नवी दिल्ली: चिनी स्मार्टफोन निर्माता वनप्लस आज आपला बहुप्रतिक्षित फ्लॅगशिप स्मार्टफोन OnePlus 15 भारतात सायंकाळी 7 वाजता लॉन्च करणार आहे. या लॉन्चनंतर भारतात Qualcomm Snapdragon 8 Elite Gen 5 प्रोसेसर असलेले फोन्स अधिकृतरीत्या पदार्पण करणार आहेत. या महिन्यात iQOO 15 आणि Realme GT 8 Pro सारखे फोन्सही लॉन्च होणार असल्याने प्रीमियम Android मार्केटमध्ये स्पर्धा वाढणार आहे. वनप्लसने लॉन्चपूर्वीच OnePlus 15 च्या अनेक महत्त्वाच्या फीचर्सची माहिती जाहीर केली आहे. यात 7300mAh क्षमतेची मोठी बॅटरी, तीन 50 मेगापिक्सेल कॅमेऱ्यांचा सेटअप आणि नवीन Gaming Technology (गेमिंग तंत्रज्ञान) यांचा समावेश आहे. कंपनीनुसार, OnePlus 15 आज लॉन्च झाल्यानंतर रात्री 8 वाजता विक्रीसाठी उपलब्ध होईल. कार्यक्रम OnePlus च्या अधिकृत YouTube चॅनलवर लाईव्हस्ट्रीम (Livestream) केला जाणार आहे.
OnePlus 15 मध्ये 6.78 इंच AMOLED Display देण्यात आले असून त्यात 1.5K Resolution आणि 165Hz LTPO Adaptive Refresh Rate मिळणार आहे. स्क्रीनची कमाल ब्राइटनेस क्षमता 1800 nits असून लो-लाइट मोडमध्ये ती 1 nit पर्यंत कमी होते. TUV Rheinland Intelligent Eye Care 5.0 प्रमाणपत्रासह Eye Comfort Mode आणि Eye Comfort Reminder सारखी फीचर्सही देण्यात आली आहेत, ज्यामुळे दीर्घ वापरात डोळ्यांवर ताण कमी होतो. फोनचा परफॉर्मन्स हा मुख्य आकर्षण मानला जात आहे. यात Qualcomm Snapdragon 8 Elite Gen 5 प्रोसेसर, Dedicated Touch Response Chip आणि Standalone Wi-Fi Module देण्यात आला आहे. कंपनीचा दावा आहे की हा Three-Chip System OxygenOS 16 (Android 16) वर चालणाऱ्या OnePlus 15 ला 120fps Gaming अनुभव Zero Frame Drops सह देतो. याशिवाय, Custom Gyroscope आणि Vapour Chamber Cooling System मुळे हेवी गेमिंगदरम्यान फोन अधिक स्थिर राहतो.
हेही वाचा: Gold Silver Price Today: 24 कॅरेट सोनं झालं स्वस्त; चांदी स्थिर, प्रमुख शहरांतील आजचे दर पाहा
OnePlus 15 मध्ये Plus Mind नावाचा ऑन-डिव्हाईस AI Assistant देण्यात आला आहे. हा AI सिस्टम वापरकर्त्याचा अनुभव अधिक स्मार्ट बनवण्यासाठी डिझाइन करण्यात आला आहे. गेमिंगसाठी विकसित केलेली Proprietary Gaming Technology प्रोसेसरवरील भार कमी करते, तापमान नियंत्रित ठेवते आणि बॅटरीचे आयुष्य वाढवते. कंपनीनुसार, फोनवर 165fps पर्यंत गेमप्ले (Gameplay) शक्य आहे. कॅमेराच्या बाबतीत OnePlus 15 मध्ये 50MP Main, 50MP Ultra-wide आणि 50MP Telephoto असा Triple Camera Setup देण्यात आला आहे. या वेळी OnePlus ने Hasselblad Partnership न करता स्वतःचा DetailMax Engine वापरला आहे. फ्रंट कॅमेरा 32MP आहे. बॅटरीसाठी Silicon NanoStack तंत्रज्ञान वापरले असून 4 वर्षांनंतरही बॅटरी क्षमता 80 टक्क्यांपेक्षा जास्त राहील, असा दावा आहे. 120W SUPERVOOC Wired आणि 50W AIRVOOC Wireless Charging सपोर्टही दिला आहे.
OnePlus 15 हा IP66, IP68, IP69 आणि IP69K अशा चार Protection Ratings सह येणार आहे. Sand Storm व्हेरियंटमध्ये दिलेला Micro Arc Oxidation Frame हा पारंपरिक अॅल्युमिनियमपेक्षा 3.4 पट मजबूत आणि टायटॅनियमपेक्षा 1.3 पट अधिक टिकाऊ असल्याचा कंपनीचा दावा आहे. OnePlus 15 Sand Storm, Absolute Black आणि Misty Purple या रंगांमध्ये उपलब्ध असेल. RAM 12GB किंवा 16GB आणि Storage 256GB, 512GB किंवा 1TB अशा पर्यायांसह फोन बाजारात येणार आहे. भारतामध्ये प्रीमियम स्मार्टफोन वापरकर्त्यांच्या अपेक्षांची पूर्तता करण्यासाठी तयार केलेला OnePlus 15 आज लॉन्च होत असल्याने मोबाइलप्रेमींच्या नजरा या कार्यक्रमावर केंद्रीत झाल्या आहेत.
हेही वाचा: Money Laundering Case : ED ची मोठी कारवाई; मनी लाँड्रिंगप्रकरणी JP इन्फ्राटेकचे एमडी अटकेत