Friday, May 24, 2024 09:53:34 AM

Modi in Kalyan
मोदींचे उद्धवना आव्हान

नकली शिवसेनेने राहुल गांधींकडून सावरकरांबद्दल पाच वाक्य वदवून घ्यावी, असे आव्हान पंतप्रधान नरेंद्र मोदींनी उद्धव ठाकरेंना दिले.

मोदींचे उद्धवना आव्हान
Narendra Modi

कल्याण, १५ मे २०२४, प्रतिनिधी : नकली शिवसेनेने राहुल गांधींकडून सावरकरांबद्दल पाच वाक्य वदवून घ्यावी, असे आव्हान पंतप्रधान नरेंद्र मोदींनी उद्धव ठाकरेंना दिले. कल्याण येथे महायुतीच्या प्रचारसभेत बोलताना पंतप्रधान मोदींनी उद्धव यांना हे आव्हान दिले. पंतप्रधान नरेंद्र मोदी म्हणाले की, 'काँग्रेसची मानसिकता मुसलमानांच्या लांगुलचालनाची राहिली आहे. पण बाळासाहेबांबद्दल बोलणारेही काँग्रेसचा कुर्ता पकडून उभे आहेत. काँग्रेस दहशतवाद्यांचे समर्थन करते आणि नकली शिवसेना त्यांच्यासोबत उभी आहे'; असा घणाघात मोदींनी केला. 


Dombivli MIDC Fire
डोंबिवली एमआयडीसीत स्फोट, ८ जणांचा मृत्यू

डोंबिवली एमआयडीसीच्या फेज - २ मधील सोनारपाडा जवळ रसायन कंपनीत बॉयलरचा स्फोट झाला आणि आग लागली.

Rohan Juvekar

डोंबिवली एमआयडीसीत स्फोट ८ जणांचा मृत्यू

डोंबिवली : डोंबिवली एमआयडीसीच्या फेज - २ मधील सोनारपाडा जवळ रसायन कंपनीत बॉयलरचा स्फोट झाला आणि आग लागली. ही आग वेगाने पसरली. एमआयडीसीतील तीन कंपन्यांच्या मालमत्तांचे अंबर कंपनीतील दुर्घटनेत नुकसान झाले. या दुर्घटनेत ८ जणांचा मृत्यू झाला आणि ६४ जण जखमी झाले.

स्फोटाच्या हादऱ्याने कंपनीपासून २०० मीटरच्या परिसरातील अनेक खिडक्यांच्या काचा फुटल्या. घटनास्थळी मदतकार्य सुरू आहे. जखमींना रुग्णालयात दाखल केले आहे. राज्य शासनाने दुर्घटनेच्या चौकशीचे आदेश दिले आहेत. या घटनेमुळे २०१६ मध्ये डोंबिवलीत झालेल्या स्फोटाच्या कटू आठवणी ताज्या झाल्या आहेत. त्यावेळीही एकामागून एक स्फोट झाल्याने घटनेची तीव्रता वाढली होती.

डोंबिवली एमआयडीसीत २०१६ मध्ये प्रोबेस कंपनीत झालेल्या स्फोटात बारा जणांचा मृत्यू झाला आणि २१५ जण जखमी झाले. प्रोबेस कंपनीतील स्फोटाला २६ मे २०२४ रोजी आठ वर्षे पूर्ण होतील. 


Vedant Agarwal
वेदांतचा जामीन रद्द

पोर्शे अपघात प्रकरणी १७ वर्षे ८ महिन्यांच्या वेदांत अगरवाल याला दिलेला जामीन बाल हक्क न्यायमंडळाने रद्द केला आहे.

Rohan Juvekar

वेदांतचा जामीन रद्द

पुणे : पोर्शे अपघात प्रकरणी १७ वर्षे ८ महिन्यांच्या वेदांत अगरवाल याला दिलेला जामीन बाल हक्क न्यायमंडळाने रद्द केला आहे. बाल हक्क न्यायमंडळाने वेदांत अगरवालला ५ जूनपर्यंत बालसुधारगृहात ठेवण्याचे निर्देश दिले. वेदांतला प्रौढ आरोपी ठरवावे अशी मागणी पुणे पोलिसांनी केली. पण बाल हक्क न्यायमंडळाने वेदांतला बालसुधारगृहात ठेवण्याचे निर्देश दिले. 

