मोठी बातमी! पहलगाम हल्ल्यातील दहशतवादी आसिफ शेखचे घर उद्ध्वस्त; तर आदिलच्या घरावर बुलडोझर

पहलगाम: पहलगाम दहशतवादी हल्ल्यात सहभागी असलेला दहशतवादी आसिफ शेख आणि आदिलचे घर स्फोटात उडवून देण्यात आले आहे. पुलवामा जिल्ह्यातील अवंतीपोरा येथील त्राल भागातील मोंघामा येथे झालेल्या स्फोटात दहशतवादी आसिफ शेखचे घर उद्ध्वस्त करण्यात आले. पहलगाम दहशतवादी हल्ल्यात आसिक शेखचे नाव पुढे आले आहे. दुसरीकडे, बिजबेहारा येथील गुरी येथील रहिवासी लष्कर-ए-तैयबाचा दहशतवादी आदिल याचे घरही पाडण्यात आले आहे.

भारतीय लष्कर आणि जम्मू-काश्मीर पोलिसांसह सीआरपीएफचे एक पथक रात्री उशिरा त्राल येथील आसिफ शेखच्या घरी पोहोचले. सुरक्षा दलाला घराची झडती घेत असताना एका बॉक्समध्ये तारा आणि बॅटरीसारखे काहीतरी दिसले. नियंत्रित स्फोटाने आसिफ शेखचे घर जमीनदोस्त झाले. तथापि, स्फोटोपूर्वी तेथील परिसर रिकामा करण्यात आला. प्राप्त माहितीनुसार, 42 आरआरच्या अभियंत्यांच्या पथकाने पुष्टी केल्यानंतर, आसिफचे घर पाडण्यात आले. 

दहशतवादी आदिलच्या घरावर कारवाई - 

दुसरीकडे, बिजबेहरा येथील गुरी येथील रहिवासी लष्कर-ए-तैयबाचा दहशतवादी आदिल ठोकर उर्फ ​​आदिल गुरी याचे घरही पाडण्यात आले आहे. पहलगाम हल्ल्यात त्याचा सहभाग असल्याचे सांगण्यात येत आहे. आदिल 2018 मध्ये कायदेशीररित्या पाकिस्तानला गेला होता, जिथे त्याला दहशतवादी प्रशिक्षण मिळाले. तो गेल्या वर्षी जम्मू आणि काश्मीरला परतला होता. 

हेही वाचा - जम्मू-काश्मीरमधील बांदीपोरामध्ये एका दहशतवाद्याचा खात्मा; चकमकीत 2 सैनिक जखमी

नियंत्रण रेषेवर गोळीबार - 

दरम्यान, जम्मू आणि काश्मीरमध्ये नियंत्रण रेषेवर काही ठिकाणी पाकिस्तानने गोळीबार केला, ज्याला भारतीय सैन्याने योग्य उत्तर दिले. लष्करी सूत्रांनी दिलेल्या माहितीनुसार, या काळात कोणत्याही जीवितहानी झाल्याचे वृत्त नाही. पहलगाम दहशतवादी हल्ल्यानंतर दोन्ही बाजूंमध्ये वाढलेल्या तणावाच्या पार्श्वभूमीवर पाकिस्तानी सैन्याने गोळीबार केला.

हेही वाचा - पहलगाम दहशतवादी हल्ल्यात भारतीय नौदलाचे लेफ्टनंट विनय नरवाल शहीद

पहलगाममध्ये पर्यटकांवर हल्ला 

22 एप्रिल रोजी पहलगाममध्ये दहशतवाद्यांनी पर्यटकांना लक्ष्य करून 26 जणांची गोळ्या घालून हत्या केली होती. या घटनेनंतर भारत आणि पाकिस्तानमधील तणाव शिगेला पोहोचला आहे. भारताने पाकिस्तानविरुद्ध अनेक राजनैतिक पावले उचलली आहेत.