Sania Mirzas Son Izhaan Bollywood Debut : भारतीय टेनिसपटू सानिया मिर्झाला 2018 मध्ये मुलगा झाला. त्याचे नाव इझहान मिर्झा-मलिक आहे. इझहान दुबईमध्ये सानियासोबत राहतो. भारतीय टेनिस स्टार सानिया मिर्झाच्या मुलाचा जन्म झाल्यापासून, लोक विचारत आहेत की, इझहान त्याचे वडील शोएब मलिकप्रमाणे क्रिकेटर बनेल की आई सानियाप्रमाणे टेनिस खेळेल? मात्र, इझहान खेळात करिअर करणार नाही आणि तो इतर अनेक स्टार किड्सप्रमाणे बॉलिवूडमध्ये प्रवेश करू शकेल, अशी शक्यता आहे. दिग्दर्शक फराह खानने स्वतः सोशल मीडियावर याची पुष्टी केली आहे.
हेही वाचा - वहीदा रहमानचे वडील म्हणायचे, 'मुलीला वेड लागलंय;' तर, नृत्यकलेतील गुरूंनी मागितली 'कुंडली'
फराह खान आणि सानिया जवळच्या मैत्रिणी आहेत
दिग्दर्शक आणि निर्माती फराह खान ही सानियाची जवळची मैत्रीण आहे. दोघेही अनेक टीव्ही शोमध्ये एकत्र दिसल्या आहेत. फराहचे स्वतःचे यूट्यूब चॅनेल आहे, ज्यावर सानिया मिर्झा पाहुणी म्हणून आली होती. त्याच व्हिडिओमध्ये सानियाने सांगितले की, जेव्हा तिचा मुलगा इझहानचा जन्म झाला, तेव्हा फराहने तिला सांगितले होते की, ती त्याला बॉलिवूडमध्ये लाँच करेल.
सानियाला इझहानला बॉलिवूडमध्ये लाँच करायचे आहे
व्हिडिओमध्ये इझहान फराह खानचे ऐकत नव्हता. तेव्हा फराहने इझहानला सांगितले की, विसरू नकोस, मी तुला लाँच करणार आहे. यानंतर सानियाने इझहानच्या जन्माची कहाणी सांगितली. ती म्हणाली, 'हे खूप कमी लोकांना माहिती आहे,' इझहानच्या जन्मानंतर कधीतरी फराह तिला भेटायला आली. फराहने इझहानला 10 रुपये दिले आणि म्हणाली की मी तुला लाँच करेन. ते 10 रुपये साईनिंग अमाऊंट होती. फराहनेही सानियाचे म्हणणे मान्य केले.
इझहान मिर्झा फुटबॉल देखील खेळतो
सानिया मिर्झा तिच्या मुलासोबत दुबईमध्ये राहते. इझहानला अनेक वेळा टेनिस खेळताना पाहिले गेले आहे. पण तो युव्हेंटस फुटबॉल अकादमीमध्येही प्रशिक्षण घेतो. अलीकडेच त्याचा वाढदिवस होता आणि त्या पार्टीची थीम देखील फुटबॉल होती. तेव्हा तो कोणत्या खेळात करिअर करेल हे सांगता येत नाही. हे देखील शक्य आहे की, फराह खान जे म्हणते ते खरे ठरू शकते आणि इझहान बॉलिवूडमध्ये प्रवेश करू शकतो. फराह खानने दीपिका पदुकोणला लाँच केले होते. ती आज एक मोठी सुपरस्टार आहे.
हेही वाचा - Valentine Week : 15 व्या वर्षी अभिनेत्री रेखासोबत सेटवर घडला होता असा प्रकार, कधीच लाभलं नाही 'खरं प्रेम'
सानियाच्या घरावर इझहानचं नाव
दरम्यान, पाकिस्तानी क्रिकेटपटू शोएब मलिक आणि भारताची स्टार टेनिसपटू सानिया मिर्झाचा घटस्फोट होऊन आता एक वर्ष झाले आहे. शोएब मलिकने जानेवारी 2024 मध्ये पाकिस्तानी अभिनेत्री सना जावेदशी लग्न केले. घटस्फोटाच्या एका वर्षानंतर, सानिया मिर्झाने तिच्या दुबईतील घरातून तिचा माजी पती शोएब मलिकचे नाव काढून टाकले आहे. तिने शोएबच्या नावाऐवजी एका खास व्यक्तीचे नाव लिहिले आहे. ती व्यक्ती म्हणजे सानियाचा मुलगा इझहान...
सानिया तिच्या नवीन व्हिलामध्ये अनेक मोठे बदल करत आहे. सानिया मिर्झा आता तिचा मुलगा इजहानसोबत या घरात राहण्याचा विचार करत आहे. रिपोर्ट्सनुसार, सानिया तेथे लवकरच स्थलांतरित होणार आहे. 2022 पासून शोएब आणि सानिया यांच्या नात्यात दुरावा आल्याच्या बातम्या येत होत्या. सानियाने 2023 मध्ये व्यावसायिक टेनिसला निरोप दिला होता.