Wed. Jun 26th, 2019

‘बाळासाहेब- सोनू निगम कनेक्शन’वर सोनू निगमची प्रतिक्रिया…

0Shares

माजी मुख्यमंत्री नमारायण राणे यांचा मुलगा नीलेश राणे यांनी काही दिवसांपूर्वी स्व. बाळासाहेब ठाकरे यांच्यावर हत्येचे आरोप करून खळबळ उडवून दिली. यावेळी त्याने बाळासाहेब ठाकरे यांनी गायक सोनू निगम याला हत्येचेही अनेकवेळा प्रयत्न केल्याचा आरोप केला. मात्र बाळासाहेब हे सोनू निगमची हत्या करण्यासाठी का प्रयत्नशील होते, याबद्दल खुलासा नीलेश राणे यांनी स्वतः केला नाही. उलट याबद्दल सोनू निगम यांनाच विचारा असं उत्तर त्यांनी दिलं. तसंच जर सोनू निगम यांना उत्तर द्यायची भीती वाटत असेल, मात्र आता बाळासाहेब हयात नाहीत, त्यामुळे आता सोनू निगम कदाचित उत्तर देतील, असा विश्वासही त्यांनी व्यक्त केला होता.

यासंदर्भात पत्रकारांनी सोनू निगमला एका कार्यक्रमादरम्यान प्रश्न विचारला. बाळासाहेब ठाकरे यांनी तुझ्या हत्येचा कट रचला होता का, असा सवालच सोनू निगमला पत्रकारांनी विचारला. मात्र त्यावर सोनू निगम याची प्रतिक्रिया गोंधळवून टाकणारी होती.

पत्रकारांनी बाळासाहेबांसंदर्भातील प्रश्न विचारताच सोनू निगमने स्मितहास्य केलं आणि चेहा वेडावाकडा करत त्याने उत्तर टाळलं. मात्र या प्रतिक्रियेचा नेमका अर्थ काय आहे, हे पत्रकारांनाही समजू शकलं नाही. त्यामुळे सोनू निगमचं आणि ठाकरे परिवाराचं नेमकं नातं काय हे उत्तर त्याने दिलं नाही. आणि त्यामुळेच खरोखर बाळासाहेबांनी सोनू निगमच्या हत्येचा कट रचला होता का याचं उत्तर गुलदस्त्यातच राहिलं आहे.

0Shares

Leave a Reply

%d bloggers like this: