Mausam App: तापमानापासून वादळापर्यंतची प्रत्येक अपडेट, आता एका क्लिकवर

Mausam App: भारत सरकारने आणलेले ‘Mausam App’ हे आता हवामानाशी संबंधित सर्व माहिती एकाच ठिकाणी देण्याचं काम करत आहे. पाऊस, वादळ, तापमान, सूर्यास्त-सूर्योदय किंवा पुढील आठवड्याचा अंदाज या अ‍ॅपच्या माध्यमातून वापरकर्त्यांना सर्व माहिती अचूक आणि वेळेवर मिळते. ‘Mausam App’ भारतीय हवामान विभागाने (IMD) विकसित केले असून, हे पूर्णपणे स्वदेशी अ‍ॅप आहेवापरकर्त्यांसाठी हवामानाचा रिअल टाइम अनुभव

या अ‍ॅपचे सर्वात मोठे वैशिष्ट्य म्हणजे रिअल टाइम अपडेट्स. वापरकर्ते आपल्या शहरातील तापमान, आर्द्रता, वाऱ्याचा वेग, तसेच सूर्योदय आणि सूर्यास्ताची वेळ जाणून घेऊ शकतात. हवामानातील अचानक बदल झाल्यास अ‍ॅप त्वरित नोटिफिकेशन देते. त्यामुळे बाहेर जाण्यापूर्वी छत्री घ्यायची की नाही, याचा निर्णय सहज घेता येतो.
 

हेही वाचा: E-Rupee: RBI ने लाँच केले ई-रुपयाचे ऑफलाइन व्हर्जन; इंटरनेटशिवाय करता येणार पेमेंट

सात दिवसांचा हवामान अंदाज

Mausam अ‍ॅप पुढील 7 दिवसांचा अंदाज सुद्धा दर्शवते. येत्या काही दिवसांत पाऊस पडेल का, उष्णता वाढेल का, वारा किती वेगाने वाहील याबाबतची माहिती अ‍ॅपमध्ये सविस्तर दिली जाते. हे विशेषतः शेतकरी, प्रवासी आणि इव्हेंट प्लॅनिंग करणाऱ्यांसाठी उपयुक्त ठरते.

हवामानाचा तातडीचा इशारा

या अ‍ॅपमध्ये एक वेगळे फीचर आहे ‘Nowcast Alert’, जे पुढील तीन तासांमध्ये हवामानातील संभाव्य बदलांबाबत सूचित करते. त्यामुळे वादळ, गारपीट किंवा विजेचा इशारा अगोदरच मिळतो. हा इशारा मिळाल्याने लोक आपली कामे सुरक्षितरित्या नियोजित करू शकतात, तर शेतकरी आपली पिके योग्य वेळी वाचवू शकतातरडार आणि उपग्रह दृश्य

‘Mausam App’ मध्ये रडार आणि सॅटेलाइट इमेजेस उपलब्ध आहेत. वापरकर्ते कोणत्या भागात ढग आहेत, वादळ कोणत्या दिशेने सरकत आहे किंवा पावसाची शक्यता कुठे आहे हे पाहू शकतात. हे फोटो दर दहा मिनिटांनी अपडेट होतात, त्यामुळे हवामानाची अचूक व ताजी माहिती मिळते.

हेही वाचा: Indian Navigation App v/s Google Map: भारतीय Mappls अॅपचे 5 जबरदस्त फीचर्स ज्यांनी Google Maps ला टाकलं मागे

तीन स्तरांतील हवामान इशारे

या अ‍ॅपमध्ये हवामान इशारे तीन रंगांमध्ये दाखवले जातात :

• लाल: गंभीर इशारा, तत्काळ सतर्कता आवश्यक

• केशरी: धोका संभवतो, सावध रहा

• पिवळा: हलका इशारा, परिस्थितीवर लक्ष ठेवा

या कलर कोड प्रणालीमुळे सामान्य लोकांनाही हवामानाचे गांभीर्य सहज समजते.

आजच्या वेगवान जीवनशैलीत हवामानाची अचूक माहिती असणे गरजेचे झाले आहे. मग प्रवास असो, शेती असो की दैनंदिन ऑफिसचा दिवस ‘Mausam App’ तुमचा हवामान साथीदार ठरू शकतो. जर अजून हे अ‍ॅप डाउनलोड केले नसेल, तर एकदा वापरून पहा कारण हवामान जाणून घेणे आता अगदी सोपे झाले आहे.