मुंबई: व्यावसायिकाच्या हत्येच्या प्रयत्नाच्या 21 वर्षे जुन्या प्रकरणातून गँगस्टर छोटा राजनची निर्दोष मुक्तता करण्यात आली आहे. न्यायालयाने आदेशात म्हटले आहे की, राजन या गुन्ह्यात सहभागी असल्याचे कोणतेही पुरावे रेकॉर्डवर आणण्यात आले नाहीत.
काय प्रकरण आहे?
21 वर्षांपूर्वी म्हणजेचं 2004 मध्ये, 6-7 जणांनी हरचंदानी यांच्या फर्मच्या कार्यालयात घुसून तिथे उपस्थित असलेल्या एका अकाउंटंटवर गोळीबार केला. त्यानंतर मुंबईतील अंधेरी पोलिस ठाण्यात हत्येच्या प्रयत्नाचा गुन्हा दाखल करण्यात आला. पोलिसांनी राजनला वॉन्टेड आरोपी म्हणून घोषित केले होते. 2015 मध्ये राजनला भारतात प्रत्यार्पण केल्यानंतर, त्याच्यावर या प्रकरणात खटला चालवण्यात आला.
हेही वाचा - महाराष्ट्रात सायबर टीमची मोठी कारवाई! भारत-पाक संघर्षाबद्दल चुकीची माहिती देणाऱ्या 5 हजार बनावट पोस्ट हटवल्या
दरम्यान, न्यायालयाने असे आढळून आले की पोलिसांनी महाराष्ट्र संघटित गुन्हेगारी नियंत्रण कायद्याच्या (मकोका) कडक कलमांचा वापर केला होता. तथापि, न्यायालयाने दावा केला होता की, राजनने गुन्हेगारी सिंडिकेटचा प्रमुख म्हणून हा गुन्हा केला होता. या प्रकरणात राजनचा सहभाग सिद्ध करण्यात पोलिसांना अपयश आले आहे. फिर्यादी पक्षाच्या म्हणण्यानुसार, नंदकुमार हरचंदानी नावाचा एक व्यापारी 2004 मध्ये अंधेरी येथे झोपडपट्टी पुनर्वसन योजनेअंतर्गत इमारत बांधत होता. हरचंदानी आणि जमिनीचे पूर्वीचे मालक आणि एका कंत्राटदारामध्ये देयकावरून वाद निर्माण झाला. हरचंदानी यांच्यावर थकबाकी न भरल्याचा आरोप आहे आणि त्यांना धमकीचे फोन येत होते, असा दावा सरकारी वकिलांनी केला.
हेही वाचा - उष्माघातामुळे 48 वर्षीय शेतकऱ्याचा मृत्यू
तथापि, सरकारी वकिलांनी असा दावा केला की, हे कॉल राजनने केले होते. त्याने गुंडाना बिल्डरला मारण्याचे काम सोपवले होते. 2015 मध्ये प्रत्यार्पणापासून राजन तिहार तुरुंगात आहे. त्याच्याविरुद्ध प्रलंबित खटल्यांची सुनावणी करण्यासाठी एक विशेष न्यायालय नियुक्त करण्यात आले होते. राजन सध्या जे डे हत्या प्रकरणात जन्मठेपेची शिक्षा भोगत असून इतर काही प्रकरणांमध्येही त्याची निर्दोष मुक्तता झाली आहे.