Arjuna Award 2025 Winners List: केंद्र सरकारच्या क्रीडा मंत्रालयाने 18 ऑगस्ट रोजी राष्ट्रीय क्रीडा पुरस्कार 2025 ची अधिकृत घोषणा केली. भारताच्या सर्वोच्च न्यायालयाचे माजी न्यायमूर्ती अरुण कुमार मिश्रा यांच्या अध्यक्षतेखालील निवड समितीने केलेल्या शिफारशीनुसार सरकारने या पुरस्कारांना मंजुरी दिली आहे. गेल्या 4 वर्षांत क्रीडा क्षेत्रात केलेली चमकदार कामगिरी, उत्कृष्ट नेतृत्वगुण, शिस्त आणि क्रीडाभावनेचे प्रदर्शन करणाऱ्या खेळाडूंना हा बहुमान प्रदान केला जातो. या वर्षी देशातील एकूण 17 दिग्गज खेळाडूंची ‘अर्जुन पुरस्कारा’साठी निवड करण्यात आली आहे.
महाराष्ट्राच्या दिव्या देशमुख व विदित गुजरातीचा सन्मान; 17 विजेत्यांची यादी
महाराष्ट्रासाठी हा अत्यंत अभिमानास्पद क्षण असून नागपूरची स्टार बुद्धिबळपटू दिव्या देशमुख आणि नाशिकचा ग्रँडमास्टर विदित गुजराती यांना अर्जुन पुरस्कार जाहीर झाला आहे. ॲथलेटिक्समध्ये लांब उडीपटू तेजास्विन शंकर, मोहम्मद अजमल व्ही आणि प्रियंका गोस्वामी यांनी हा मान मिळवला आहे. बॅडमिंटनमध्ये त्रिशा जॉली व पुलेला गायत्री गोपीचंद या जोडीची तर बॉक्सिंगमध्ये नरेंद्रची निवड झाली आहे. हॉकीमधून लालरेमसियामी व राजकुमार पाल, कबड्डीपटू सुरजीत व पूजा, पॅरा-नेमबाजीत रुद्रांश खंडेलवाल, पॅरा-ॲथलेटिक्समध्ये एकता भ्यान, रोइंगमध्ये अरविंद सिंग आणि नेमबाजीत अखिल शेओरन यांचा या यादीत समावेश आहे.
?????? ?????? ?????????! ?? Prominent athletes:
Tejaswin Shankar (Athletics)
Gayathri Gopichand & Treesa Jolly (Badminton)
Divya Deshmukh & Vidit Gujarathi (Chess)
Lalremsiami (Hockey)
Akhil Sheoran (Shooting) Complete list ⬇️ #ArjunaAwards pic.twitter.com/7Sp0zMMLRg — India_AllSports (@India_AllSports) August 18, 2026
हेही वाचा – ODI World Cup 2027 चा 2 ऑक्टोबरला श्रीगणेशा; महात्मा गांधींना आगळीवेगळी श्रद्धांजली वाहण्याची ICC ची योजना
प्रशिक्षकांना द्रोणाचार्य तर पुण्याच्या आर्मी नोडला राष्ट्रीय खेळ प्रोत्साहन पुरस्कार
खेळाडूंना घडवणाऱ्या प्रशिक्षकांसाठीच्या द्रोणाचार्य पुरस्कार 2025 चीही घोषणा झाली आहे. यामध्ये परवीर सिंग (ॲथलेटिक्स), छोटे लाल यादव (बॉक्सिंग) आणि नेहा नंदकुमार चव्हाण (नेमबाजी) यांना नियमित श्रेणीतील द्रोणाचार्य पुरस्कार जाहीर करण्यात आला आहे. तर द्रोणाचार्य जीवनगौरव श्रेणीसाठी धर्मेंद्र सिंह यादव (बॉक्सिंग) व वीरेंद्र कुमार (कुस्ती) यांची निवड झाली आहे. याशिवाय क्रीडा क्षेत्राचा विस्तार आणि विकासातील योगदानासाठी पुण्याच्या ‘आर्मी पॅरालिम्पिक नोड’ला राष्ट्रीय खेळ प्रोत्साहन पुरस्कार 2025 ने सन्मानित केले जाणार आहे.
भारतीय क्रीडा क्षेत्रातील योगदानाचा गौरव
दरवर्षी राष्ट्रीय क्रीडा पुरस्कारांच्या माध्यमातून देश पातळीवर अतुलनीय कामगिरी करणाऱ्या खेळाडू व मार्गदर्शकांचा सन्मान केला जातो. आंतरराष्ट्रीय व्यासपीठावर देशाचा तिरंगा उंचवणाऱ्या खेळाडूंना प्रोत्साहन देणे हा या पुरस्कारांचा मुख्य उद्देश आहे. यंदाच्या पुरस्कार विजेत्यांमध्ये विविध खेळांतील युवा व अनुभवी खेळाडूंचा समतोल पाहायला मिळत असून त्यांच्या या यशामुळे नव्या पिढीतील खेळाडूंना मोठी प्रेरणा मिळणार आहे.
हेही वाचा – IND vs SL 1st Test : गॉल कसोटीत दुर्दैवी घटना; सीमेवर चौकार अडवताना दिग्गज खेळाडू जखमी
