मुंबई: बॉलीवूडमधील सर्वाधिक चर्चेत राहणाऱ्या आणि हसवणाऱ्या फ्रँचाइजपैकी एक म्हणजे हाऊसफुल चित्रपट मालिका. गेल्या 15 वर्षांत या मालिकेने प्रेक्षकांच्या मनात एक खास स्थान निर्माण केलं आहे. आणि आता याच फ्रँचाइजचा पाचवा भाग म्हणजे हाऊसफुल 5 आपल्याला भेटीला येत आहे. या चित्रपटाचा टीझर नुकताच रिलीज झाला असून, सोशल मीडियावर त्याला प्रचंड प्रतिसाद मिळतोय.
टीझरची सुरुवात एका आलिशान क्रूझ शिपवर होते, जिथे संगीत, मस्ती, आणि ग्लॅमरचा फुल डोस सुरू असतो. पण ही मजा काही काळच टिकते, कारण अचानक एक खून होतो आणि त्यानंतर सुरू होतो एक गोंधळाचा खेळ, जिथे हसू आणि रहस्य यांचा अनोखा संगम पाहायला मिळेल.
हेही वाचा:एल्फिन्स्टन पूल तोडण्यावरून वाद, उच्च न्यायालयात याचिका दाखल
अक्षय कुमारची पोस्ट सोशल मीडियावर व्हायरल
अक्षय कुमारने स्वतः टीझर शेअर करत लिहिलं आहे, 15 वर्षांपूर्वी जे वेड सुरू झालं, ते आता पाचव्या भागात पोहोचलंय पण यावेळी केवळ वेडेपणा नाही, तर एक खुनाची गोष्टही आहे. या एका ओळीतूनच चित्रपटाची थीम स्पष्ट होते. मजेदार विनोदासोबत एक जबरदस्त मर्डर मिस्ट्री.
स्टारकास्ट पाहून प्रेक्षक थक्क
'हाऊसफुल 5' ची खरी यूएसपी म्हणजे त्याची मल्टीस्टार स्टारकास्ट. या सिनेमात अक्षय कुमार, रितेश देशमुख, अभिषेक बच्चन, संजय दत्त, फरदीन खान, नाना पाटेकर, जॅकी श्रॉफ, डिनो मोरिया, श्रेयस तळपदे, जॅकलीन फर्नांडिस, नर्गिस फाखरी, चित्रांगदा सिंग, सोनम बाजवा, सौंदर्या शर्मा, रणजीत जॉन, रणजीत, रणजी शर्मा, रणजीत सिंह, जॅकलिन फर्नांडिस यांच्यासारखे एकूण 18 तगडे कलाकार झळकणार आहेत. एवढी मोठी स्टारकास्ट एका फ्रेममध्ये पाहणं म्हणजे प्रेक्षकांन साठी एक अनोखी मेजवानी असणार आहे.
'लाल परी' गाण्याचा खास टच
टीझरमध्ये ऐकायला मिळणारं ‘लाल परी’ हे रेट्रो गाणं, सीनला एक ग्लॅमरस आणि थरारक लुक देतं. या गाण्याचा रिदम आणि सेटवरचं रंगीत वातावरण पाहून प्रेक्षक टीझरमध्येच हरवून जातात.
फक्त कॉमेडी नव्हे, स्टायलिश थ्रिलरसुद्धा
‘हाऊसफुल 5’ यावेळी फक्त विनोदावर अवलंबून नाही, तर एका डार्क मर्डर मिस्ट्रीची थरारक गोष्टसुद्धा घेऊन आलं आहे. त्यामुळे प्रेक्षकांना एकाच वेळी हसवणारा आणि खिळवून ठेवणारा अनुभव मिळणार, हे निश्चित.
चित्रपट कधी रिलीज होणार ?
‘हाऊसफुल 5’ हा चित्रपट 6 जून 2025 रोजी सिनेमागृहात प्रदर्शित होतोय. तोपर्यंत टीझरचा आनंद घ्या आणि अंदाज लावा या धमाल झगमगाटात कोण असणार ‘खरा किलर’?
'हाऊसफुल 5' केवळ हास्याची मेजवानी नसून, ती एक व्हिज्युअल आणि थ्रिलिंग ट्रीट ठरणार आहे. ही 'किलर कॉमेडी' प्रेक्षकांच्या मनात नेमकी काय छाप सोडते, हे पाहणं रंजक ठरणार आहे. ट्रेलर, गाणी आणि प्रमोशनद्वारे चित्रपटाबद्दलची उत्सुकता आणखी वाढणार यात शंका नाही