Breaking News

पंतप्रधान – मुख्यमंत्री आमनेसामने

पंतप्रधान नरेंद्र मोदी यांनी सर्व राज्यांच्या मुख्यमंत्र्यांशी बुधवारी आभासी पद्धतीने संवाद साधलाय. सर्व राज्यांच्या मुख्यमंत्र्यांशी दूरदृश्यप्रणालीद्वारे मोदींनी संवाद साधला असून देशातील कोरोना परिस्थितीविषयी ते बोलत होते. तसेच राज्याच्या मुख्यमंत्र्यांना इंधनावरील कर कमी करण्याचे मोदींनी आवाहन केले आहे. याप्रकरणी, बैठकीनंतर मुख्यमंत्र्यांनी केंद्राकडे जीएसटीचे २६,५०० कोटी रुपये थकलेले आहेत असा टोला लगावला आहे.

पंतप्रधान नरेंद्र मोदी यांनी इंधनावरील कराबाबत काही राज्यांच्या मुख्यमंत्र्यांना फैलावर घेतले असता महाराष्ट्राचे मुख्यमंत्री उद्धव ठाकरे यांनी प्रतिक्रिया नोंदवली आहे. केंद्राकडे जीएसटीची थकबाकी आहे असं म्हणत ठाकरे यांनी ती आकडेवारी प्रसिद्ध केली आहे. दरम्यान, राज्याचे आरोग्यमंत्री राजेश टोपे यांनी  माध्यमांशी संवाद साधला. ‘घाबरण्यासारखं काही नाही, मात्र काळजी घ्यायला हवी’ असं आरोग्यमंत्र्यांनी सांगितलं आहे. तसेच मास्क सक्तीचा निर्णय मुख्यमंत्री उद्धव ठाकरे त्यांच्या बैठकीनंतर घेतील असंही त्यांनी सांगितलं आहे. देशात कोरोनानं पुन्हा डोकं वर काढायला सुरुवात केली आहे. दिल्लीसह कर्नाटक, हरियाणा आणि उत्तरप्रदेशमध्येही मास्क घालणं बंधनकारक केलं आहे. तसंच पंजाब सरकारनं देखील लोकांना गर्दीच्या ठिकाणी मास्क घालावा असा सल्ला दिला आहे. आता महाराष्ट्रात देखील मास्क सक्ती करण्याचा निर्णय घेतला जाऊ शकतो.

दरम्यान, मुख्यमंत्र्यांनी आज राज्यातील सर्व जिल्हाधिकाऱ्यांसोबत बैठक आयोजित केली आहे. पंतप्रधानांनी मास्क सक्तीचा निर्णय राज्यांच्या मुख्यमंत्र्यांवर सोडला असून त्याविषयी निर्णय घेण्यासाठी मुख्यमंत्र्यांनी ही बैठक आयोजित केली आहे. महाराष्ट्रातील वाढते कोरोना रुग्ण लक्षात घेता पुन्हा मास्क सक्ती होण्याची शक्यता वर्तवली जात आहे. याविषयीचे बैठकीतील निर्णय लवकरच जाहीर होतील.

manish tare

Recent Posts

भारताच्या खात्यात आत्तापर्यंत ५५ पदकं

कॉमनवेल्थ बॅडमिंटन महिला एकेरीच्या अंतिम सामन्यात भारताची बॅडमिंटनपटू पीव्ही सिंधूनं कॅनडाच्या मिशेल लीविरुद्ध सहज विजय…

13 hours ago

जबरदस्तीने धर्मांतर

अहमदनगर जिल्ह्यात एका हिंदू महिलेचे जबरदस्तीने धर्मांतर करण्याचा धक्कादायक प्रकार पुण्याच्या भारतीय मानवधिकार परिषेदेने उघडकीस…

14 hours ago

पुढील चार दिवस धोक्याचे

मुंबईमध्ये रविवारचा संपूर्ण दिवस मुंबई उपनगरे, नवी मुंबई आणि ठाणे परिसरात पावसाची संततधार होती. उपनगरांमध्ये…

15 hours ago

टीईटी घोटाळ्यात सत्तारांच्या मुली

सध्या राज्यभर गाजत असलेल्या टीईटी घोटाळ्यात माजी मंत्री आणि सध्या शिंदे गटातील एक मोठे नेते…

16 hours ago

संजय राऊतांना २२ ऑगस्टपर्यंत न्यायालयीन कोठडी

संजय राऊतांची २२ ऑगस्टपर्यंत न्यायालयीन कोठडीत रवानगी करण्यात आली आहे. पत्राचाळ प्रकरणात कारवाई कऱण्यात आली…

16 hours ago

मंगळवारी मंत्रिमंडळ विस्तार होण्याची शक्यता

बरेच दिवस रखडलेल्या मंत्रिमंडळ विस्ताराची तारीख अखेर ठरली आहे. मंगळवारी सकाळी ११ वाजता काही मंत्र्यांचा…

16 hours ago