Sun. Aug 25th, 2019

गेम खेळत असताना मोबाईलचा स्फोट, 16 वर्षाच्या मुलाचा डोळा निकामी

0Shares
कागल तालुक्यातील उंदरवाडी येथील अमोल दत्तात्रय पाटील ( वय १६) हा दोन मोबाईलवर गेम खेळत बसला होता. बराच वेळ गेम खेळत बसल्याने मोबाईल गरम झाला आणि त्याचा स्फोट झाला. या मोबाईलमधील पार्टचा तुकडा डाव्या डोळ्यात घुसल्याने अमोलचा डोळा निकामी झाल्याची घटना घडली आहे. या घटनेने जिल्ह्यात खळबळ उडाली असून मुलांच्या हातून मोबाईल काढून घेणे आणि त्याच्या वापरास मज्जाव करण्याचा आग्रह पालक धरत आहेत.

नेमकं काय घडलं?

अमोलने सरवडे येथील खोराटे विद्यालयातून १० वीची परीक्षा दिली आहे. त्याचा लवकरच निकाल लागणार आहे.
हुशार अमोलला पालकांनी जादा क्लाससाठी के.पी.पाटील शैक्षणिक संकुलात दाखल केले आहे.
बुधवारी घरातील सर्वजण भैरीचे पठार येथे शेतीकामासाठी गेले होते. सकाळी १० च्या सुमारास अमोल मोबाईलवर गेम खेळत बसला.
थोड्या वेळाने मोबाईल गरम झाला आणि स्फोट झाला, तेव्हा त्या मोबाईल मधील एक लांब तुकडा त्याच्या डाव्या डोळ्यात घुसला.
वेदना होत झाल्याने शेजारील लोकांनी वडिलांना कळवले. वडील शेतातून आल्यावर अमोलला कोल्हापूरातील खासगी रुग्णालयात दाखल केले.
तेथील नेत्ररोग तज्ञांनी तत्काळ शस्रक्रिया करुन तो तुकडा काढला, मात्र डोळा निकामी झाल्याचे सांगितले.
0Shares

Leave a Reply

Your email address will not be published. Required fields are marked *