मुंबई: मध्य रेल्वेवर माटुंगा ते मुलुंडदरम्यान अप आणि डाऊन धिम्या मार्गावर रविवारी पाच तासांचा मेगा ब्लॉक घेण्यात येणार आहे. सकाळी ११:०५ पासून ते दुपारी ३:५५ या कालावधीत हा ब्लॉक घेण्यात येणार आहे. ब्लॉकदरम्यान सीएसएमटीवरून सुटणाऱ्या डाऊन धिम्या मार्गावरील गाड्या माटुंगा ते स्थानकांदरम्यान मुलुंड डाऊन जलद मार्गावर वळवण्यात येतील व मुलुंडपुढे, डाऊन धिम्या मार्गावर वळवण्यात येणार आहेत.
हार्बरवर कुर्ला ते वाशीदरम्यान अप आणि डाऊन मार्गावर सकाळी ११:१० ते दुपारी ४:१० या कालावधीत ब्लॉक असल्यामुळे वाशी/बेलापूर/पनवेल दरम्यानची सेवा पूर्णतः बंद ठेवण्यात येणार आहे. त्यामुळे हार्बर मार्गावर छत्रपती शिवाजी महाराज टर्मिनस ते कुर्ला आणि कुर्ला-पनवेल/वाशी दरम्यान विशेष सेवा चालवल्या जाणार आहेत.