Bollywood Karwa Chauth : करवा चौथ (Karwa Chauth) हा सण 10 ऑक्टोबर 2025 रोजी साजरा होत आहे. या दिवशी वैवाहिक सुखाचा सन्मान करण्यासाठी अनेक बॉलिवूड अभिनेत्री (Bollywood Actresses) आणि स्टार वाईव्ह्ज (Star Wives) मोठ्या उत्साहात तयारी करतात. सणापूर्वीच अनेक अभिनेत्रींनी, जसे की प्रियांका चोप्रा (Priyanka Chopra), हिना खान (Hina Khan), क्रिती खरबंदा (Kriti Kharbanda) आणि मीरा राजपूत (Mira Rajput) यांच्यासह शिल्पा शेट्टीने (Shilpa Shetty) आपापल्या इन्स्टाग्राम अकाउंटवरून (Instagram) तयारीची झलक शेअर केली आहे.
सेलिब्रिटींमध्ये मेहंदीचा उत्साह
9 ऑक्टोबर रोजी अनेक अभिनेत्रींनी हातावर काढलेल्या सुंदर मेहंदीचे फोटो सोशल मीडियावर शेअर केले आहेत:
प्रियांका चोप्रा: प्रियांका चोप्राने आपल्या इन्स्टाग्राम स्टोरीवर मेहंदीचा फोटो शेअर केला. तिने मेहंदीमध्ये पती निक जोनासचे (Nick Jonas) नाव हिंदीत लिहिले होते. तसेच, तिने आपली मुलगी मालती हिच्या हातावर लावलेल्या मेहंदीचीही झलक दाखवली.
मीरा राजपूत: शाहीद कपूरची पत्नी आणि उद्योजिका मीरा राजपूत हिनेही आपल्या इन्स्टाग्राम स्टोरीवर तिच्या साध्या पण आकर्षक मेहंदी डिझाइनचा फोटो शेअर केला.
क्रिती खरबंदा: पती पुलकित सम्राटसोबत (Pulkit Samrat) तिचा हा दुसरा करवा चौथ साजरा करणारी अभिनेत्री क्रिती खरबंदा हिनेही तिच्या मेहंदीचा डिझाइन तिच्या इन्स्टाग्राम अकाउंटवर दाखवला.
हेही वाचा - Kaun Banega Crorepati Junior: वडील ट्रेनमध्ये कोलगेट विकतात तर आई अगरबत्ती, लेकीने केबीसीमध्ये 90 सेकंदात 10 उत्तरं देऊन मिळवले पाच लाख
हिना खान: अभिनेत्री हिना खान पती रॉकी जैस्वालसोबत (Rockky Jaiswal) आपला पहिला करवा चौथ साजरा करणार आहे. या जोडप्याने याच वर्षी 4 जून रोजी लग्न केले. सध्या कर्करोगाशी लढा देणाऱ्या हिनाने तिच्या मेहंदीने भरलेल्या तळहाताचा फोटो शेअर केला. विशेष म्हणजे, तिचा पती रॉकीनेही करवा चौथच्या निमित्ताने हातावर एक छोटी मेहंदी काढली.
शिल्पा शेट्टी : दरवर्षी मोठ्या उत्साहात करवा चौथ साजरा करणारी अभिनेत्री शिल्पा शेट्टी हिनेही आपल्या तयारीची झलक दाखवली. तिने केवळ हातावरच नाही, तर पायांवरही आकर्षक आणि साध्या मेहंदीची डिझाइन काढली होती. याशिवाय, अभिनेता संजय कपूरची पत्नी महीप कपूरनेही (Maheep Kapoor) तिच्या आणि तिच्या मैत्रिणींच्या मेहंदीची झलक शेअर केली.
हेही वाचा - Arbaaz & Shura Khan Baby Name :अरबाज आणि शूरा खानच्या बाळाचं नाव जाहीर; खान कुटुंबात आनंद साजरा