Delhi University Bomb Threat: दिल्ली विद्यापीठात पुन्हा एकदा बॉम्बस्फोटाच्या धमकीची घटना समोर आली आहे. उत्तर कॅम्पसमधील रामजस कॉलेज आणि दक्षिणेतील देशबंधू महाविद्यालयाला बुधवारी अज्ञात व्यक्तीकडून ईमेलद्वारे बॉम्बस्फोटाची धमकी पाठवण्यात आली. या ईमेलनंतर दोन्ही कॅम्पसमध्ये तातडीची कारवाई सुरू झाली असून दिल्ली पोलीस, बॉम्ब निकामी पथके आणि श्वान पथकांनी मोठ्या प्रमाणावर तपास मोहीम हाती घेतली आहे.
हेही वाचा – Heron MK2 Drone: भारताचा मोठा संरक्षण करार; इस्रायलचे Heron MK 2 ड्रोन आता नौदलात दाखल
धमकीचा ईमेल मिळताच दोन्ही संस्थांनी ताबडतोब पोलिसांना माहिती दिली. खबरदारीचा उपाय म्हणून विद्यार्थी आणि कर्मचारी यांना सुरक्षित स्थळी हलवण्यात आले तर महाविद्यालय परिसरात प्रवेश तात्पुरता थांबवण्यात आला आहे. धमकीच्या ईमेलमध्ये पाकिस्तानातील आयएसआयच्या सेलच्या सहकार्याने दोन महाविद्यालयात स्फोट घडवण्याची योजना तयार असल्याचा दावा करण्यात आला होता. त्यात लिहिले होते की, “मी या कटाचा भाग होतो, परंतु आता माहिती देणारा बनू इच्छितो. कृपया दुपारपर्यंत परिसर रिकामा करा.”
Delhi | Ramjas College and Deshbandhu College in Delhi received a bomb threat via email today; Bomb squad and Delhi Police are on the spot, nothing suspicious found yet: Delhi Police — ANI (@ANI) December 3, 2025
हेही वाचा – Air India: टाटा समूहाची डोकेदुखी वाढली! वैध परवान्याशिवाय आठ उड्डाणे; एअर इंडियावर कारवाईची टांगती तलवार
दरम्यान, दिल्ली पोलिसांनी या ईमेलची गंभीर दखल घेत तपास सुरू केला आहे. प्राथमिक तपासात ही धमकी अलीकडे राजधानीत मिळालेल्या इतर बनावट धमक्यांसारखीच असल्याचे एका वरिष्ठ अधिकाऱ्याने सांगितले. सध्या तरी कोणतीही संशयास्पद वस्तू आढळलेली नाही, अशी माहितीही त्यांनी दिली. पोलिसांचा तपास सुरू असून धमकी ईमेल कोणी आणि कुठून पाठवला याचा शोध घेण्याचे प्रयत्न सुरू आहेत.
