बीकानेर : पंतप्रधान नरेंद्र मोदी यांनी राजस्थानमधील बिकानेर येथील जाहीर सभेत बोलत असताना पाकिस्तान पुरस्कृत दहशतवादावर जोरदार टीका केली. दहशतवाद्यांनी आमच्या बहिणींच्या केसांच्या भांगातील कुंकू (सिंदूर) त्यांचा धर्म विचारून पुसून टाकले. पहलगाममध्ये त्या गोळ्या झाडल्या गेल्या. पण त्या गोळ्यांनी 140 कोटी देशवासीयांच्या हृदयाला घरं पाडली. यानंतर, देशातील प्रत्येक नागरिकाने एकजूट होऊन दहशतवाद्यांचा नायनाट करण्याचा संकल्प केला. आम्ही त्यांनी कल्पनाही केली नसेल, त्यापेक्षा मोठी शिक्षा देऊ त्यांना देऊ, असे म्हटले होते. आज, तुमच्या आशीर्वादाने आणि देशाच्या सैन्याच्या शौर्याने आम्ही त्या प्रतिज्ञेचे पालन केले आहे.
#WATCH | Rajasthan | Addressing a public rally in Deshnoke, Bikaner, PM Modi says, "… On April 22, terrorists removed the Sindoor from the foreheads of our sisters after asking about their religion. The bullets were fired in Pahalgam, but 140 crore Indians felt the pain. 'Har… pic.twitter.com/lmEgGcy8lV — ANI (@ANI) May 22, 2025
पंतप्रधान मोदी यांनी पुन्हा एकदा बिकानेरमध्ये दहशतवादावर जोरदार हल्लाबोल केला. पंतप्रधान मोदी म्हणाले की, आमच्या सरकारने तिन्ही दलांना मोकळीक दिली होती आणि तिन्ही दलांनी मिळून असा चक्रव्यूह निर्माण केला की, पाकिस्तानला गुडघे टेकावे लागले. ही शूरांची भूमी आपल्याला शिकवते की देश आणि त्याच्या नागरिकांपेक्षा काहीही मोठे नाही. 22 तारखेला झालेल्या हल्ल्याला प्रत्युत्तर म्हणून, आम्ही 22 मिनिटांत दहशतवाद्यांचे नऊ सर्वात मोठे अड्डे उद्ध्वस्त केले.
हेही वाचा – शशी थरूर, रविशंकर आणि सुप्रिया सुळे… पाकिस्तानचा पर्दाफाश करणार; शिष्टमंडळ कधी-कुठे रवाना होईल?
ते म्हणाले की, मी देशवासियांना सांगतो की, जे लोक भारतीय महिलांचे सिंदूर पुसण्यासाठी बाहेर पडले होते, ते धुळीस मिळाले आहेत. ज्यांनी भारताचे रक्त सांडले, त्यांनी आज त्याच्या प्रत्येक थेंबाची किंमत मोजली आहे. ज्यांना वाटले होते की, भारत गप्प राहील. आज ते त्यांच्या घरात लपून बसले आहेत. ज्यांना त्यांच्या शस्त्रांचा अभिमान होता ते आज ढिगाऱ्यांच्या ढिगाऱ्याखाली गाडले गेले आहेत. माझ्या प्रिय देशवासियांनो, हा सूडाचा खेळ नाही; तर, हा न्यायाचा एक नवीन प्रकार आहे. हे ऑपरेशन सिंदूर आहे. हा फक्त संताप नाही. हे संपूर्ण भारताचे रौद्र रूप आहे. हे भारताचे नवे रूप आहे. प्रथम त्याने घरात घुसून हल्ला केला. आता हा थेट छाताडावर आघात केला आहे. दहशतवादाला चिरडून टाकण्याची हीच नीती आहे, हीच पद्धत आहे. हाच भारत आहे, नवा भारत.
#WATCH | Rajasthan | Addressing a public rally in Deshnoke, Bikaner, PM Modi says, "… 22 tareekh ke hamle ke jawab mein, humne 22 minutes mein aatankiyon ke 9 sabse bade thikane tabaah kar diye… Duniya aur desh ke dushmanon ne dekh liya ki jab sindoor Barood ban jata hai to… pic.twitter.com/Q1FSqGQ7jt — ANI (@ANI) May 22, 2025
‘सौगंध है मुझे इस मिट्टी की…’
जेव्हा महिलांचे कुंकू तोफगोळ्याचे रूप धारण करते, तेव्हा काय होते, हे जगाने आणि देशाच्या शत्रूंनीही पाहिले आहे, असे पंतप्रधान मोदी म्हणाले. हवाई हल्ल्यानंतर मी आलो, तेव्हा मी म्हटले होते की, मी या मातीची शपथ घेतो की, मी माझ्या देशाचा नाश होऊ देणार नाही. मी देशाला झुकू देणार नाही. आज, राजस्थानच्या भूमीवरून, मी देशवासियांना मोठ्या नम्रतेने सांगू इच्छितो की, देशाच्या कानाकोपऱ्यात तिरंगा यात्रेची गर्दी सुरू आहे.
