पाटना : बिहारमधील सहरसा जिल्ह्यातील सिमरी बख्तियारपूर रेल्वे स्थानकावर पहाटे 3 वाजण्याच्या सुमारास प्रवासी गाडी क्रमांक 63344 (समस्तीपूर-सहरसा) च्या इंजिन आणि त्याला जोडलेल्या डब्यांना आग लागली. प्रवाशांना सुरक्षितपणे बाहेर काढण्यात आले असून, कोणतीही जीवितहानी झालेली नाही. आगीच्या कारणाचा तपास सुरू आहे. मिळालेल्या माहितीनुसार, ट्रेन सिमरी बख्तियारपूर स्टेशनवर पोहोचताच तिच्या इंजिनमधून धूर निघू लागला. ही आग झपाट्याने तीन डब्यांमध्ये पसरली. अपघात झाला तेव्हा बहुतेक प्रवासी गाढ झोपेत होते.
आग आणि धुराची माहिती मिळताच ट्रेनमध्ये घबराट पसरली. प्रवासी तात्काळ खाली उतरू लागले. सर्व प्रवासी वेळेत ट्रेनमधून बाहेर पडू शकले. या घटनेत कोणीही जखमी झाल्याचे वृत्त नाही. ट्रेनला आग लागल्याची माहिती मिळताच, रेल्वे सुरक्षा दल (आरपीएफ), स्थानिक पोलीस आणि अग्निशमन दलाचे पथक घटनास्थळी दाखल झाले आणि त्यांनी आग विझवण्याचे प्रयत्न सुरू केले. सुमारे अडीच तासांच्या अथक प्रयत्नांनंतर अखेर आगीवर नियंत्रण मिळवण्यात आले. सिमरी बख्तियारपूर रेल्वे स्थानकावरील रेल्वे वाहतूक सकाळी 6 वाजल्यानंतर पुन्हा सुरू झाली.
#WATCH | Saharsa, Bihar: Assistant Fire Officer Niranjan Kumar says, "We received information that a railway engine had caught fire. Upon receiving the alert, we deployed a foam tender and a water tender from the Saharsa fire station to the scene and are currently working on the… https://t.co/gObrTucfH8 pic.twitter.com/rPHoJhrNmk — ANI (@ANI) August 3, 2026
