सहारनपूर : उत्तर प्रदेशातील सहारनपूर जिल्ह्यात, अकरावीच्या एका विद्यार्थिनीला रस्त्यावर चिकटवलेला पाकिस्तानी झेंडा काढण्याचा प्रयत्न केल्याबद्दल मोठी किंमत मोजावी लागली. ही विद्यार्थिनी स्कूटीवरून जात होती, तेव्हा तिला रस्त्याच्या मधोमध पाकिस्तानी झेंडा चिकटवलेला दिसला आणि त्यावरून वाहने जात होती. हे पाहिल्यानंतर विद्यार्थिनीने तिची स्कूटी थांबवली आणि रस्त्यावरून झेंडा हटवण्याचा प्रयत्न करू लागली. तथापि, तिला यात यश मिळू शकले नाही.
हेही वाचा – पाकिस्तानची कुंडली काय सांगते? ज्याचं कर्म फुटकं, त्याचं नशीबही फुटकंच! शाहबाज-मुनीर.. पाय खोलातच..
रस्त्यावरून जाणाऱ्या कोणीतरी या संपूर्ण घटनेचा 12 सेकंदांचा व्हिडिओ बनवला आणि तो सोशल मीडियावर पोस्ट केला. व्हिडिओ व्हायरल झाल्यानंतर, गोंधळ सुरू झाला. लोकांनी विद्यार्थिनीच्या या कृत्याचा निषेध करण्यास सुरुवात केली. अखेर या विद्यार्थिनीच्या शाळेनेही याची दखल घेतली आहे. या विद्यार्थिनीला शाळेतून काढून टाकण्यात आले आहे. ही विद्यार्थिनी मुस्लीम समुदायातील असून ती सहारनपूरच्या गंगोह भागातील रहिवासी असल्याचे सांगितले जात आहे.
Muslim traitors of India, can be found in every corner of India. In Saharanpur, a Pakistani flag was pasted on the road after the Pahalgam terror attack. A Muslim schoolgirl stopped her scooty and appeared to try removing the flag—sparking hope for a patriotic act. But her… pic.twitter.com/vOhV0hdaft — Oxomiya Jiyori ?? (@SouleFacts) May 1, 2025
ही मुस्लीम तरुणी रस्त्यावर लावलेला पाकिस्तानी झेंडा काढून टाकण्याचा प्रयत्न करत असल्याचा व्हिडिओ व्हायरल झाल्यानंतर हिंदू संघटनांमध्ये संताप पसरला आणि त्यांनी याला देशविरोधी कृत्य म्हटले. दुसऱ्याच दिवशी, क्रांती सेना संघटनेचे सदस्य शाळेत पोहोचले आणि त्यांनी शाळा व्यवस्थापनावर दबाव आणला आणि या विद्यार्थिनीला शाळेतून काढून टाकण्याची मागणी केली. त्यांनी याला देशद्रोहाचे प्रकरण असल्याचे म्हटले. सध्या, हिंदू संघटनांचा निषेध आणि परिस्थितीचे गांभीर्य लक्षात घेऊन शाळा प्रशासनाने या विद्यार्थिनीला शाळेतून काढून टाकले आहे.
मिळालेल्या माहितीनुसार, 29 एप्रिल रोजी पहलगाम दहशतवादी हल्ल्याच्या निषेधार्थ काही संघटनांनी रस्त्यावर पाकिस्तानचा झेंडा चिकटवला होता. जेणेकरून लोक तो पायाखाली तुडवत जात-येत राहतील. तसेच, त्याच्यावरून गाड्याही जात राहतील. पण या विद्यार्थिनीला ही गोष्ट आवडली नाही आणि ती तो झेंडा रस्त्यावरून हटवण्याचा प्रयत्न करू लागली. रस्त्यावरून जाणाऱ्या-येणाऱ्यांपैकी कोणीतरी याचा व्हिडिओ बनवला आणि तो व्हायरल केला.
हेही वाचा – किश्तवाडमध्ये लष्करी गणवेश शिवणे आणि विक्रीवर बंदी; पहलगाम हल्ल्यानंतर मोठा निर्णय
