Politics

शिंदे गटाची पहिली पत्रकार परिषद

शिवसेनेचे नेते आणि नगरविकास मंत्री एकनाथ शिंदे यांनी बंड पुकारला आहे. तसेच शिवसेना आणि अपक्ष आमदार मिळून ५५ आमदार शिंदेंच्या बंडात सामील झाले आहेत. त्यामुळे शिवसेनेत मोठं खिंडार पडलं असून महाविकास आघाडी सरकारवर मोठं संकट कोसळलं आहे. दरम्यान, शनिवारी एकनाथ शिंदे समर्थक आमदारांची बैठक पार पडली. शिंदे गटाचे प्रवक्ते म्हणून बंडखोर आमदार दीपक केसरकर यांनी बैठकीत भाष्य केले. तसेच शिंदे गटाच्या पुढील वाटचालीबाबत सांगितले. आमच्या गटाचे नेते एकनाथ शिंदे हेच असून आमच्याकडे शिवसेनेचे दोन तृतीयांश बहुमत असल्याचे केसरकर म्हणाले आहेत.

आजही आम्ही शिवसेनेतच असल्याचे दीपक केसरकर म्हणाले आहेत. संवाद नसला की मोठे गैरसमज निर्माण होतात. आम्ही शिवसेनेतून बाहेर पडलो, त्यामुळे आम्ही शिवसेनेतून माघार घेतली, असा गैरसमज झाला. मात्र आम्ही आजही शिवसेनेचे सदस्य असल्याचे दीपक केसरकर म्हणाले.

कुणाच्याही दबावाखाली आमचा बंड नसून आम्ही गटनेता निवड, १६ आमदारांना नोटीस यासंदर्भात उपाध्यक्षांच्या निर्णयाला आम्ही न्यायालयात आव्हान देणार असल्याचे दीपक केसरकर म्हणाले. व्हिप हा सभागृहात बजावला जातो. आम्ही ५६ आमदार होते, आता ५५ आहोत. त्यामुळे १६ जण एकत्र येऊन गटनेते निवडू शकत नाही. त्यामुळे आम्ही याप्रकरणी न्यायालयात जाणार असल्याचे केसरकर म्हणाले.

तसेच, आम्ही बंड पुकारल्यामुळे शिवसैनिक आक्रमक झाले आहेत. मोठ्या संख्येने शिवसैनिक रस्त्यावर उतरले असून शिवसैनिकांनी तोडफोड बंद करून त्यांनी कायद्याचे पालन करावे, असे आव्हान केसरकर यांनी केले आहे. तसेच मुख्यमंत्री उद्धव ठाकरे यांनी राज्यात कायदा सुव्यवस्था पाळावी असेही केसरकर म्हणाले. तर, राज्यातील वातावरण बदलल्यावर महाराष्ट्रात येणार असल्याचेही केसरकर म्हणाले.

दीपक केसरकर यांनी बैठकीत खातेवाटपाबाबतही भाष्य केलं. मुख्यमंत्री आणि शिवसेना पक्षप्रमुखांनी चांगली खाती राष्ट्रवादी आणि काँग्रेसला दिली आहेत. मात्र, शिवसेनेकडे त्यांनी दुर्लक्ष केले. पक्षप्रमुख आमचे ऐकतील अशी अपेक्षा होती, मात्र त्यांनी आमच्या मागण्या आमचे बोलणे ऐकले नाही, असा घणाघातही दीपक केसरकर यांनी केला आहे. तर, मुख्यमंत्री, पंतप्रधान एका दिशेने जातात तेव्हाच राज्याचा विकास होतो, असे दीपक केसरकर म्हणाले. दरम्यान, दीपक केसरकर यांनी शिवसेना नेते संजय राऊत यांच्यावर निशाणा साधला आहे. संजय राऊत हे आग लावण्याचे काम करतात, असा आरोप केसरकर यांनी केला आहे.

दीपक केसरकर यांनी ईडी कारवाईवरही भाष्य केलं आहे. ईडीची कारवाई सगळ्यांवर नाही तर आर्थिक गैरव्यवहार करणाऱ्या एका दोघांवर झाली आहे. विरोधी पक्षनेते देवेंद्र फडणवीस यांनी सांगितले आहे की ते आमचा विचार करायचे. मात्र, आम्हाला पक्षप्रमुख आमचे ऐकतील अशी अपेक्षा होती, असेही केसरकर म्हणाले.

manish tare

Recent Posts

समीर वानखेडे यांची मलिकांविरोधात तक्रार

जात प्रमाणपत्र पडताळणी समितीकडून अमलीपदार्थ नियंत्रण विभागाचे मुंबईचे माजी विभागीय संचालक समीर वानखेडे यांना नुकताच…

1 hour ago

‘लोक निवडून देतात ती घराणेशाही कशी?’

पंतप्रधान नरेंद्र मोदी यांनी देशाच्या अमृतमहोत्सवी स्वातंत्र्यदिनी लाल किल्ल्यावरून केलेल्या भाषणात घराणेशाही आणि भ्रष्टाचारावर टीका…

3 hours ago

मुकेश अंबानींच्या कुटुंबियांना धमकी

प्रसिद्ध उद्योगपती मुकेश अंबानी आणि कुटुंबियांना जीवे मारण्याची धमकी देण्यात आली आहे. चार ते पाच…

4 hours ago

‘भ्रष्टाचार आणि घराणेशाही ही देशाला लागलेली कीड’

७५ व्या स्वातंत्र्य दिनानिमित्ताने पंतप्रधान मोदींच्या हस्ते लाल किल्ल्यावर ध्वजारोहण पार पडला. यावेळी देशाला संबोधित…

4 hours ago

पंतप्रधान नरेंद्र मोदींच्या हस्ते लाल किल्ल्यावर ध्वजारोहण

 देशाचा आज ७५ वा स्वातंत्र्य दिन मोठ्या उत्साहात साजरा केला जात आहे. आज शासकीय कार्यालये,…

4 hours ago

राष्ट्रपती द्रौपदी मुर्मू यांचं संबोधन

राष्ट्रपती द्रौपदी मुर्मू यांनी स्वातंत्र्यदिनाच्या पूर्वसंध्येला देशाला उद्देशून भाषण केले. या भाषणात त्यांनी देशाच्या आशा-आकांक्षा…

20 hours ago