाबतचे पत्र परमबीर सिंग यांनी मुख्यमंत्र्यांना लिहिले होते. त्याप्रकरणी चौकशीसाठी चांदीवाल आयोगाची स्थापना करण्यात आली. चांदीवाल आयोगाने यापूर्वीही परमबीर सिंग यांना हजर राहण्यासाठी अजामीनपात्र वॉरंट जारी केला. मात्र गेल्या अनेक दिवसांपासून पोलिसांसमोर हजर न राहिलेले माजी पोलीस आयुक्त परमबीर सिंग यांना मुंबई उच्च न्यायालयाने फरार घोषित केले होते.

manish tare

Recent Posts

दोन्ही राजे केसरकरांकडे

संभाजीराजे, उदयनराजे यांच्यासोबत आज भेटीचा योग आला. नाहीतर मला सातारा, कोल्हापूरला जावे लागले असते. दोघांशी…

17 hours ago

मराठी चित्रपटाला फक्त तीन शो

डॉ. सलील कुलकर्णी दिग्दर्शित एकदा काय झालं हा नवा कोरा मराठी चित्रपट ५ ऑगस्टला प्रदर्शित…

17 hours ago

चंद्रशेखर बावनकुळे भाजपचे प्रदेशाध्यक्ष, तर आशिष शेलार अध्यक्षपदी

चंद्रकांत पाटील यांचा शिंदे सरकारमध्ये समावेश करण्यात आल्यानंतर भाजपच्या प्रदेशाक्षपदी कुणाची वर्णी लागणार याकडे सर्वांचं…

18 hours ago

कोणत्या जिल्ह्यात कोणते मंत्री ध्वजारोहण करणार

नव्या मंत्रिमंडळाचा विस्तार झाला असला तरी खातेवाटप अद्यापही झालेलं नाहीय. याच पार्श्वभूमीवर १५ ऑगस्ट स्वातंत्र्यदिनानिमित्त…

20 hours ago

स्टील कंपनीला नियमबाह्य वीज अनुदान

जालना येथील या स्टील कंपनीला महावितरणकडून नियमबाह्य पद्धतीने अनुदान दिले जात असल्याची माहिती समोर आली…

23 hours ago

पेट्रोल ऐवजी पेट्रोल पंपावर पाण्याची विक्री

komal mane गोंदिया जिल्ह्यातील आमगाव येथील रिया फ्युल स्टेशन या नावाने असलेल्या ऐसार कंपनीच्या पेट्रोल…

24 hours ago