खरेदीची सुवर्णसंधी! दसऱ्याआधी सोन्याच्या दरात मोठी घसरण, पाहा 24, 22 अन् 18 कॅरेटचे आजचे दर

Gold Price Drop Before Dussehra: ऐन सणासुदीच्या काळात सोने खरेदी करणाऱ्या ग्राहकांसाठी एक अत्यंत दिलासादायक बातमी समोर आली आहे. आज, 07 ऑक्टोबर 2026 रोजी भारतीय सराफा बाजार उघडताच सोन्याच्या दरात लक्षणीय घसरण पाहायला मिळाली. गेल्या काही दिवसांपासून उच्चांकी पातळीवर असलेले सोन्याचे भाव आता खाली येऊ लागले असून आज 24 कॅरेट सोन्याच्या दरात प्रति 10 ग्रॅम 670 रुपयांची कपात झाली आहे. त्याचप्रमाणे 22 कॅरेट सोन्याच्या भावात 600 रुपये तर 18 कॅरेट सोन्याच्या दरात 490 रुपयांची घट नोंदवण्यात आली आहे.

24, 22 आणि 18 कॅरेट सोन्याचे आजचे दर
सराफा बाजारातील ताज्या घसरणीनंतर सोन्याचे आजचे भाव जाणून घेऊ:
24 कॅरेट सोन्याचे दर: 1 तोळा (10 ग्रॅम) 24 कॅरेट सोन्याची किंमत 670 रुपयांनी घसरून 149700 रुपयांवर आली आहे, तर 1 ग्रॅम सोन्याचा दर 67 रुपयांनी कमी होऊन 14970 रुपये झाला आहे.
22 कॅरेट सोन्याचे दर: 22 कॅरेट सोन्याचा दर प्रति 10 ग्रॅम 600 रुपयांनी कमी होऊन 137250 रुपये झाला असून, 1 ग्रॅम सोन्याचा भाव 60 रुपयांनी घटून 13725 रुपयांवर आला आहे.
18 कॅरेट सोन्याचे दर: 18 कॅरेट सोन्याच्या दरात तोळ्यामागे 490 रुपयांची कपात झाल्याने 10 ग्रॅमचा भाव 112330 रुपये झाला आहे, तर 1 ग्रॅमसाठी ग्राहकांना 11233 रुपये मोजावे लागत आहेत.

हेही वाचा – RBI रेपो दरात 0.25 टक्क्यांनी वाढणार; गृहकर्जाचा हप्ता आणि मुदत ठेवींवर काय परिणाम ?

पुणे-मुंबईसह प्रमुख शहरांमधील प्रति ग्रॅम दर
आंतरराष्ट्रीय बाजारातील घडामोडी, डॉलरचे मूल्य आणि स्थानिक मागणीतील बदलांमुळे विविध शहरांमधील सोन्याच्या दरात किरकोळ फरक दिसून येत आहे:
पुणे आणि मुंबई: 24 कॅरेट सोन्याचा दर प्रति ग्रॅम 14957 रुपये, 22 कॅरेटसाठी 13710 रुपये आणि 18 कॅरेटचा दर 11218 रुपये आहे.
दिल्ली, लखनौ आणि जयपूर: या शहरांमध्ये 24 कॅरेट सोन्याचा भाव प्रति ग्रॅम 14970 रुपये, 22 कॅरेटसाठी 13725 रुपये आणि 18 कॅरेटचा दर 11233 रुपये नोंदवला गेला आहे.
अहमदाबाद आणि पाटणा: 24 कॅरेट सोन्याचा दर प्रति ग्रॅम 14960 रुपये, 22 कॅरेटसाठी 13715 रुपये आणि 18 कॅरेटचा भाव 11223 रुपये आहे.
कोलकाता: 24 कॅरेट सोन्याचा दर प्रति ग्रॅम 14957 रुपये, 22 कॅरेटसाठी 13710 रुपये आणि 18 कॅरेटचा दर 11218 रुपये आहे.

दसऱ्यापूर्वी ग्राहकांना खरेदीची उत्तम संधी
गेल्या काही दिवसांतील तेजीनंतर झालेली ही घसरण खरेदीदारांच्या पथ्यावर पडली असून दसऱ्याच्या तोंडावर बाजारपेठेत उत्साहाचे वातावरण आहे. आंतरराष्ट्रीय घडामोडी आणि डॉलरच्या मूल्यातील चढ-उतार सोन्याच्या दरावर थेट परिणाम करत असल्यामुळे येत्या काही दिवसांत भावात आणखी बदल होण्याची शक्यता आहे. सणासुदीच्या मुहूर्तावर दागिने खरेदी करणाऱ्यांसाठी ही घसरण एक नामी संधी मानली जात आहे.

हेही वाचा – विमान प्रवास पुन्हा महागला! इंडिगोकडून फ्युएल सरचार्जमध्ये वाढ; मात्र, या प्रवाशांना दिलासा