ज्येष्ठ गायिका आशा भोसले यांचं वयाच्या 92 व्या वर्षी निधन झालं आहे. काल 11 एप्रिल रोजी आशा भोसले यांना हृदयविकाराचा झटका आला होता. त्यामुळे त्यांना उपचारासाठी मुंबईतील ब्रीच कँडी रुग्णालयात दाखल करण्यात आले होते. दरम्यान आज त्यांचे दु:खद निधन झाले त्यांचे सुपुत्र आनंद भोसले यांनी ही दुर्दैवी बातमी दिली. दरम्यान उद्या सकाळी 11.00 ते 3.00 दरम्यान अंतिम दर्शनासाठी लोअर परळ येथील निवासस्थानी अंत्यदर्शनासाठी त्यांचे पार्थिव ठेवलं जाईल. तर उद्या सायंकाळी 4.00 वाजता त्यांच्यावर अंतिम संस्कार होणार आहेत. दादर शिवाजी पार्क स्मशानभूमी येथे त्यांच्यावर अंत्यसंस्कार होतील. आशा भोसले यांच्या निधनानंतर चित्रपटसृष्टीमध्ये हळहळ व्यक्त केली जात आहे. याचपार्श्वभूमिवर केंद्रीय मंत्री अमित शाह यांनी ट्वीट करत श्रद्धांजली वाहिली आहे.
आज प्रत्येक भारतीयासाठी आणि विशेषतः माझ्यासारख्या प्रत्येक संगीतप्रेमीसाठी एक दुःखद दिवस आहे, कारण आपल्या लाडक्या आशा भोसलेजी आता आपल्यात नाहीत. आशाताईंनी केवळ आपल्या मधुर आवाजाने आणि अतुलनीय प्रतिभेने एक वेगळी ओळख निर्माण केली नाही, तर आपल्या सुमधुर गीतांनी भारतीय संगीताला अधिक समृद्ध केले. संगीताच्या प्रत्येक प्रकारात स्वतःला जुळवून घेण्याच्या त्यांच्या विलक्षण क्षमतेने प्रत्येकाचे मन जिंकले. आपल्या आवाजाने लाखो लोकांची मने जिंकणाऱ्या आशाजींनी केवळ हिंदी, मराठी, बंगाली, तमिळ, गुजराती आणि इतर अनेक भाषांमध्येच नव्हे, तर लोकगीतांमध्येही एक अमिट छाप सोडली. आशाताईंच्या आवाजात जेवढी कोमलता होती, तेवढाच त्यांच्या स्वभावात साधेपणा आणि आपुलकी होती. जेव्हा जेव्हा मी त्यांना भेटायचो, तेव्हा आम्ही संगीत आणि कला यांसारख्या विषयांवर खूप गप्पा मारायचो. आज त्या आपल्यात नसल्या तरी, त्यांच्या आवाजातून त्या आपल्या हृदयात कायम राहतील. परमेश्वर आशाजींना आपल्या दिव्य चरणी स्थान देवो. मी त्यांच्या कुटुंबियांना आणि असंख्य चाहत्यांना माझ्या मनःपूर्वक संवेदना व्यक्त करतो. ओम शांती शांती शांती
आज हर भारतीय और विशेषकर मेरे जैसे हर संगीत प्रेमी के लिए दुःखद दिन है, जब हम सबकी प्रिय आशा भोसले जी हमारे बीच नहीं रहीं। आशा ताई ने न सिर्फ अपनी मधुर आवाज और अद्वितीय प्रतिभा से एक अलग पहचान बनाई, बल्कि अपने सुरों से भारतीय संगीत को भी और अधिक समृद्ध किया। हर तरह के संगीत में… pic.twitter.com/ICbqgW6j38 — Amit Shah (@AmitShah) April 12, 2026
