चित्रपटाचे कौतुक करतात, तेव्हा ती केवळ एक समीक्षा नसते, तर त्या चित्रपटाच्या संपूर्ण टीमसाठी तो एक मोठा सन्मान असतो. नुकतेच दिग्दर्शक आदित्य धर यांच्या ‘धुरंधर २’ च्या बाबतीत नेमके असेच घडले. मेगास्टार रजनीकांत यांनी केवळ चित्रपट पाहिलाच नाही, तर सोशल मीडियावर त्याचे भरभरून कौतुकही केले आणि त्याला ‘अवश्य पाहावा’ असे म्हटले.
सुपरस्टार रजनीकांत यांनी त्यांच्या अधिकृत ट्विटर हँडलवर चित्रपटाचे कौतुक करत लिहिले, “काय चित्रपट आहे… #धुरंधर२!!! आदित्य धर बॉक्स ऑफिसचा बाप आहे! रणवीर सिंग आणि चित्रपटाच्या संपूर्ण कलाकार व तंत्रज्ञांचे खूप खूप अभिनंदन. प्रत्येक भारतीयाने हा चित्रपट पाहिलाच पाहिजे. जय हिंद.”
हेही वाचा – Dhurandhar 2 : धुरंधर 2 ठरला बॉलीवूडमध्ये सर्वाधिक ओपनिंग वीकेंड कमाई करणारा चित्रपट
त्यानंतर आता रजनीकांत यांच्या प्रतिक्रियेने सोशल मीडियावर खळबळ उडवून दिली आहे. विशेषतः त्यांनी चित्रपटाला ‘बॉक्स ऑफिसचा बाप’ म्हटले आहे, यावरून हे सिद्ध होते की आदित्य धरच्या अॅक्शन-थ्रिलरने प्रेक्षक आणि चित्रपटसृष्टीतील दिग्गज या दोघांचीही मने जिंकण्यात यश मिळवले आहे.थलायवाकडून ही प्रशंसा मिळाल्यानंतर दिग्दर्शक आदित्य धर यांना आपला आनंद आवरता आला नाही आणि त्यांनी एका अत्यंत भावनिक चिठ्ठीद्वारे आपला आनंद व्यक्त केला. त्यांनी रजनीकांत यांना उत्तर देताना लिहिले की, हे त्यांच्यासाठी आशीर्वादापेक्षा कमी नाही.
आदित्यने लिहिले, “सर, आम्ही सर्वजण ‘मनोरंजन’ फक्त एकाच मापदंडाने मोजत मोठे झालो, आणि तो मापदंड म्हणजे तुम्ही. अनेक दशके आम्हाला हसवून, रडवून आणि पडद्यावर तुमची जादू दाखवूनही, तुम्ही आजही तोच रुबाब आणि शालीनता टिकवून ठेवली आहे. तुम्ही ‘धुरंधर २’ ला ‘अवश्य पाहा’ म्हटले, हा माझ्या आयुष्यातील सर्वात मोठा सुपरस्टार क्षण आहे. ज्या माणसाने आम्हाला मोठी स्वप्ने पाहायला शिकवले, त्यांच्याकडून मिळालेला हा एक आशीर्वादच वाटतो. धन्यवाद सर, हे थेट माझ्या हृदयाला भिडले आहे.”
What a film … #Dhurandhar2 !!! Aditya Dhar ? box office -ka baap !!! Many congratulations to Ranveer and the entire cast and crew. A must watch film for every indian. Jai hind ?? @AdityaDharFilms @RanveerOfficial — Rajinikanth (@rajinikanth) March 23, 2026
