कार्डियाक अरेस्ट म्हणजे काय? जाणून घ्या काय आहेत या आजाराची लक्षणे

Cardiac Arrest symptoms: बिग बॉसची माजी स्पर्धक आणि प्रसिद्ध अभिनेत्री शेफाली जरीवाला यांची प्रकृती शुक्रवारी अचानक बिघडली. त्यानंतर तिला तातडीने रुग्णालयात नेण्यात आले. रुग्णालयात पोहोचताच डॉक्टरांनी तिला मृत घोषित केले. सध्या तिच्या मृत्यूचे कारण हृदयविकाराचा झटका असल्याचा संशय व्यक्त करण्यात येत आहे, परंतु शवविच्छेदन अहवालानंतरच ते निश्चित होईल. दुपारी 12:30 वाजता शेफालीचा मृतदेह अंधेरी येथील कूपर रुग्णालयात शवविच्छेदनासाठी पाठवण्यात आला. शेफालीच्या मृत्यूनंतर तिच्या चाहत्यांना मोठा धक्का बसला आहे. 

कार्डियाक अरेस्ट म्हणजे काय?

कार्डियाक अरेस्ट ही एक गंभीर स्थिती आहे ज्यामध्ये हृदयाचे ठोके अचानक थांबतात. या आजाराला सायलेंट हार्ट अटॅक असेही म्हणतात. हा एक प्रकारचा हृदयरोग आहे ज्यामध्ये हृदयाला रक्तपुरवठा होण्यास अडचण येते. हृदयविकाराच्या झटक्यामध्ये, व्यक्तीच्या हृदयात रक्त पंप होणे थांबते, ज्यामुळे श्वास घेण्यास त्रास होतो. तथापि, बहुतेक प्रकरणांमध्ये, व्यक्ती बेशुद्ध होते. यामुळे शरीराच्या इतर भागात रक्त पोहोचणे थांबते, ज्यामुळे काही मिनिटांतच व्यक्तीचा मृत्यू होऊ शकतो. कोरोना साथीनंतर जागतिक स्तरावर अशा घटनांमध्ये वाढ झाली आहे.

हेही वाचा - अभिनेत्री सना खानवर कोसळला दु:खाचा डोंगर! आई सईदा यांचे निधन

कार्डियाक अरेस्टची लक्षणे - 

अमेरिकन हार्ट असोसिएशनच्या मते, एखाद्या व्यक्तीला थकवा जाणवणे सामान्य आहे, परंतु जर थकवा बराच काळ टिकून राहिला तर ते हृदयविकाराचे प्रारंभिक लक्षण असू शकते. महिलांमध्ये अशी लक्षणे अधिक दिसून येतात. याशिवाय, छातीत सौम्य वेदना, श्वास घेण्यास त्रास होणे, सुस्ती वाटणे, घाबरणे, उच्च रक्तदाब आणि थंड घाम येणे अशी लक्षणे दिसू शकतात. कार्डियाक अरेस्टमध्ये सर्वात आधी व्यक्ती बेशुद्ध होणे, ओठाखालील हनुवटीत वेदना, हात आणि डाव्या हातात वेदनांसह मुंग्या येणे ही लक्षणे दिसू लागतात. 

हेही वाचा - आजपासून फोनवर नाही ऐकू येणार अमिताभ यांचा आवाज; कारण समजताच व्हाल आश्चर्य

कार्डियाक अरेस्ट गंभीर लक्षणे - 

जेव्हा हृदयाचे स्नायू कमकुवत किंवा कडक होतात, तेव्हा रक्त पंप करण्याची क्षमता प्रभावित होते, ज्यामुळे हृदयाच्या लयीत अडथळा येऊ शकतो. हृदयाच्या ठोक्यांमधील अनियमितता, विशेषतः वेंट्रिक्युलर फायब्रिलेशनमुळे कार्डियाक अरेस्ट येऊ शकतो.

मधुमेह, उच्च रक्तदाब, उच्च कोलेस्ट्रॉल आणि लठ्ठपणामुळे हृदयविकाराचा धोका अनेक पटीने वाढतो.

धूम्रपान, जास्त मद्यपान, ताणतणाव आणि शारीरिक निष्क्रियता यामुळेही हृदय कमकुवत होते.

हृदयविकार रोखण्यासाठी संतुलित आहार घेणे अत्यंत महत्त्वाचे आहे. तथापी, धूम्रपान आणि मद्यपान टाळा. जास्त ताणतणाव टाळा आणि पुरेशी झोप घ्या.

Disclaimer: ही माहिती केवळ सामान्य ज्ञानासाठी प्रदान केली आहे. जय महाराष्ट्र या माहितीची कोणतीही हमी देत नाही. आरोग्यविषयक कोणताही निर्णय घेण्यापूर्वी तज्ज्ञ किंवा डॉक्टरांचा सल्ला घ्या.