Monday, February 10, 2025 11:53:30 AM

Mumbai Thirty Hours Water Blog
मुंबई तीस तासांचा पाणीब्लॉग; 'या' भागांमध्ये पाणीपुरवठा बंद

पवई अँकर ब्लॉक ते मरोशी जलबोगद्या दरम्यान मुंबई महानगरपालिकेमार्फत नवीन 2400 मिलीमीटर व्यासाची जलवाहिनी टाकण्याचे काम पूर्ण झाले आहे.

मुंबई तीस तासांचा पाणीब्लॉग या भागांमध्ये पाणीपुरवठा बंद

चेतन किर्दत, मुंबई, प्रतिनिधी : पवई अँकर ब्लॉक ते मरोशी जलबोगद्या दरम्यान मुंबई महानगरपालिकेमार्फत नवीन 2400 मिलीमीटर व्यासाची जलवाहिनी टाकण्याचे काम पूर्ण झाले आहे. त्यामुळे 1800 मिलीमीटर व्यासाच्या तानसा पूर्व व पश्चिम या दोन जलवाहिन्या अंशतः खंडित करून नवीन 2400 मिलीमीटर व्यासाची जलवाहिनी कार्यान्वित करण्याचे काम हाती घेण्यात येणार आहे. बुधवार, 5 फेब्रुवारी 2025 रोजी सकाळी 11 वाजल्यापासून ते गुरुवारी 6 फेब्रुवारी 2025 रोजी सायंकाळी 5 वाजेपर्यंत, म्हणजेच एकूण 30 तास ही जलवाहिनी कार्यान्वित करण्याचे काम सुरू राहणार आहे. या कालावधीत मुंबईतील भांडुप विक्रोळी (एस), कुर्ला (एल), विलेपाले ते अंधेरी पूर्व बाजु (के पूर्व), वांद्रे ते सांताक्रुझ पूर्व (एच पूर्व), आणि माहिम दादर धारावी (जी उत्तर) विभागांतील काही परिसरांचा पाणीपुरवठा बंद राहणार आहे.


जय महाराष्ट्र न्यूजच्या थेट संपर्कात राहण्यासाठी  व्हॉट्सअप चॅनेल वर क्लिक करा.

या परिसरातील नागरिकांनी, पाणीपुरवठा बंद असण्याच्या अगोदरच्या दिवशी आवश्यकतेनुसार पाण्याचा साठा करून ठेवावा. तसेच, पाणीपुरवठा बंद असलेल्या कालावधीत पाण्याचा काटकसरीने वापर करावा. जलवाहिनीच्या कामानंतर पुढील काही दिवस गढूळ पाणीपुरवठा होण्याची शक्यता आहे. खबरदारीचा उपाय म्हणून नागरिकांनी पाणी गाळून व उकळून प्यावे तसेच महानगरपालिकेस सहकार्य करावे, असे आवाहन बृहन्मुंबई महानगरपालिका प्रशासनाच्या वतीने करण्यात येत आहे. 

हेही वाचा : Union Budget 2025: अर्थसंकल्पातून पगारदारांना दिलासा

शहर आणि उपनगरांतील 'या' भागांमध्ये नसणार पाणी

महापालिका एस विभाग

श्रीरामपाडा, खिंडीपाडा, तुळशेतपाडा, मिलिंद नगर. नरदास नगर, शिवाजी नगर, मरोडा हिल, भांडुप (पश्चिम), गौतम नगर, फिल्टर पाडा, महात्मा फुले नगर, पासपोली गाव, तानाजीवाडी उदंचन केंद्र, मोरारजी नगर. सर्वोदय नगर, गावदेवी टेकडी. तुळशेतपाडा, टेंभीपाडा, नरदास नगर, रमाबाई नगर 1 आणि 2, साई हिल भांडुप जलाशय येथून होणारा पाणीपुरवठा 5 व 6 फेब्रुवारीला पाणीपुरवठा पूर्णतः बंद राहील. तर, खदान मार्ग, प्रताप नगर मार्ग, जंगल मंगल मार्ग, गावदेवी मार्ग, दत्त मंदीर मार्ग, लेक मार्ग, सोनापूर जंक्शन ते मंगतराम पेट्रोल पंपपर्यंतचा लालबहादूर शास्त्री मार्ग लगतचा परिसर, भांडुप (पश्चिम), शिंदे मैदान जवळील परिसर, प्रताप नगर मार्ग, फुले नगर टेकडी, रामनगर उदंचन केंद्र, रावते कंपाऊंड उदंचन केंद्र, हनुमान टेकडी, अशोक टेकडी, (नवीन हनुमान नगर) या ठिकाणी 6 फेब्रुवारीला पाणीपुरवठा पूर्णतः बंद राहील.

हेही वाचा : Union Budget 2025: अर्थसंकल्पातून काय स्वस्त, काय महाग?