याआधी वेदांतने दारूच्या नशेत परवाना नसताना नोंदवली नसलेली पोर्शे गाडी रस्त्यावर आणून आणि बेदरकारपणे चालवून दोन जणांना उडवले. अपघातात तरुण आणि तरुणी यांचा मृत्यू झाला. पुणे पोलिसांनी वेदांत विरोधात कलम ३०४ अंतर्गत गुन्हा नोंदवला आणि आरोपीला प्रौढ ठरवावे अशी मागणी केली. बाल हक्क न्यायमंडळाने अपघातानंतर झालेल्या पहिल्या सुनावणीत आरोपीला अल्पवयीन ठरवत जामीन दिला. या निर्णयाविरोधात कायद्यातील तरतुदीनुसार पुणे पोलिसांनी बाल हक्क न्यायमंडळाकडे दाद मागितली. यावेळी बाल हक्क न्यायमंडळाने वेदांतचा जामीन रद्द केला आणि त्याला बालसुधारगृहात ठेवण्याचे निर्देश दिले.

कायदा काय सांगतो ?

मुलांचे संगोपन व संरक्षण कलम १४ आणि १५ नुसार आरोपीला सज्ञान घोषित करायचे की नाही हे ठरविण्यासाठी एक ते तीन महिन्यांचा कालावधी लागू शकतो. याआधी पोलिसांना अपघाताचा तपास पूर्ण करून एक महिन्यात आरोपपत्र दाखल करावे लागणार आहे. तसेच बाल सुधारगृहाच्या अधिकाऱ्यांचा, शासकीय मानसोपचारतज्ज्ञ आणि समुपदेशकाचा अहवाल सादर करावा लागणार आहे. या चार गोष्टींची पूर्तता करून अल्पवयीन मुलाला सज्ञान घोषित करायचे का नाही याचा निर्णय बाल हक्क न्याय मंडळ निर्णय घेईल.


Loksabha Election 2024
लोकसभा निवडणूक, पाचव्या टप्प्यात ५७ टक्क्यांपेक्षा जास्त मतदान

लोकसभा निवडणुकीच्या पाचव्या टप्प्यात सहा राज्य आणि दोन केंद्रशासित प्रदेशांतील ४९ मतदारसंघांमध्ये मतदान झाले.

Rohan Juvekar

लोकसभा निवडणूक पाचव्या टप्प्यात ५७ टक्क्यांपेक्षा जास्त मतदान

नवी दिल्ली, २० मे २०२४, प्रतिनिधी : लोकसभा निवडणुकीच्या पाचव्या टप्प्यात सहा राज्य आणि दोन केंद्रशासित प्रदेशांतील ४९ मतदारसंघांमध्ये मतदान झाले. पश्चिम बंगालमध्ये सर्वात जास्त तर महाराष्ट्रात सर्वात कमी मतदान झाले. राज्यात सर्वात जास्त दिंडोरीत तर सर्वात कमी मतदान कल्याण लोकसभा मतदारसंघात झाले.

मतदानाची टक्केवारी 
भारत ५७.८२
बिहार ५३.०७
जम्मू काश्मीर ५५.४९
झारखंड ६३.०६
लडाख ६८.४७
महाराष्ट्र ४९.६९ - सर्वात कमी
ओडिशा ६१.२७
उत्तर प्रदेश ५७.७९
पश्चिम बंगाल ७३.०६ - सर्वात जास्त

महाराष्ट्र ४९.६९
भिवंडी ४९.४३
धुळे ४९.९७
दिंडोरी ५७.९५ - सर्वात जास्त
कल्याण ४३.०४ - सर्वात कमी
उत्तर मुंबई ४६.९१
उत्तर मध्य मुंबई ४७.४६
ईशान्य मुंबई ४९.३७
वायव्य मुंबई ४९.७९
दक्षिण मुंबई ४५.२४
दक्षिण मध्य मुंबई ४९.३९
नाशिक ५१.१६
पालघर ५५.२१
ठाणे ४९.८१


Voting Day
देशात सर्वात कमी मतदान महाराष्ट्रात

लोकसभा निवडणुकीच्या पाचव्या टप्प्यासाठी देशात मतदान सुरू आहे. सकाळी अकरा वाजेपर्यंतच्या टक्केवारीनुसार देशात सर्वात कमी मतदान महाराष्ट्रात आणि सर्वात जास्त मतदान पश्चिम बंगालमध्ये झाले आहे.

