8th Pay Commission : मार्च महिना केंद्रीय कर्मचाऱ्यांसाठी आणि पेन्शनधारकांसाठी आनंदाची बातमी घेऊन येणार आहे. AICPI-IW (ग्राहक किंमत निर्देशांक) च्या ताज्या आकडेवारीनुसार, केंद्र सरकार होळीच्या मुहूर्तावर महागाई भत्त्यात (Dearness Allowance – DA) वाढ करण्याची अधिकृत घोषणा करण्याची शक्यता आहे. ही वाढ 1 जानेवारी 2026 पासून लागू केली जाईल, ज्यामुळे कर्मचाऱ्यांच्या पगारात मोठी वाढ दिसून येईल.
DA 60 टक्केच्या जादुई आकड्यावर पोहोचणार?
सध्या केंद्रीय कर्मचाऱ्यांना 58 टक्के दराने महागाई भत्ता मिळत आहे. डिसेंबर 2025 पर्यंतच्या महागाईच्या आकडेवारीनुसार, तज्ज्ञांनी महागाई भत्त्यात 2 टक्के वाढीचा अंदाज वर्तवला आहे. जर ही वाढ मंजूर झाली, तर एकूण DA 60 टक्के वर पोहोचेल. काही अहवालांमध्ये 6 टक्के वाढीचा दावा केला जात असला तरी, AICPI च्या 12 महिन्यांच्या सरासरीनुसार 145.54 अंकावर आधारित 2 टक्के वाढ सर्वात अचूक मानली जात आहे. हा भत्ता थेट कर्मचाऱ्यांच्या मूळ पगारावर (Basic Pay) मोजला जातो.
हेही वाचा – Gold-Silver Price Today: सोने-चांदीच्या दरात मोठी घसरण; 17 फेब्रुवारीचे दर पाहून गुंतवणूकदार संभ्रमात
8 व्या वेतन आयोगाची प्रतीक्षा आणि वेतन रचना
सातव्या वेतन आयोगाचा कार्यकाळ 31 डिसेंबर 2025 रोजी संपला असून, आता 8 व्या वेतन आयोगाच्या (8th Pay Commission) अंमलबजावणीबाबत चर्चांना उधाण आले आहे. नवीन वेतन आयोग लागू झाल्यानंतर 'फिटमेंट फॅक्टर' वाढवून तो 2.86 किंवा 3.0 केला जाऊ शकतो. यामुळे कर्मचाऱ्यांचा किमान पगार सध्याच्या 18,000 वरून थेट 30,000 ते 50,000 दरम्यान वाढण्याची शक्यता आहे.
पगारावर होणारा परिणाम आणि डीए विलीनीकरण
महागाई भत्ता 50 टक्के ओलांडल्यानंतर तो मूळ पगारात विलीन करण्याबाबत अर्थ मंत्रालयाने अद्याप अधिकृत भूमिका स्पष्ट केलेली नाही. मात्र, 8 वा वेतन आयोग लागू होताच सध्याचा डीए शून्यावर आणला जाईल आणि तो मूळ पगारात जोडून नवीन वेतन निश्चिती केली जाईल. यामुळे कर्मचाऱ्यांच्या हातात येणाऱ्या रकमेत मोठी वाढ होणार असून, होळीपूर्वी सरकार यावर शिक्कामोर्तब करण्याची दाट शक्यता आहे.
