नवी दिल्ली: राजधानी दिल्लीत विधानसभा निवडणुकीत भाजपाचे कमळ फुलले. दिल्ली विधानसभा निवडणुकीच्या निकालात भाजपला आघाडी मिळाली असून तब्बल २७ वर्षांनंतर राजधानीत भाजपचे कमळ फुलताना दिसत आहे. याच पार्शवभूमीवर एकनाथ शिंदेंकडून भाजपाचं अभिनंदन करण्यात आलंय. महाराष्ट्रापाठोपाठ दिल्लीतील मतदारांचाही मोदींच्या नेतृत्त्वावर विश्वास असल्याचं त्यांनी म्हटलंय. भाजपा आणि एनडीएची विजयी घौडदौड सुरूच असून
दिल्लीकरांवरील 10 वर्षे असलेलं 'आप'चे संकट दूर केलं असल्याचं एकनाथ शिंदेनी म्हटलंय. दरम्यान x प्लॅटफॉर्मवर पोस्ट करून उपमुख्यमंत्री एकनाथ शिंदेची भाजपाचं अभिनंदन केलंय.
हेही वाचा: Delhi Election Results 2025: अरविंद केजरीवालांचा पराभव करणारे प्रवेश वर्मा कोण?
काय आहे पोस्ट?
यह मोदीजी की गॅरंटी का कमाल है |
महाराष्ट्रा पाठोपाठ दिल्लीमधील मतदारांनीही पंतप्रधान माननीय
@narendramodi
जी यांच्या नेतृत्वावर पूर्ण विश्वास व्यक्त केला आहे. भारतीय जनता पक्षाची आणि एनडीएची विजयी घौडदौड सुरूच आहे. त्याबद्दल मनःपूर्वक अभिनंदन!
दिल्लीकरांवरचे गेली 10 वर्षे असलेलं 'आप'चे संकट या निमित्ताने दूर झाले आहे. दिल्लीच्या विकासावर आलेली ही 'आपदा' टळली. त्याचबरोबर, संविधान, मतदान सगळे संकटात असल्याचा खोटा दावा करणाऱ्या काँग्रेस पक्षाला मतदारांनी पुन्हा एकदा चारी मुंड्या चित केलं आहे. खोटेपणा हरला आणि खरेपणाला मतदारांनी भरभरून साथ दिली, त्याबद्दल दिल्लीकर मतदारांना मनापासून धन्यवाद!
घरोघरी लक्ष्मीची पावले उमटावीत म्हणून मोदीजींच्या नेतृत्वाखालील सरकारने सादर केलेल्या यंदाच्या केंद्रीय अर्थसंकल्पावरही मतदारांनी पसंतीची मोहोर उमटवली आहे. आपला देश आर्थिक महासत्ता होण्यापासून आता कोणी रोखू शकत नाही, यावरही मतदारांनी पूर्ण विश्वास व्यक्त केला आहे.