मुंबई : एका 36 वर्षीय महिलेला एका महाकाय अजगराने जिवंत गिळल्याची खळबळजनक घटना समोर आली आहे. अलिकडच्या काळात घडलेली ही दुसरी घटना आहे. पोलिसांनी दिलेल्या माहितीनुसार, महिला तिच्या आजारी मुलासाठी औषध आणण्यासाठी बाहेर गेली होती. बराच वेळ झाल्यावर ती परत आली नाही तेव्हा तिचा नवरा तिला शोधण्यासाठी घराबाहेर पडला. काही अंतर चालल्यानंतर, महिलेच्या घरापासून 500 मीटर अंतरावर तिची चप्पल आणि पँट पडलेली आढळली. तिथून काही अंतरावर त्याला एका अजगराचे पोट फुगलेले दिसले. यानंतर संपूर्ण घटनेची माहिती समोर आली. ही घटना इंडोनेशियातील दक्षिण सुलावेसी प्रांतातील आहे.
पोलिसांनी दिलेल्या माहितीनुसार, 36 वर्षीय सिरियाती मंगळवारी सकाळी तिच्या आजारी मुलासाठी औषध आणण्यासाठी बाहेर गेली होती पण परतली नाही. काही तासांनंतरही कोणताही पत्ता न लागल्याने कुटुंबीयांनी त्याचा शोध सुरू केला. पती आदियंसाला त्याच्या घरापासून सुमारे 500 मीटर अंतरावर तिचे (सिरियाती) चप्पल आणि पॅन्ट जमिनीवर पडलेले आढळले असे पोलिसांनी सांगितले. तिथून थोड्या अंतरावर त्यांना एक असामान्यपणे फुगलेला महाकाय अजगर दिसला. पोलिसांनी ताबडतोब गावकऱ्यांना बोलावले आणि अजगराचे पोट कापले गेले आणि सिरियातीचा मृतदेह सापडला.
हेही वाचा : मुख्यमंत्र्यांच्या हस्ते नागपूर महापालिकेच्या अमृतमहोत्सवी वर्षाच्या बोधचिन्हाचे अनावरण
स्थानिक पोलिस प्रमुख इदुल यांनी सांगितले की, जेव्हा अजगराचे पोट कापले गेले. तेव्हा महिलेचा मृतदेह आतमध्ये अखंड आढळला. गाव सचिव इयांग म्हणाले की, अजगराचे पोट इतके मोठे होते की गावकऱ्यांना लगेच समजले की त्यात काहीतरी गंभीर आहे.
यापूर्वीही घडलेल्या घटना
ही घटना काही वेगळी नाही. गेल्या महिन्यात दक्षिण सुलावेसीमध्ये एका महिलेला जाळीदार अजगराने गिळले होते. यापूर्वी 2023 मध्ये एका शेतकऱ्याला 8 मीटर लांबीच्या अजगराने गिळले होते. 2022 मध्ये, जांबी प्रांतात एका महिलेला अजगराने गिळले होते. 2018 मध्ये, 7 मीटर लांबीच्या अजगराच्या पोटात 54 वर्षीय महिलेचा मृतदेह आढळला. 2017 मध्ये, अकबर नावाच्या एका शेतकऱ्याला 4 मीटर लांबीच्या अजगराने गिळले.
जाळीदार अजगर किती धोकादायक असतो?
जाळीदार अजगर हा जगातील सर्वात लांब साप मानला जातो आणि तो दक्षिण आशियामध्ये आढळतो. ते 20 फुटांपेक्षा जास्त लांब वाढू शकते आणि काही विशिष्ट परिस्थितीत ते मानवांना गिळण्यासही सक्षम असतात. लंडनमधील नॅचरल हिस्ट्री म्युझियमनुसार, आतापर्यंत नोंदवलेला सर्वात लांब जाळीदार अजगर 1912 मध्ये सापडला होता, जो सुमारे 33 फूट लांब होता. जो जिराफपेक्षा उंच होता.