Dharmendra’s Ashes Immersed in Ganga: धर्मेंद्र यांना अंतिम निरोप! सनी देओलने हरिद्वारमध्ये विसर्जित केल्या अभिनेत्याच्या अस्थी

Dharmendra’s Ashes Immersed in Ganga: हिंदी चित्रपटसृष्टीतील दिग्गज अभिनेता धर्मेंद्र यांच्या निधनानंतर नऊ दिवसांनी देओल कुटुंबाने त्यांना अंतिम निरोप दिला. बुधवारी, हरिद्वारमध्ये गंगा नदीत त्यांच्या अस्थींचे विसर्जन करण्यात आले. धर्मेंद्र यांचे 24 नोव्हेंबर 2025  रोजी 89 व्या वर्षी निधन झाले, ज्यामुळे संपूर्ण देशभर शोककळा पसरली होती. त्यांच्या निधनानंतर कुटुंबाने त्यांच्या इच्छेनुसार शांततेत अंतिम संस्कार केला होता. 

हेही वाचा – Soham Bandekar And Pooja Birari Wedding: सोहम बांदेकर-पूजा बिरारीचा थाटामाटात पार पडला शाही विवाहसोहळा, सोशल मीडियावर फोटो व्हायरल

हेमा मालिनी यांनी सांगितले होते की, धर्मेंद्र यांना आपल्या चाहत्यांना कमकुवत अवस्थेत पाहायला आवडत नसल्यामुळे, त्यांच्या शेवटच्या इच्छेनुसार त्यांचा अंत्यविधी शांत आणि साधेपणाने पार पडला. अंतिम निरोपासाठी देओल कुटुंबाने हरिद्वारमध्ये श्रवणनाथ नगर येथील पिलीभीत हाऊस घाटवर गंगा नदीत अस्थी विसर्जित केल्या. सनी देओल आणि बॉबी देओल दोन्ही मुलांनी आणि कुटुंबातील इतर सदस्यांनी या विधीत भाग घेतला. या प्रसंगी बॉबी देओल भावूक झाले आणि वडिलांच्या अस्थी विसर्जनानंतर त्यांनी कुटुंबासह मिठी मारून आपले दुःख व्यक्त केले.

Deol family in Haridwar for the asthi visarjan of Dharam ji.
Om Shanti. ??#Dharmendra pic.twitter.com/SUhvsBdbiA — Kashinath 2.0 (@TheDeolsFC) December 3, 2025

हेही वाचा – Ranveer Singh Kantara Chapter 1 Controversy : ‘देवीचा ‘Female Ghost’ म्हणून उल्लेख…, रणवीर सिंहला ‘कांतारा’ चित्रपटाची नक्कल करणं पडलं महागात

कुटुंबाने अत्यंत साधेपणाने आणि वैदिक विधींच्या अनुसार धर्मेंद्र यांच्या अस्थी गंगेत विसर्जित केल्या. या घटनेचे व्हिडिओ सोशल मीडियावर व्हायरल झाले आहेत, ज्यामध्ये कुटुंबीय गंगेच्या काठावर एकत्रित दिसत आहेत. धर्मेंद्र हे भारतीय सिनेसृष्टीतील सुपरस्टार आणि ‘हिंदी चित्रपटांचा हीरो’ म्हणून ओळखले जात होते. त्यांच्या निधनानंतर अनेक चित्रपटसृष्टीतील कलाकारांनी श्रद्धांजली अर्पण केली. हेमा मालिनी यांनी त्यांच्या दिवंगत पतीसाठी गीता पठण केले होते.