Rohan Juvekar

देशात सर्वात कमी मतदान महाराष्ट्रात

नवी दिल्ली, २० मे २०२४, प्रतिनिधी : लोकसभा निवडणुकीच्या पाचव्या टप्प्यात संध्याकाळी पाच वाजेपर्यंत देशात ५६.६८ टक्के मतदान झाले. भारतात सर्वाधिक मतदान पश्चिम बंगालमध्ये आणि सर्वात कमी मतदान महाराष्ट्रात झाले. राज्यात सर्वाधिक मतदान दिंडोरीत आणि सर्वात कमी मतदान कल्याण लोकसभा मतदारसंघात झाले. 

संध्याकाळी पाच वाजेपर्यंतच्या मतदानाची टक्केवारी
 

भारत ५६.६८ टक्के
बिहार ५२.३५ टक्के
जम्मू काश्मीर ५४.२१ टक्के
झारखंड ६१.९० टक्के
लडाख ६७.१५ टक्के
महाराष्ट्र ४८.६६ टक्के
ओडिशा ६०.५५ टक्के
उत्तर प्रदेश ५५.८० टक्के
पश्चिम बंगाल ७३ टक्के

महाराष्ट्र ४८.६६ टक्के
भिवंडी ४८.८९ टक्के
धुळे ४८.८१ टक्के
दिंडोरी ५७.०६ टक्के
कल्याण ४१.७० टक्के
उत्तर मुंबई ४६.९१ टक्के
उत्तर मध्य मुंबई ४७.३२ टक्के
ईशान्य मुंबई ४८.६७ टक्के
वायव्य मुंबई ४९.७९ टक्के
दक्षिण मुंबई ४४.२२ टक्के
दक्षिण मध्य मुंबई ४८.२६ टक्के
नाशिक ५१.१६ टक्के
पालघर ५४.३२ टक्के
ठाणे ४५.३८


The fifth phase of election will be held on Monday
सोमवारी पाचव्या टप्प्यातील निवडणूक होणार

महाराष्ट्रात सोमवारी २० मे रोजी पाचव्या आणि अंतिम टप्प्यातील लोकसभेची निवडणूक होणार आहे. पाचव्या टप्प्यातील मतदानाची संपूर्ण तयारी पूर्ण झाली आहे.

Apeksha Bhandare


सोमवारी पाचव्या टप्प्यातील निवडणूक होणार
election

मुंबई,१९ मे २०२४, प्रतिनिधी : महाराष्ट्रात सोमवारी २० मे रोजी पाचव्या आणि अंतिम टप्प्यातील लोकसभेची निवडणूक होणार आहे. पाचव्या टप्प्यातील मतदानाची संपूर्ण तयारी पूर्ण झाली आहे. पाचव्या टप्प्यात महाराष्ट्रातील १३ लोकसभा मतदारसंघात ही निवडणूक पार पडणार आहे. त्यामुळे निवडणुकीची प्रशासकीय तयारी पूर्ण झाली आहे. प्रशासनदेखील मतदानासाठी सज्ज झाले आहे. मतदान केंद्रांवर मतदानासाठी लागणाऱ्या साहित्य वाटपाला सुरूवात झाली आहे. 
  
