बिहार विधानसभा निवडणूक २०२५ चे एक्झिट पोल निकाल समोर आले आहेत. बहुतेक सर्वेक्षण संस्थांनी यावेळी एनडीएचे सरकार येण्याचा अंदाज वर्तवला आहे. सर्वेक्षणांनुसार, एनडीएला १३३ ते १६७ जागा मिळण्याचा अंदाज आहे. पण या सगळ्यात सर्वांच्या नजरा दरभंगाच्या अलीनगर विधानसभा जागेवर आहेत.
प्रसिद्ध लोकगायिका मैथिली ठाकूर भाजपच्या तिकिटावर येथून निवडणूक लढवत आहेत. बिहारच्या सांस्कृतिक आयकॉन असलेल्या मैथिली ठाकूर पहिल्यांदाच राजकारणात प्रवेश करत आहेत आणि त्यांच्या उमेदवारीमुळे ही जागा राज्यभर चर्चेचा विषय बनली आहे.
हेही वाचा - Bihar Election 2025: NDA कडून मुख्यमंत्रीपदाची शपथ कोण घेणार? मतमोजणीपूर्वी चिराग पासवान यांच्या पक्षाचा मोठा दावा
एक्झिट पोलनुसार अलीनगर मतदारसंघात चुरशीची लढत होणार असल्याचे दिसून येत आहे. भाजपला आशा आहे की मैथिली ठाकूर यांची लोकप्रियता आणि तरुणांमध्ये त्यांचा मजबूत प्रभाव यामुळे यावेळी पक्षाला विजयाची परिस्थिती मिळेल. दरम्यान, राजदचे उमेदवार विनोद मिश्रा हे एनडीएसमोर एक मोठे आव्हान उभे करत आहेत. मिश्रा हे या प्रदेशातील एक दीर्घकाळाचे आणि प्रभावशाली नेते मानले जातात.
हेही वाचा - निवडणूक आयोगाच्या 'या' निर्णयामुळे पवार गटाची डोकेदुखी गेली
कोण आहे मैथिली ठाकूर ?
मैथिली ठाकूर ही भारतातील एक प्रसिद्ध लोकगायिका, शास्त्रीय गायिका आणि सोशल मीडियावर अत्यंत लोकप्रिय कलाकार आहे. ती मुख्यतः मैथिली, भोजपुरी, हिंदी, पंजाबी, आणि मराठी अशा अनेक भाषांमध्ये गाणे गाते. तिच्या मधुर आवाजामुळे ती भारतातील तरुण पिढीमध्ये अत्यंत लोकप्रिय झाली आहे.