Maharashtra

विधान परिषद निवडणुकीसाठी मोर्चेबांधणी जोरात

विधानपरिषदेत भाजपने पाच तर महाविकास आघाडीने सहा उमेदवार रिंगणात उतरवले आहेत. पण, अतिरिक्त उमेदवाराला जिंकून आणण्यासाठी दोन्ही पक्षांकडे पूरेसं संख्याबळ नाही. विधानपरिषद निवडणुकीत शिवसेना, काँग्रेस आणि राष्ट्रवादी काँग्रेसकडून प्रत्येकी दोन उमेदवारांना संधी देण्यात आली आहे.

२८८ आमदारांपैकी २८५ आमदार उद्या मतदानाचा हक्क बजावणार आहेत. त्यात भाजपाच्या पुण्याच्या कसबा पेठ येथील आमदार मुक्ता टिळक व पिंपरी चिंचवडचे आमदार लक्ष्मण जगताप यांची तब्येत खालावली असल्याकारणाने ते उद्या मतदानाला हजर होतील का? याबाबत सुद्धा अजून नक्की नाही आहे. परंतु पक्षाशी एकनिष्ठ आणि कर्तव्यदक्ष असल्याकारणाने राज्यसभेच्या निवडणुकीत यांनी मतदानाचा अधिकार बजावला होता हे विशेष तसेच उद्या होणाऱ्या निवडणुकीत लहान पक्ष व अपक्ष आमदार यांची १५ मत आहेत व ही १५ मत अतिशय निर्णायक ठरणार आहेत. या मतांसाठी सर्वच पक्षाच्या वरिष्ठ नेत्यांनी कितीही विनवण्या, विनंत्या व गाठीभेटी घेतल्या तरी सुद्धा शेवटच्या क्षणापर्यंत ही मते कोणाला भेटणार हे गुलदस्त्यातच राहणार आहे.

 मागील काही दिवसांपासून अपक्ष आणि छोट्या पक्षांची मनधरणी करण्यासाठी बरेच प्रयत्न सर्वच पक्षाच्या वरिष्ठ नेत्यांकडून, त्याचबरोबर उमेदवारांकडून होताना दिसत आहेत. मागील राज्यसभा निवडणुकीमध्ये बहुजन विकास आघाडीची ३ मत फार निर्णायक ठरली होती. यावेळी ती मत आपल्याकडे खेचण्यासाठी महाविकास आघाडी तसेच भाजपाकडूनही मोठ्या प्रमाणामध्ये प्रयत्न होताना दिसत आहेत. काँग्रेसचे उमेदवार भाई जगताप, राष्ट्रवादी काँग्रेसचे उमेदवार रामराजे निंबाळकर, भाजपाचे उमेदवार प्रसाद लाड, त्याचबरोबर प्रवीण दरेकर यांनी सुद्धा हितेंद्र ठाकूर यांच्याशी संपर्क साधून मदत करण्याची विनंती केली आहे. तर दुसरीकडे बहुजन विकास आघाडीचे सर्वेसर्वा हितेंद्र ठाकूर यांनी कुणालाही शब्द दिला नसून ते कोणाला मत देणार हे शेवटपर्यंत गुलदस्त्यातच राहणार आहे.

manish tare

Recent Posts

समीर वानखेडे यांची मलिकांविरोधात तक्रार

जात प्रमाणपत्र पडताळणी समितीकडून अमलीपदार्थ नियंत्रण विभागाचे मुंबईचे माजी विभागीय संचालक समीर वानखेडे यांना नुकताच…

2 hours ago

‘लोक निवडून देतात ती घराणेशाही कशी?’

पंतप्रधान नरेंद्र मोदी यांनी देशाच्या अमृतमहोत्सवी स्वातंत्र्यदिनी लाल किल्ल्यावरून केलेल्या भाषणात घराणेशाही आणि भ्रष्टाचारावर टीका…

4 hours ago

मुकेश अंबानींच्या कुटुंबियांना धमकी

प्रसिद्ध उद्योगपती मुकेश अंबानी आणि कुटुंबियांना जीवे मारण्याची धमकी देण्यात आली आहे. चार ते पाच…

4 hours ago

‘भ्रष्टाचार आणि घराणेशाही ही देशाला लागलेली कीड’

७५ व्या स्वातंत्र्य दिनानिमित्ताने पंतप्रधान मोदींच्या हस्ते लाल किल्ल्यावर ध्वजारोहण पार पडला. यावेळी देशाला संबोधित…

5 hours ago

पंतप्रधान नरेंद्र मोदींच्या हस्ते लाल किल्ल्यावर ध्वजारोहण

 देशाचा आज ७५ वा स्वातंत्र्य दिन मोठ्या उत्साहात साजरा केला जात आहे. आज शासकीय कार्यालये,…

5 hours ago

राष्ट्रपती द्रौपदी मुर्मू यांचं संबोधन

राष्ट्रपती द्रौपदी मुर्मू यांनी स्वातंत्र्यदिनाच्या पूर्वसंध्येला देशाला उद्देशून भाषण केले. या भाषणात त्यांनी देशाच्या आशा-आकांक्षा…

20 hours ago