लोकसभा निवडणूक, पाचवा टप्पा - महाराष्ट्र, मतदान २० मे २०२४

१ धुळे - सुभाष भामरे, भाजपा विरुद्ध डॉ. शोभा बच्छाव, काँग्रेस विरुद्ध अब्दुर रहमान, वंचित
२ दिंडोरी - भारती पवार, भाजपा विरुद्ध भास्कर भगरे, राशप विरुद्ध गुलाब बर्डे, वंचित
३ नाशिक - हेमंत गोडसे, शिवसेना विरुद्ध राजाभाऊ वाजे, शिउबाठा
४ पालघर - डॉ. हेमंत सावरा, भाजपा विरुद्ध भारती कामडी, शिउबाठा विरुद्ध विजया म्हात्रे, वंचित
५ भिवंडी - कपिल पाटील, भाजपा विरुद्ध सुरेश उर्फ बाळ्या मामा म्हात्रे, राशप विरुद्ध निलेश सांबरे, वंचित
६ कल्याण - डॉ. श्रीकांत शिंदे, शिवसेना विरुद्ध वैशाली दरेकर राणे, शिउबाठा
७ ठाणे - नरेश म्हस्के, शिवसेना विरुद्ध राजन विचारे, शिउबाठा
८ उत्तर मुंबई - पीयूष गोयल, भाजपा विरुद्ध भूषण पाटील, काँग्रेस विरुद्ध बीना सिंह, वंचित
९ उत्तर मध्य मुंबई - अॅडव्होकेट उज्ज्वल निकम, भाजपा विरुद्ध वर्षा गायकवाड, काँग्रेस विरुद्ध वारिस पठाण, एमआयएम
१० दक्षिण मुंबई - यामिनी जाधव, शिवसेना विरुद्ध अरविंद सावंत, शिउबाठा
११ दक्षिण मध्य मुंबई - राहुल शेवाळे, शिवसेना विरुद्ध अनिल देसाई, शिउबाठा विरुद्ध अबुल खान, वंचित
१२ वायव्य मुंबई - रवींद्र वायकर, शिवसेना विरुद्ध अमोल कीर्तीकर, शिउबाठा विरुद्ध संजीव काळकोरी, वंचित
१३ ईशान्य मुंबई - मिहीर कोटेचा, भाजपा विरुद्ध संजय दीना पाटील, शिउबाठा


 


last day for campaign
प्रचार तोफा थंडावणार

लोकसभा निवडणुकीच्या पाचव्या टप्प्यातील प्रचाराचा शनिवारी शेवटचा दिवस आहे. त्यामुळे या शेवटच्या दिवशी महायुती आणि महाविकास आघाडीकडून सभांचा धडाका पाहायला मिळणार आहे. 

Jai Maharashtra News Intern 1

प्रचार तोफा थंडावणार 
voting

मुंबई, १८ मे, २०२४, प्रतिनिधी : लोकसभा निवडणुकीच्या पाचव्या टप्प्यातील प्रचाराचा शनिवारी शेवटचा दिवस आहे. त्यामुळे या शेवटच्या दिवशी महायुती आणि महाविकास आघाडीकडून सभांचा धडाका पाहायला मिळणार आहे. 
शनिवारी १८ मे, २०२४ रोजी सायंकाळी पाचव्या टप्प्यातील प्रचाराच्या तोफा थंडावणार आहेत. राज्यातील एकूण १३ जागांसाठी सोमवारी २० मे, २०२४ रोजी मतदान होणार आहे. या निवडणुकीत दिग्गज उमेदवारांच्या प्रतिष्ठा पणाला लागल्या आहेत. 
देशभरात २० मे रोजी पाचव्या टप्प्यातील मतदान पार पडणार आहे. देशात उत्तर प्रदेशातील १४ जागांसाठी, महाराहस्त्रातील १३ जागांसाठी, पश्चिम बंगालमधील ७ जागांसाठी, बिहार आणि ओडिशामध्ये प्रत्येकी ५ जागांसाठी, झारखंडमध्ये ३ जागांसाठी जम्मू - काश्मीर आणि लडाखमध्ये प्रत्येकी १ जागेसाठी मतदान होणार आहे. पाचव्या आणि शेवटच्या टप्प्यात महाराष्ट्रातील धुळे, दिंडोरी, नाशिक, पालघर, भिवंडी, कल्याण, ठाणे, मुंबईतील सहा मतदारसंघात मतदान पार पडणार आहे. 

