Customs Reforms: केंद्र सरकार लवकरच कस्टम्स विभागात मोठ्या सुधारणा राबवणार आहे. अर्थमंत्री निर्मला सीतारमण यांनी शनिवारी सांगितले की या सुधारणा लोकांसाठी नियमांचे पालन अधिक पारदर्शक आणि सोपे बनविण्यासाठी केल्या जातील. आर्थिक धोरणांमध्ये पारदर्शकता आणण्याच्या ध्येयाने सरकारने आधीच आयकर कायद्यात सुधारणा केल्या आहेत. फेसलेस असेसमेंट (अधिकाऱ्यांशी थेट भेट न घेता कराचे मूल्यांकन) सुरु करून कर प्रशासन अधिक सुलभ केले गेले आहे. सीतारमण यांनी सांगितले की या चांगल्या पद्धती आता कस्टम्समध्येही आणण्याची आवश्यकता आहे.
हेही वाचा – Goa Night Club Fire: डान्सरसोबत थिरकणारे लोक.. आणि अचानक आग! गोवा नाईट क्लब दुर्घटनेचा व्हिडिओ व्हायरल
अर्थमंत्री म्हणाल्या, 'कस्टम ही माझी पुढची सर्वात मोठी स्वच्छता मोहीम आहे. आम्ही त्यावर व्यापक विचार करत आहोत. गेल्या दोन वर्षांत आम्ही सातत्याने सीमाशुल्क कमी केले आहे, परंतु ज्या वस्तूंवर अजूनही शुल्क जास्त आहे, त्यावर देखील बदल करण्याचे नियोजन आहे. सुधारणांमध्ये तंत्रज्ञानाचा अधिक वापर करून कमीत कमी अधिकृत हस्तक्षेप, जलद क्लिअरन्स आणि मनमानीवर नियंत्रण ठेवणे हा मुख्य उद्देश आहे. यामुळे व्यापारी आणि सामान्य लोकांसाठी कस्टम्स प्रक्रिया सोपी आणि पारदर्शक होईल.
हेही वाचा – Gold Rate Today : रेपो रेट कपातीनंतर सोन्याच्या दरात मोठी घसरण, आठवड्याभरात सोनं-चांदीच्या दरात किती बदल?
त्याचबरोबर, निर्मला सीतारमण यांनी जीएसटी सुधारणा आणि दर कपातीचा परिणामही सणासुदीच्या महिन्यांत दिसेल असे सांगितले. त्यांनी स्पष्ट केले की, मध्यम कालावधीत या सुधारणांचा परिणाम ग्राहकांच्या खर्च करण्याच्या सवयींवर दिसून येईल.
