सोने-चांदीच्या किमतीत मोठी घसरण; आठवडाभरात 10,000 रुपयांपर्यंत घसरले भाव

Gold-Silver Price Today 18 October: तुम्ही या सणासुदीच्या काळात सोने किंवा चांदीचे दागिने खरेदी करण्याचा विचार करत असाल, तर तुमच्यासाठी अतिशय आनंदाची बातमी आहे. गेल्या एका आठवड्यात देशभरातील सराफा बाजारात सोन्या आणि चांदीच्या दरांमध्ये मोठी घसरण नोंदवली गेली आहे. आठवडाभरात 24 कॅरेट सोन्याच्या किमती काही शहरांमध्ये 10 ग्रॅममागे 3,760 रुपयांपर्यंत कमी झाल्या आहेत, तर 22 कॅरेट सोन्याच्या दरात 3,450 रुपयांपर्यंत घट झाली आहे. याशिवाय चांदीच्या दरातही मोठी कपात पाहायला मिळाली असून, त्यामुळे दागिने खरेदी करणाऱ्या ग्राहकांचा कल आता बाजारातील नव्या दरांकडे लागला आहे.

18 ऑक्टोबर रोजी देशातील विविध प्रमुख शहरांमधील सोन्याचे दर
देशातील वेगवेगळ्या शहरांमध्ये उत्पादन शुल्क, स्थानिक कर आणि इतर शुल्कांमुळे सोन्याच्या किमतींमध्ये फरक दिसून येतो. 18 ऑक्टोबर रोजी प्रमुख शहरांमधील सोन्याची स्थिती खालीलप्रमाणे आहे:
– दिल्लीमध्ये 24 कॅरेट सोन्याचा दर प्रति 10 ग्रॅम 1,47,810 रुपये असून 22 कॅरेट सोन्याचा भाव 1,35,500 रुपये नोंदवला गेला आहे.
– मुंबई, कोलकाता, चेन्नई आणि पुणे या प्रमुख शहरांमध्ये 24 कॅरेट सोन्याची किंमत प्रति 10 ग्रॅम 1,47,660 रुपये तर 22 कॅरेट सोन्याचा भाव 1,35,350 रुपये इतका आहे.
– अहमदाबाद आणि भोपाळमध्ये 24 कॅरेट सोन्याचा भाव 1,47,710 रुपये असून 22 कॅरेट सोन्यासाठी 1,35,400 रुपये मोजावे लागत आहेत.
– जयपूर, लखनऊ आणि चंदीगड या शहरांमध्ये 24 कॅरेट सोन्याचा भाव 1,47,810 रुपये तर 22 कॅरेट सोन्याचा भाव 1,35,500 रुपये आहे.

हेही वाचा – प्रवाशांना महागड्या विमान तिकिटांपासून दिलासा! विमान भाड्यांचे नियम निश्चित; सरकारची सर्वोच्च न्यायालयात माहिती

चांदीच्या दरातही मोठी कपात; बाजारात उत्साहाचे वातावरण
सोन्यापाठोपाठ चांदीच्या किमतीतही मोठी पडझड झाल्याचे दिसून येत आहे. गेल्या आठवडाभरात चांदीच्या दरात तब्बल 10,000 रुपयांची घसरण झाली असून 18 ऑक्टोबर रोजी चांदीचा सरासरी भाव प्रति किलो 2,30,000 रुपयांवर पोहोचला आहे. दरम्यान, इंदूरच्या सराफा बाजारात शनिवारी चांदीच्या दरात प्रति किलो 200 रुपयांची घसरण होऊन भाव 2,13,800 रुपये नोंदवला गेला, तर आंतरराष्ट्रीय बाजारात स्पॉट सिल्व्हरचा भाव प्रति औंस 57.05 डॉलर इतका होता.

खरेदीपूर्वी स्थानिक दरांची खात्री करा
सोने आणि चांदीच्या किमती स्थिर राहत नसून त्यामध्ये सतत उलथापालथ होत असते. आंतरराष्ट्रीय बाजारातील किमतींमधील बदल, अमेरिकन डॉलरच्या तुलनेत भारतीय रुपयाचे मूल्य, तसेच जागतिक स्तरावरील आर्थिक घडामोडी आणि मागणी-पुरवठ्याचे गणित या सर्व घटकांचा थेट परिणाम सोनं-चांदीच्या दरांवर होत असतो. त्यामुळे ग्राहकांनी प्रत्यक्ष दागिने किंवा नाणी खरेदी करताना आपल्या शहरातील स्थानिक सराफा व्यापाऱ्याकडून त्या दिवशीचे अंतिम आणि अचूक दर निश्चित करून घेणे गरजेचे ठरते.

हेही वाचा – पुढील आठवड्यात ‘या’ तीन दिवशी बँका राहणार बंद; सणासुदीच्या काळात घराबाहेर पडण्यापूर्वी चेक करा सुट्ट्यांचे संपूर्ण वेळापत्रक