लोकसभा निवडणूक पाचवा टप्पा
सहा राज्य आणि दोन केंद्रशासित प्रदेशांतील ४९ मतदारसंघ
उत्तर प्रदेश १४ - रायबरेली, अमेठी, मोहनलालगंज (SC), लखनौ, जालौन, झांसी, हमीरपूर, बांदा, फतेहपूर, कौशांबी (SC), बाराबंकी (SC), फैजाबाद, कैसरगंज, गोंडा
महाराष्ट्र १३ - उत्तर मुंबई, वायव्य मुंबई, ईशान्य मुंबई, उत्तर मध्य मुंबई, दक्षिण मुंबई, दक्षिण मध्य मुंबई, कल्याण, धुळे, दिंडोरी, नाशिक, पालघर, ठाणे, भिवंडी
पश्चिम बंगाल ०७ - बनगाव, बराकपूर, हावडा, उलुबेरिया, श्रीरामपूर, हुगळी, आरामबाग
बिहार ०५ - सारन, मधुबनी, सीतामढी, मुझफ्फरपूर, हाजीपूर (SC)
ओडिशा ०५ - बोलंगीर, बारगढ, सुंदरगड, आस्का, कंधमाल
झारखंड ०३ - चतरा, कोडरमा, हजारीबाग
जम्मू काश्मीर ०१ - बारामुल्ला
लडाख ०१ - लडाख

प्रमुख उमेदवार
उत्तर प्रदेश
अमेठी: स्मृती इराणी (भाजपा) आणि किशोरी लाल शर्मा (काँग्रेस)
रायबरेली: राहुल गांधी (काँग्रेस)
लखनऊ: राजनाथ सिंह (भाजपा)
कैसरगंज: करण भूषण सिंग (भाजपा) 
बिहार
हाजीपूर: चिराग पासवान (लोक जनशक्ती पार्टी- रामविलास)
सरन: रोहिणी आचार्य (राजद) आणि राजीव प्रताप रुडी (भाजपा)
मुझफ्फरपूर: राजभूषण चौधरी (भाजपा)
जम्मू काश्मीर
बारामुल्ला: ओमर अब्दुल्ला (जेके नॅशनल कॉन्फरन्स)
झारखंड
चतरा: कृष्णा नंद त्रिपाठी (काँग्रेस) 

लोकसभा निवडणूक, पाचवा टप्पा - महाराष्ट्र, मतदान २० मे २०२४

१ धुळे - सुभाष भामरे, भाजपा विरुद्ध डॉ. शोभा बच्छाव, काँग्रेस विरुद्ध अब्दुर रहमान, वंचित
२ दिंडोरी - भारती पवार, भाजपा विरुद्ध भास्कर भगरे, राशप विरुद्ध गुलाब बर्डे, वंचित
३ नाशिक - हेमंत गोडसे, शिवसेना विरुद्ध राजाभाऊ वाजे, शिउबाठा
४ पालघर - डॉ. हेमंत सावरा, भाजपा विरुद्ध भारती कामडी, शिउबाठा विरुद्ध विजया म्हात्रे, वंचित
५ भिवंडी - कपिल पाटील, भाजपा विरुद्ध सुरेश उर्फ बाळ्या मामा म्हात्रे, राशप विरुद्ध निलेश सांबरे, वंचित
६ कल्याण - डॉ. श्रीकांत शिंदे, शिवसेना विरुद्ध वैशाली दरेकर राणे, शिउबाठा
७ ठाणे - नरेश म्हस्के, शिवसेना विरुद्ध राजन विचारे, शिउबाठा
८ उत्तर मुंबई - पीयूष गोयल, भाजपा विरुद्ध भूषण पाटील, काँग्रेस विरुद्ध बीना सिंह, वंचित
९ उत्तर मध्य मुंबई - अॅडव्होकेट उज्ज्वल निकम, भाजपा विरुद्ध वर्षा गायकवाड, काँग्रेस विरुद्ध वारिस पठाण, एमआयएम
१० दक्षिण मुंबई - यामिनी जाधव, शिवसेना विरुद्ध अरविंद सावंत, शिउबाठा
११ दक्षिण मध्य मुंबई - राहुल शेवाळे, शिवसेना विरुद्ध अनिल देसाई, शिउबाठा विरुद्ध अबुल खान, वंचित
१२ वायव्य मुंबई - रवींद्र वायकर, शिवसेना विरुद्ध अमोल कीर्तीकर, शिउबाठा विरुद्ध संजीव काळकोरी, वंचित
१३ ईशान्य मुंबई - मिहीर कोटेचा, भाजपा विरुद्ध संजय दीना पाटील, शिउबाठा


Modi In Munbai
'मतदान करताना दहशतवादाला विसरू नका'

मतदान करताना दहशतवादाला विसरू नका, असे पंतप्रधान नरेंद्र मोदी म्हणाले. ते मुंबईत शिवाजी पार्क येथे महायुतीच्या सभेत बोलत होते.