पंतप्रधान मोदी म्हणाले की, भारत अणुबॉम्बच्या धमक्यांना घाबरणार नाही. आपण दहशतवादाचे सूत्रधार आणि दहशतवादाला पाठिंबा देणारे सरकार यांना वेगवेगळ्या नजरेतून पाहणार नाही. आपण त्यांचाही तसाच विचार करू. पाकिस्तानच्या राज्य आणि राज्याबाहेरील घटकांचा हा खेळ आता चालणार नाही. तुम्ही पाहिले असेलच की, आपल्या देशातील सात वेगवेगळे शिष्टमंडळे पाकिस्तानचा पर्दाफाश करण्यासाठी जगभरात पोहोचत आहेत. त्यात देशातील सर्व राजकीय पक्षांचे लोक समाविष्ट आहेत. आता पाकिस्तानचा खरा चेहरा संपूर्ण जगाला दाखवला जाईल. पाकिस्तान कधीही भारताविरुद्ध थेट युद्ध जिंकू शकत नाही. जेव्हा जेव्हा थेट लढत होते, तेव्हा पाकिस्तानला वारंवार तोंडावर पडतो.. त्यांना पराभवाचा सामना करावा लागतो. म्हणूनच पाकिस्तानने भारताविरुद्ध लढण्यासाठी दहशतवादाला एक शस्त्र बनवले आहे. स्वातंत्र्यानंतर गेल्या अनेक दशकांपासून हे सुरू आहे. पाकिस्तान दहशत पसरवत असे आणि निष्पाप लोकांना मारत असे. त्यामुळे भारतात भीतीचे वातावरण निर्माण झाले. पण पाकिस्तान एक गोष्ट विसरला. आता भारतमातेचे सेवक मोदी येथे छाती फुगवून उभे आहेत. मोदींचे मन थंड आहे, ते थंड राहते; पण त्यांचे रक्त गरम आहे. आता मोदींच्या नसांमध्ये रक्त नाही तर, गरम सिंदूर वाहत आहे.
#WATCH | Rajasthan | Addressing a public rally in Deshnoke, Bikaner, PM Modi says, "… Jo sindoor mitane nikle the, unhe mitti mein milaya hai… Jo Hindustan ka lahu bahate the, aaj katre katre ka hisab chukaya hai. Jo sochte the Bharat chup rahega, aaj gharon mein pade hain.… pic.twitter.com/dFkP60oz0S — ANI (@ANI) May 22, 2025
ते म्हणाले की, प्रत्येक दहशतवादी हल्ल्याची पाकिस्तानला मोठी किंमत मोजावी लागेल आणि ही किंमत पाकिस्तानच्या लष्कराला आणि पाकिस्तानच्या अर्थव्यवस्थेला मोजावी लागेल. मी दिल्लीहून इथे आलो, तेव्हा मी बिकानेरमधील नाल विमानतळावर उतरलो. पाकिस्तानने या एअरबेसलाही लक्ष्य करण्याचा प्रयत्न केला होता. पण ते याचे थोडेसेही नुकसान करू शकले नाहीत आणि येथून थोड्या अंतरावर, सीमेपलीकडे, पाकिस्तानचा रहिमयार खान एअरबेस आहे. कोणालाच माहीत नाही की, तो कधी उघडेल की नाही. तो सध्या आयसीयूमध्ये आहे. पाकिस्तानशी कोणताही व्यापार किंवा चर्चा होणार नाही. जर आपण त्यांच्याशी बोललो तर, ते पाकव्याप्त काश्मीरबद्दल असेल. भारताचं एक थेंबही पाणी पाकिस्तानला मिळणार नाही. भारतीयांच्या रक्ताशी खेळणे पाकिस्तानला खूप महागात पडेल. हा भारताचा संकल्प आहे की, जगातील कोणतीही शक्ती आपल्याला या संकल्पापासून रोखू शकत नाही.
हेही वाचा – Corona: देशातील 11 राज्यांमध्ये कोरोनाचा फैलाव, महाराष्ट्राची स्थिती काय?
