Ganesh special

श्रीमंत दगडूशेठ गणपतीची स्थापना मुख्य मंदिरातच

पुणे – कोरोना महामारीमुळे सलग दुसऱ्या वर्षी श्रीमंत दगडूशेठ गणपतीची स्थापना मुख्य मंदिरातच होणार आहे. पारंपरिक जागा असलेल्या कोतवाल चावडीत सलग दुसऱ्या वर्षी मांडव न उभारण्याचा निर्णय घेण्यात आलाय. दहा दिवस मंडळाचे विश्वस्त आणि कार्यकर्ते मंदिरात जाणार नाहीत. यंदा श्रीमंत दगडूशेठ गणपती मंदिराचं १२९ वे वर्ष आहे.

नियमांप्रमाणे मंदिर बंद ठेवण्यात येत आहे. त्यामुळे भाविकांना मंदिरात प्रवेश मिळत नाही. उत्सवाच्या काळात ट्रस्टचे विश्वस्त आणि कार्यकर्ते देखील मंदिरात जाणार नसल्याचा निर्णय ट्रस्टने घेतला आहे.हार, फुले, पेढे नारळ स्वीकारले जाणार नाहीत. मंदिरामध्ये उत्सव साजरा करण्यासोबतच बाप्पांच्या ऑनलाईन दर्शन सुविधेवर व ऑनलाईन कार्यक्रमांवर भर देण्यात येणार असून ऑगमेंटेड रिअ‍ॅलिटी या नव्या तंत्रज्ञानाचा वापर करुन भक्तांना घरबसल्या मंदिराच्या गाभाऱ्यात बाप्पाची आरती करण्याचा अनुभव व्हिडीओच्या माध्यमातून घेता येणार आहे, अशी माहिती श्रीमंत दगडूशेठ हलवाई सार्वजनिक गणपती ट्रस्टचे अध्यक्ष अशोक गोडसे यांनी पत्रकार परिषदेत दिली.

ऑगमेंटेंड रिअ‍ॅलिटी तंत्रज्ञानाचा वापर

ऑगमेंटेंड रिअ‍ॅलिटी या तंत्रज्ञानाचा वापर हे यंदाच्या उत्सवाचे प्रमुख वैशिष्ट्य असणार आहे. केंद्र व राज्य शासनाने केलेल्या आवाहनानुसार जास्तीत जास्त भक्तांनी ऑनलाईन दर्शन घ्यावे, याकरिता या तंत्राचा वापर करण्यात येणार आहे. याकरिता ट्रस्टतर्फे एक लिंक देण्यात येणार असून त्या लिंकवर जाऊन घरी भक्ताने आरती करतानाचा व्हिडीओ काढल्यास प्रत्यक्ष दगडूशेठ गणपती मंदिराच्या गाभाऱ्यात श्रींची आरती करतानाचा व्हिडीओ तयार होणार आहे. आपण गाभाऱ्यात उभे राहून प्रत्यक्ष आरती करत असल्याचा आनंद व्हिडीओ पाहून भक्तांना घेता येईल.

pawar sushmita

Recent Posts

‘ज्यांचे मंत्री तुरुंगात गेले त्यांनी फार बोलू नये’

आज मंत्रिमंडळ विस्तार झाला. या मंत्रिमंडळ विस्तारात एकाही महिला नेत्याला स्थान देण्यात आलेलं नाही. त्यावरून…

14 hours ago

नितीश कुमार यांचा राजीनामा

बिहारचे मुख्यमंत्री नितीश कुमार यांनी अखेर राजीनामा दिलाय. बिहारमध्ये 5 वर्षानंतर नितीश कुमार यांचा पक्ष जेडीयू…

15 hours ago

मराठी अभिनेते प्रदीप पटवर्धन यांचं निधन

मराठी सिनेसृष्टीतील ज्येष्ठ अभिनेते प्रदीप पटवर्धन यांचे हृदयविकाराच्या तीव्र झटक्याने निधन झालं आहे. त्यांनी आतापर्यंत…

17 hours ago

पावसाळी अधिवेशन स्वातंत्र्य दिनानंतर

राज्यात मोठ्या सत्तांतरणानंतर एकनाथ शिंदे आणि देवेंद्र फडणवीस यांच्या नेतृत्त्वाने नवे सरकार स्थापन झाले. या…

18 hours ago

‘मंत्रिमंडळात एकाही महिलेला स्थान नाही’

मंत्रिमंडळ विस्ताराच्या चर्चा सुरू असल्यापासूनच एकाही महिलेचे नाव चर्चेत नव्हते. शिंदे-फडणवीस सरकारकडून अचानक धक्का दिला…

19 hours ago

राठोडांना मंत्रिपद देणं दुर्देवी – चित्रा वाघ

एकनाथ शिंदे आणि देवेंद्र फडणवीस सरकारमधील मंत्रिमंडळाचा विस्तार मंगळवारी झाला आहे. एकूण १८ आमदारांनी मंत्रिपदाची…

19 hours ago