Rohan Juvekar

मतदान करताना दहशतवादाला विसरू नका

मुंबई : मतदान करताना दहशतवादाला विसरू नका, असे पंतप्रधान नरेंद्र मोदी म्हणाले. ते मुंबईत शिवाजी पार्क येथे महायुतीच्या सभेत बोलत होते. भाजपाच्या नेतृत्वात राज्यात महायुतीने विकासाला सर्वोच्च प्राधान्य दिले. आर्थिक प्रगतीवर भर दिला. सर्वसमावेशक विकास करण्याला महत्त्व दिले; असेही पंतप्रधान मोदी म्हणाले.

मोदींच्या भाषणातील महत्त्वाचे मुद्दे

'काँग्रेसमुळे देशाची आर्थिक व्यवस्था कोलमडली'
'लवकरच भारताची अर्थव्यवस्था तिसऱ्या स्थानावर असेल'
'मोदीविरोधक निराशेच्या गर्तेत'
'निराशेनं घेरल्यानं विरोधकांना सगळं अशक्यच वाटतंय'
मविआचं सरकार जनमतविरोधी - मोदी
जमनतविरोधी मविआ विकासविरोधीसुद्धा - मोदी
'देशातली पहिली बुलेट ट्रेन मुंबईतून धावणार'
'वैद्यकीय आणि अभियांत्रिकी शिक्षण मराठीतून शक्य'
'काँग्रेसचा जाहीरनामा माओवादी'
'काँग्रेससाठी ही अस्तित्वाची निवडणूक'
'काँग्रेसचं लक्ष तुमच्या संपत्तीवर'
'मुंबईच्या विकासाला मविआ खीळ घालेल'
काँग्रेस आरक्षणविरोधी - मोदी


Mumbai Hoarding Collapse
घाटकोपर दुर्घटना, भावेश भिंडेला अटक

मुंबईत सोमवार १३ मे रोजी घाटकोपर येथे जाहिरात फलक कोसळला. कोसळलेल्या फलकाखाली दबल्यामुळे १६ जणांचा मृत्यू झाला. या प्रकरणात होर्डिंगचा मालक भावेश भिंडे याला मुंबई पोलिसांनी अटक केली

Rohan Juvekar

घाटकोपर दुर्घटना भावेश भिंडेला अटक

मुंबई, १६ मे २०२४, प्रतिनिधी : मुंबईत सोमवार १३ मे रोजी घाटकोपर येथे जाहिरात फलक कोसळला. कोसळलेल्या फलकाखाली दबल्यामुळे १६ जणांचा मृत्यू झाला. या प्रकरणात होर्डिंगचा मालक भावेश भिंडे याला मुंबई पोलिसांनी राजस्थानमधील उदयपूर येथून अटक केली. भावेश अटक टाळण्यासाठी पळून उदयपूर येथे गेला होता. तिथून पळ काढण्याआधीच पोलिसांनी त्याला अटक केली.


narendra modis Property Details
एवढी आहे पंतप्रधान नरेंद्र मोदींची संपत्ती

पंतप्रधान नरेंद्र मोदी यांची एकूण संपत्ती दोन कोटी २३ लाख ८२ हजार ५०४ रुपये एवढी आहे. ही आकडेवारी सरकारी प्रसिद्धीपत्रकाद्वारे जाहीर करण्यात आली आहे.

Apeksha Bhandare

एवढी आहे पंतप्रधान नरेंद्र मोदींची संपत्ती

मुंबई, १४ मे २०२४, प्रतिनिधी : पंतप्रधान नरेंद्र मोदी यांची एकूण संपत्ती दोन कोटी २३ लाख ८२ हजार ५०४ रुपये एवढी आहे. ही आकडेवारी सरकारी प्रसिद्धीपत्रकाद्वारे जाहीर करण्यात आली आहे. मोदींच्या संपत्तीची ही माहिती ३१ मार्च २०२२ पर्यंतची आहे. यानंतर पंतप्रधान मोदींच्या संपत्तीत झालेल्या बदलांची माहिती जाहीर झालेली नाही. मोदींनी २०२४ च्या लोकसभा निवडणुकीसाठी वाराणसी मतदारसंघातून उमेदवारी अर्ज भरला आहे. नियमानुसार या अर्जात त्यांनी संपत्तीबाबतची ताजी माहिती दिली आहे. ही माहिती लवकरच निवडणूक आयोगाकडून जाहीर केली जाईल.

