Sharad Agarwal Tesla India Head : एलॉन मस्क (Elon Musk) यांच्या टेस्ला (Tesla) कंपनीने भारतीय बाजारपेठेत (Indian Market) आपली पकड मजबूत करण्यासाठी एक महत्त्वाचे पाऊल उचलले आहे. कंपनीने शरद अग्रवाल यांची भारतासाठी नवीन 'कंट्री हेड' (Country Head) म्हणून नियुक्ती केली आहे. ते यापूर्वी लक्झरी स्पोर्ट्स कार कंपनी लॅम्बोर्गिनी इंडियाचे (Lamborghini India) प्रमुख होते. टेस्लासाठी हा निर्णय 'रिसेट स्ट्रॅटेजी'चा (Reset Strategy) भाग असून, आतापर्यंत रिमोट मॅनेजमेंटवर अवलंबून असलेली कंपनी स्थानिक नेतृत्वाच्या (Local Leadership) मदतीने भारतीय ग्राहकांना समजून घेण्याचा प्रयत्न करेल.
रिमोट मॅनेजमेंटकडून 'ग्राउंड लीडरशिप'कडे
ब्लूमबर्गच्या रिपोर्टनुसार, शरद अग्रवाल हे भारतात टेस्लाची कमान सांभाळतील. मे महिन्यात टेस्लाचे माजी कंट्री हेड प्रशांत मेनन यांनी राजीनामा दिल्यानंतर, कंपनीचे भारतीय ऑपरेशन्स (India Operations) आतापर्यंत साउथ-ईस्ट एशिया डायरेक्टर इसाबेल फॅन (Isabelle Fan) पाहत होत्या. त्यांची भूमिका मुख्यत्वे रिमोट मॅनेजमेंटपुरती मर्यादित होती. यामुळे पॉलिसी मेकिंग (Policy Making) आणि बाजारपेठेची समज यासारख्या समस्या येत होत्या. अग्रवाल यांच्या नियुक्तीमुळे कंपनी भारतात 'ऑन-ग्राउंड लीडरशिप' (On-Ground Leadership) घेऊन पुढे जाईल आणि निर्णय प्रक्रिया जलद व बाजारपेठेच्या गरजांनुसार होईल, अशी अपेक्षा आहे.
हेही वाचा - G-20 अहवालातून धोक्याचा इशारा! भारतातील श्रीमंतांची संपत्ती 62 टक्क्यांनी वाढली; गरीब-श्रीमंत दरी वाढली?
शरद अग्रवाल: 'लक्झरी' ते 'ईव्ही'चा प्रवास
शरद अग्रवाल यांचे नाव भारतीय ऑटो उद्योगात (Indian Auto Industry) लक्झरी ब्रँड्सशी जोडले गेले आहे. त्यांनी यापूर्वी लॅम्बोर्गिनी इंडियाचे यशस्वीरित्या नेतृत्व केले, जिथे त्यांनी केवळ विक्रमी विक्री (Record Sales) नोंदवली नाही, तर ब्रँडची प्रीमियम प्रतिमा (Premium Image) देखील मजबूत केली. याशिवाय, त्यांनी जावा, येज्डी आणि बीएसए सारख्या मोटारसायकल बनवणाऱ्या क्लासिक लीजेंड्समधून 'चीफ बिझनेस ऑफिसर' पदाचा नुकताच राजीनामा दिला होता. टेस्लाची जबाबदारी त्यांच्या खांद्यावर आल्याने, त्यांचे पहिले मिशन भारतात सेल्स नेटवर्क (Sales Network) मजबूत करणे असेल.
धीमी सुरुवात, पण मोठ्या अपेक्षा
टेस्लाने यावर्षी जुलैमध्ये मुंबईत पहिले शोरूम (Experience Center) आणि त्यानंतर दिल्लीत आपले दुसरे शोरूम उघडत भारतात अधिकृतपणे एन्ट्री केली होती. सुरुवातीला कंपनीला केवळ 600 ऑर्डर्स मिळाल्या होत्या, जो आकडा ऑक्टोबरपर्यंत सुमारे 800 वाहनांपर्यंत पोहोचला आहे, पण हा कंपनीच्या ग्लोबल सेल्सच्या तुलनेत खूपच कमी आहे. तज्ज्ञांच्या मते, भारतात जास्त इम्पोर्ट ड्युटी (High Import Duty), टेस्लाची जास्त किंमत आणि ईव्ही चार्जिंग इन्फ्रास्ट्रक्चरची कमतरता ही यामागची प्रमुख कारणे आहेत.
मार्केटिंग स्ट्रॅटेजी: टेस्ला आता भारतीय ग्राहकांपर्यंत थेट पोहोचण्यासाठी दिल्ली-एनसीआर, विशेषतः गुरुग्राममधील प्रमुख मॉल्समध्ये पॉप-अप डिस्प्ले (Pop-up Display) लावत आहे.
हेही वाचा - Alimony Taxable Rules: पोटगी करपात्र आहे का? एकरकमी आणि मासिक देखभालीचे कर नियम काय आहेत? वाचा
शरद अग्रवाल यांच्या नेतृत्वाखाली टेस्ला भारतात स्थानिक उत्पादन (Local Manufacturing) किंवा असेंबली प्लांट सुरू करण्याच्या दिशेनेही पाऊल उचलू शकते. एलॉन मस्क यांनी पंतप्रधान नरेंद्र मोदी यांच्याशी भेटल्यानंतर भारतात गुंतवणुकीचे संकेत दिले होते. आता अग्रवाल भारतीय रस्त्यांवर टेस्लाचे स्वप्न साकार करतात की नाही, हे पाहणे महत्त्वाचे ठरेल.