Maharashtra

‘आमच्या राज्यात एक तक्रारदार गायब’ – मुख्यमंत्री उद्धव ठाकरे

  मुंबई उच्च न्यायालयाच्या औरंगाबाद खंडपीठाच्या इमारतीच्या उद्घाटन सोहळ्याला प्रमुख पाहुणे म्हणून मुख्यमंत्री उद्धव ठाकरे उपस्थित होते. सार्वभौम अधिकारांवर भाष्य करत त्यांनी ‘आमच्या राज्यात एक तक्रारदार गायब आहे,’ असे म्हणत मुंबईचे माजी पोलीस आयुक्त परमबीर सिंह यांच्यावर अप्रत्यक्षपणे निशाणा साधला आहे.

  औरंगाबाद खंडपीठाचे उद्घाटन सरन्यायाधीश एन. व्ही, रमण्णा यांच्या हस्ते झाले. मुंबईचे माजी पोलीस आयुक्त परमबीर सिंह यांनी माजी गृहमंत्री अनिल देशमुख यांच्यावर खंडणी वसुलीचा आरोप केला होता. देशमुखांनी सचिन वाझेला दरमहा शंभर कोटी रुपयांची वसुली पूर्ण करण्याचे टार्गेट दिले असल्याचे परमबीर यांनी पत्राद्वारे मुख्यमंत्र्यांना सांगितले होते. या चौकशी दरम्यान परमबीर सिंह यांच्यावरसुद्धा अनेक आरोप करण्यात आले. मात्र गेल्या काही दिवसांपासून सिंह यांचा काहीच पत्ता नाही. त्यामुळे मुख्यमंत्र्यांनी परमबीर सिंह यांच्यावर अप्रत्यक्षपणे टोला लगावला.

  ‘आरोपी १९५८ पासून फरार आहे आणि त्याची अजून केस सुरू आहे, हा उल्लेख आताच ऐकला. आमच्या राज्यात तर सध्या एक तक्रारदारच गायब झाला आहे. त्याने तक्रार केली, आरोप केले आणि पळून गेला. कुठे गेला काहीच माहीत नाही. पण त्याच्या तक्रारीवरून इकडे तपास आणि धाडींचे सत्र सुरू आहे’, असे म्हणत मुख्यमंत्र्यांनी नाराजी व्यक्त केली.

  न्यायदान प्रक्रियेच्या विलंबात सर्वसामान्य माणूस पिचला जातो. कोर्टात चकरा मारून आयुष्य संपते आणि खर्चही परवडत नाही. म्हणून न्यायदानाची प्रक्रिया गतिमान करण्याची गरज आहे, असेही ते म्हणाले.

  सध्या देश ‘आझादी का अमृत महोत्सव’ साजरा करीत आहे. अशावेळी स्वातंत्र्यावर ‘अमृतमंथन’ करण्याची गरज निर्माण झाली आहे. केंद्र सरकार आणि राज्य सरकारच्या अधिकारांचा आढावा घेण्याची ही वेळ आहे. केंद्राप्रमाणेच राज्य सार्वभौम असेल तर ते अधिकार आपण वापरत आहोत का? कुणी पदावर बसला म्हणजे त्याची मर्जी चालणार नाही. मर्जी वेगळी आणि अधिकार वेगळे असतात, हे लक्षात आणून देण्याची गरज आहे, असे म्हणत त्यांनी केंद्रावरही निशाणा साधला आहे.

pawar sushmita

Recent Posts

दोन्ही राजे केसरकरांकडे

संभाजीराजे, उदयनराजे यांच्यासोबत आज भेटीचा योग आला. नाहीतर मला सातारा, कोल्हापूरला जावे लागले असते. दोघांशी…

16 hours ago

मराठी चित्रपटाला फक्त तीन शो

डॉ. सलील कुलकर्णी दिग्दर्शित एकदा काय झालं हा नवा कोरा मराठी चित्रपट ५ ऑगस्टला प्रदर्शित…

17 hours ago

चंद्रशेखर बावनकुळे भाजपचे प्रदेशाध्यक्ष, तर आशिष शेलार अध्यक्षपदी

चंद्रकांत पाटील यांचा शिंदे सरकारमध्ये समावेश करण्यात आल्यानंतर भाजपच्या प्रदेशाक्षपदी कुणाची वर्णी लागणार याकडे सर्वांचं…

18 hours ago

कोणत्या जिल्ह्यात कोणते मंत्री ध्वजारोहण करणार

नव्या मंत्रिमंडळाचा विस्तार झाला असला तरी खातेवाटप अद्यापही झालेलं नाहीय. याच पार्श्वभूमीवर १५ ऑगस्ट स्वातंत्र्यदिनानिमित्त…

20 hours ago

स्टील कंपनीला नियमबाह्य वीज अनुदान

जालना येथील या स्टील कंपनीला महावितरणकडून नियमबाह्य पद्धतीने अनुदान दिले जात असल्याची माहिती समोर आली…

22 hours ago

पेट्रोल ऐवजी पेट्रोल पंपावर पाण्याची विक्री

komal mane गोंदिया जिल्ह्यातील आमगाव येथील रिया फ्युल स्टेशन या नावाने असलेल्या ऐसार कंपनीच्या पेट्रोल…

23 hours ago