मुंबई : बॉलीवूड कलाकार राजकुमार राव आणि त्याची पत्नी अभिनेत्री पत्रलेखा यांच्या घरी चिमुकलीचं आगमन झालं आहे. राजकुमार रावनं इन्स्टाग्राम पोस्ट करत चाहत्यांना ही माहिती दिली. विशेष म्हणजे त्यांच्या लग्नाच्या चौथ्या वाढदिवशीच मुलीने जन्म घेतल्यामुळे त्यांचा आनंद द्विगुणीत झाला आहे. रावकुमार रावनं पोस्टमध्ये म्हटले आहे की, आमच्या चौथ्या लग्नाच्या वर्धापनदिनानिमित्त देवाने आम्हाला दिलेला सर्वात मोठा आशीर्वाद. याआधी विकी कौशल आणि कतरिना कैफ या सिनेकलाकारांनी मुलगा झाल्याची गोड बातमी दिली होती.
