Ashadhi Ekadashi 2025: आज रविवार, 6 जुलै 2025. आजचा दिवस फक्त रविवारच नाही, तर भक्तांसाठी अत्यंत पवित्र आणि शुभ मानली जाणारी आषाढी एकादशीदेखील आहे. संपूर्ण महाराष्ट्र विठोबा-माउलीच्या नामस्मरणात रंगलेला असताना, ज्योतिषशास्त्र देखील सांगतेय की आज काही निवडक राशींवर विठोबाची विशेष कृपा होणार आहे. ग्रहांच्या स्थितीमुळे या पाच राशींना आज सुख, समाधान, आणि आर्थिक लाभाचे संकेत मिळणार आहेत.
मेष (Aries): या राशीच्या व्यक्तींना आज नशिबाची उत्तम साथ लाभेल. व्यवसायात अपेक्षित यश मिळेल, तर नोकरदार वर्गाला आर्थिक स्थैर्य जाणवेल. विवाहितांच्या नातेसंबंधांमध्ये गोडवा वाढेल. विठोबाच्या कृपेने मनशांती मिळेल.
मिथुन (Gemini): मिथुन राशीसाठी आजचा दिवस नव्या सुरुवातीसाठी उत्तम आहे. जुन्या अडचणी दूर होतील आणि काही नवीन संधी समोर येतील. विशेषत: आर्थिक क्षेत्रात सुधारणा दिसून येईल. नवीन खरेदी किंवा गुंतवणुकीसाठी हा दिवस शुभ आहे.
हेही वाचा:Pandharpur Wari 2025: वारीला जाता आलं नाही? हरकत नाही, विठोबा येईल तुमच्या घरी; जाणून घ्या कसं
कर्क (Cancer): कर्क राशीच्या लोकांसाठी आनंददायी बातम्यांचा दिवस आहे. रखडलेली कामं पूर्ण होतील. उत्पन्नाचे नवीन मार्ग खुले होतील आणि घरात समाधानाचे वातावरण राहील. धार्मिक कार्यात सहभागी होण्याची संधी मिळेल.
तूळ (Libra): आजचा दिवस तूळ राशीच्या व्यक्तींना अनपेक्षित लाभ देऊन जाईल. मित्रांसोबत वेळ घालवण्याची संधी मिळेल आणि पैशांशी संबंधित प्रश्न सुटतील. विवाहितांमध्ये एकमेकांप्रती समज वाढेल. मानसिक आनंदाची अनुभूती होईल.
धनु (Sagittarius): धनु राशीच्या व्यक्तींना आजचा दिवस सकारात्मक बदल घेऊन येणार आहे. मानसिक तणाव कमी होईल आणि प्रेमसंबंधांमध्ये समाधान मिळेल. शुभ कार्यात सहभागी होण्याची संधी मिळेल. आत्मविश्वासात वाढ होईल.
आजचा पवित्र दिवस काही निवडक राशींसाठी खास ठरणार आहे. अशा वेळी भक्ती आणि श्रद्धेचा मार्ग स्वीकारल्यास, नशिबातही सकारात्मक बदल घडू शकतो. विठोबा पांडुरंगाच्या चरणी मनापासून प्रार्थना करा, जीवनात चांगले क्षण हमखास उगम पावतील.
(Disclaimer: वरील सर्व माहिती केवळ माहितीच्या उद्देशाने वाचक-प्रेक्षकांपर्यंत पोहोचवत आहे. यातून जय महाराष्ट्र कोणताही दावा करत नाही किंवा कोणत्याही प्रकारची जबाबदारी स्वीकारत नाही.)