मुंबई : मिराभाईंदर शहरात पाणीपुरवठ्याच्या व्यवस्थापनामध्ये सुधारणा करण्यासाठी महत्त्वाच्या दुरुस्तीची कामे करण्यात येणार आहेत. यासाठी शुक्रवारी, 13 डिसेंबर 2024 रोजी सकाळी 9:00 वाजल्यापासून ते शनिवार, 14 डिसेंबर 2024 रोजी सकाळी 9:00 वाजेपर्यंत, एकूण 24 तास पाणीपुरवठा पूर्णपणे बंद राहणार आहे.

शहाड धरणातून येणाऱ्या मुख्य पाईपलाईनच्या दुरुस्तीचे काम हाती घेण्यात येत आहे. या दुरुस्तीमुळे भविष्यातील पाणीपुरवठा अधिक कार्यक्षम आणि सातत्यपूर्ण होईल, असे प्रशासनाने सांगितले आहे. मात्र, या कालावधीत नागरिकांना पाण्याचा पुरवठा होणार नसल्याने त्यांना पाणी साठवून ठेवण्याचे आवाहन करण्यात आले आहे.

पाणीपुरवठा बंद राहिल्याने सामान्य जनतेने गैरसोय टाळण्यासाठी आवश्यक पाण्याचा साठा करून ठेवावा. पिण्याचे आणि स्वयंपाकासाठी लागणारे पाणी वेगळे ठेवणे आणि पाण्याचा जपून वापर करणे आवश्यक आहे. तसेच, महापालिकेने या दुरुस्तीच्या कामाबाबत नागरिकांना पूर्वकल्पना देऊन त्यांची गैरसोय टाळण्याचा प्रयत्न केला आहे.दुरुस्तीचे काम वेळेत पूर्ण झाल्यास, शनिवार, 14 डिसेंबर रोजी सकाळी 9:00 नंतर पाणीपुरवठा हळूहळू पूर्ववत होईल. तरीही नागरिकांनी काही तांत्रिक अडचणी येऊ शकतात, याची शक्यता लक्षात घेऊन संयम बाळगावा.

महत्त्वाच्या दुरुस्तीच्या या कामामुळे शहरातील पाणीपुरवठा अधिक सुधारेल, त्यामुळे नागरिकांनी या अडचणीला सहकार्य करावे, असे प्रशासनाचे आवाहन आहे.