सरकारी प्रसिद्धीपत्रकानुसार मोदींच्या २०२२ मध्ये जाहीर संपत्तीपैकी गुजरातमधील गांधीनगर येथील स्टेट बँकेत ४६ हजार ५५५ रुपये आहेत. ही रक्कम बचत खात्यात आहे. ठेवींच्या स्वरुपात स्टेट बँकेत मोदींनी दोन कोटी १० लाख ३३ हजार २२६ रुपये आहेत. मोदींच्या मालकीचे घर नाही तसेच त्यांच्या मालकीचे वाहन नाही.

राष्ट्रीय बचत प्रमाणपत्रांमध्ये ९ लाख ५ हजार १०५ रुपये मोदींनी ठेवले आहेत. तसेच त्यांच्याकडे १८ लाख ९ हजार ३०५ रुपयांचा जीवन विमा आहे. मोदींकडे सोन्याची चार वळं आहेत. या वळांचे एकूण वजन ४५ ग्रॅम आहे आणि त्यांची किंमत १ लाख ७३ हजार ०६३ रुपये एवढी आहे.


Prakash Ambedkar Special Interview
प्रकाश आंबेडकर विशेष मुलाखत

वंचित बहुजन आघाडीचे अध्यक्ष प्रकाश आंबेडकर यांनी जय महाराष्ट्र वृत्तवाहिनीला विशेष मुलाखत दिली. काय म्हणाले प्रकाश आंबेडकर ?

Jai Maharashtra News Intern 1

प्रकाश आंबेडकर विशेष मुलाखत
prakash ambedkar

मुंबई, १३ मे २०२४ : वंचित बहुजन आघाडीचे अध्यक्ष प्रकाश आंबेडकर यांनी जय महाराष्ट्र वृत्तवाहिनीला विशेष मुलाखत दिली. या मुलाखतीत महाराष्ट्रातील राजकारण, सामाजिक परिस्थिती, सत्ताधारी पक्ष, आरक्षण या मुद्द्यांवर प्रकाश आंबेडकर यांनी मत मांडले. 

काय म्हणाले प्रकाश आंबेडकर ?

'मविआ मोदींना शरण' 

'धर्माधारित आरक्षण ही नेहरूंची चूक' 

'मराठे मागास झाले आहेत'

'इतिहासातला औरंगजेब विसरू नका'

 'आरक्षणाची नव्याने रचना गरजेची'


preparations for voting in Pune
पुण्यात मतदानाची जोरदार तयारी सुरू

लोकसभा निवडणुकीसाठीच्या चौथा टप्प्याची निवडणुक सोमवारी पार पडणार आहे. पुणे लोकसभेसाठी मतदार संघनिहाय निवडणूक साहित्याचे वाटप सुरू करण्यात आले आहे.

Apeksha Bhandare

पुण्यात मतदानाची जोरदार तयारी सुरू

पुणे, १२ मे २०२४, प्रतिनिधी : लोकसभा निवडणुकीसाठीच्या चौथा टप्प्याची निवडणुक सोमवारी पार पडणार आहे. पुणे लोकसभेसाठी मतदार संघनिहाय निवडणूक साहित्याचे वाटप सुरू करण्यात आले आहे. ईव्हीएम मशीनसह इतर साहित्य मतदान केंद्राकडे रवाना होत आहे. पुणे लोकसभेअंतर्गत वडगावशेरी, शिवाजीनगर, कोथरुड, पर्वती, पुणे कॅन्टोन्मेंट आणि कसबा पेठ विधानसभा मतदार संघ निवडणुकीसाठी सज्ज झाला आहे. निवडणुकीसाठी एकूण ११ हजार १७६ अधिकारी आणि कर्मचारी यांची नियुक्त करण्यात आली आहे.