World Disability Day : जागतिक दिव्यांग दिनाच्या निमित्ताने शिवशाहीर आणि प्रेरणादायी वक्ते डॉ. विजय तनपुरे यांनी बुधवारी एक विक्रम नोंदवला. उद्योजक कॅप्टन विजय सेठी यांनी घडवून आणलेल्या या संपूर्ण ऐतिहासिक सफरीदरम्यान, डॉ. तनपुरे यांनी लोणावळ्यातील अॅम्बी व्हॅली एअरपोर्टवरून 3 हजार फूट उंचीवर हमरशूट पॅरामोटार (Paramotor) उड्डाण केले. 'दोन विजय एकत्र आले आणि हा विजय घडला' या अर्थपूर्ण संदेशासह हा अनोखा साहसी उपक्रम (Adventurous Activity) साकारण्यात आला.
'दोन विजय एकत्र' आणि 'प्रेरणादायी संदेश'
या साहसी उपक्रमाचे संपूर्ण नियोजन, मार्गदर्शन आणि व्यवस्था उद्योजक कॅप्टन विजय सेठी यांनी केली होती. उड्डाणानंतर डॉ. तनपुरे म्हणाले की, ही घटना केवळ धाडसाची नाही, तर प्रेरणादायी संदेशाचीही आहे. 1993 साली त्यांच्या पहिल्या पोवाडा कॅसेटचे प्रकाशन करणारेही विजय सेठीच होते. तब्बल तीन दशकांनंतर दोन्ही विजय पुन्हा एकत्र येऊन आणखी एक इतिहास घडवण्यात यशस्वी झाले आहेत.
धैर्य, जिद्द आणि क्षमतेचा प्रभावी संदेश
हा उपक्रम केवळ एक साहसी अनुभव नव्हता, तर तो प्रेरणादायी संदेशाचे प्रतीक बनला. यातून डॉ. तनपुरे यांनी धैर्य, जिद्द आणि क्षमता यांचा प्रभावी संदेश दिला. त्यांनी सिद्ध केले की, दिव्यंगत्व (Disability) किंवा कोणतेही आव्हान आपली उड्डाण क्षमता कमी करू शकत नाही. जागतिक दिव्यांग दिनाच्या निमित्ताने त्यांनी समाजात सकारात्मक ऊर्जा निर्माण केली आणि जिद्दीची परिचय दिला.
हेही वाचा - IMD Weather Alert: तीन महिने कडाक्याची थंडी! IMDचा मोठा इशारा महाराष्ट्रासह 6 राज्यांना अलर्ट
जागतिक दिव्यांग दिनाचा इतिहास आणि उद्देश
जागतिक दिव्यांग दिन साजरा करण्याची घोषणा संयुक्त राष्ट्रांनी (United Nations) 1992 मध्ये महासभेच्या ठरावाद्वारे केली होती. हा वार्षिक उत्सव सर्वसाधारण सभेच्या ठराव 47/3 अंतर्गत घोषित करण्यात आला होता. या दिवसाचा मुख्य उद्देश समाजाच्या सर्व क्षेत्रातील दिव्यांग व्यक्तींचे हक्क आणि कल्याण यांना प्रोत्साहन देणे आहे. तसेच, राजकीय, सामाजिक, आर्थिक आणि सांस्कृतिक जीवनाच्या प्रत्येक पैलूमध्ये दिव्यांग व्यक्तींच्या स्थितीबद्दल जागरूकता निर्माण करणे हा या दिनाचा उद्देश आहे. संयुक्त राष्ट्रांमध्ये 2006 मध्ये दिव्यांग व्यक्तींच्या हक्कांवरील अधिवेशन स्वीकारण्यात आले.
दिव्यांग दिन साजरा करण्याची आवश्यकता
बहुतेक सामान्य लोकांना त्यांच्या परिसरात किती दिव्यांग नागरिक आहेत आणि त्यांना समाजात त्यांचे हक्क मिळत आहेत की नाही, याची माहिती नसते. चांगल्या आरोग्यासाठी आणि स्वाभिमान मिळविण्यासाठी त्यांना समाजातील इतर लोकांकडून मदतीची आवश्यकता असते. परंतु, सहसा लोक असे करत नाहीत. सामान्य लोकांना दिव्यांग व्यक्तींच्या वास्तविक स्थितीबद्दल जाणीव करून देण्यासाठी आणि त्यांना जागरूक करण्यासाठी जागतिक दिव्यांग दिन साजरा करणे आवश्यक आहे.
हेही वाचा - Mumbai - Delhi AQI: मुंबईमधील प्रदूषण ‘सेफ झोन’कडे; दिल्ली अजूनही प्रदूषणाच्या विळख्यात