महापालिका एल विभाग 

कुर्ला दक्षिण-काजपाडा, सुंदरबाग, नवपाडा, हलावपूल, न्यू मील मार्ग, कपाडिया नगर, नवीन म्हाडा वसाहत, परिघखाडी, तकिया वॉर्ड, महाराष्ट्र काटा, गफुर खान इस्टेट, पाईप लाईन मार्ग, लालबहादूर शास्त्री मार्ग (पूर्व व पश्चिम), क्रांती नगर, संभाजी चौक, रामदास चौक, अण्णा सागर मार्ग या ठिकाणी 5 फेब्रुवारीला पाणीपुरवठा पूर्णतः बंद राहील. तर, कुर्ला उत्तर-90 फीट रोड, कुर्ला-अंधेरी मार्ग, जरीमरी, घाटकोपर-अंधेरी जोडरस्ता, साकीविहार मार्ग, मारवा उद्योग मार्ग भाग, सत्यनगर पाईपलाईन या ठिकाणी 6 फेब्रुवारीला पाणीपुरवठा पूर्णतः बंद राहील


महापालिका जी उत्तर विभाग 

धारावी मुख्य मार्ग, गणेश मंदीर मार्ग, दिलीप कदम मार्ग, जस्मीन मील मार्ग, माहीम फाटक, ए. के. जी. नगर या ठिकाणी 5 फेब्रुवारीला पाणीपुरवठा पूर्णतः बंद राहील. तर, जास्मिन मील मार्ग, माटुंगा मजूर कॅम्प, संत रोहिदास मार्ग, 60 फीट मार्ग, 90 फीट मार्ग, संत कक्कया मार्ग, एम. पी. नगर धोरवडा, एम. जी. मार्ग, धारावी लूप मार्ग, ए. के. जी. नगर या ठिकाणी 6 फेब्रुवारीला पाणीपुरवठा पूर्णतः बंद राहील. 


महापालिका के पूर्व विभाग

विजय नगर मरोळ, मिलीट्री मार्ग, वसंत ओअॅसिस, गावदेवी, मरोळ गाव, चर्च रोड, हिल व्ह्यू सोसायटी, कदमवाडी, भंडारवाडा, उत्तम ढाबा या ठिकाणी 5 फेब्रुवारीला पाणीपुरवठा पूर्णतः बंद राहील. तर, ओमनगर, कांतीनगर, राजस्थान सोसायटी, साई नगर (तांत्रिक क्षेत्र) सहार गाव, सुतारपाखाडी (पाईपलाईन क्षेत्र) या ठिकाणी 5 फेब्रुवारीला पाणीपुरवठा पूर्णतः बंद राहील. तसेच, आंतरराष्ट्रीय विमानतळ व सिप्झ-मालपा डोंगरी, एम. आय. डी. सी., मार्ग क्रमांक 1 ते 23, ट्रान्स अपार्टमेंट, कोंडीविटा, महेश्वरी नगर, उपाध्याय नगर, ठाकूर चाळ, साळवे नगर, भवानी नगर, दुर्गापाडा, मामा गॅरेज या ठिकाणी 5 व 6 फेब्रुवारीला पाणीपुरवठा पूर्णतः बंद राहील. 

महापालिका के पूर्व विभाग

चकाला, प्रकाश वाडी, गोविंद वाडी, मालपा डोंगरी क्रमांक 1 व 2, हनुमान नगर, मोटा नगर, शिवाजी नगर, शहीद भगतसिंग वसाहत (भाग), चरतसिंग वसाहत (भाग), मुकुंद रुग्णालय, तांत्रिक विभाग, लेलेवाडी, इंदिरा नगर, मापखान नगर, टाकपाडा, विमानतळ मार्ग क्षेत्र, चिमटपाडा, सागबाग, मरोळ औद्योगिक क्षेत्र, रामकृष्ण मंदीर रोड, जे. बी. नगर, बगरखा मार्ग, कांतीनगर या ठिकाणी 5 व 6 फेब्रुवारीला पाणीपुरवठा पूर्णतः बंद राहील. तर, महापालिकेचे माजी विभाग, कबीर नगर, बामनवाडा, पारसीवाडा, विमानतळ क्षेत्र, तरुण भारत वसाहत, इस्लामपुरा, देऊळवाडी, पी. ऍन्ड. टी. वसाहत या ठिकाणी 5 व 6 फेब्रुवारीला पाणीपुरवठा पूर्णतः बंद राहील. 

महापालिका एच पूर्व विभाग

वांद्रे टर्मिनसला 5 व 6 फेब्रुवारीला पाणीपुरवठा पूर्णतः बंद राहील. तर, ए. के. मार्ग, खेरवाडी सर्व्हिस रोड, बेहराम पाडा, खेरनगर, निर्मल नगर (वांद्रे पूर्व) या ठिकाणी 6 फेब्रुवारीला पाणीपुरवठा पूर्णतः बंद राहील.


सम्बन्धित सामग्री