SC On SIR: मतदार याद्यांच्या विशेष गहन पुनरावृत्ती (Special Intensive Revision- SIR) प्रक्रियेवरून निर्माण झालेल्या वादाच्या पार्श्वभूमीवर सर्वोच्च न्यायालयाने भारतीय निवडणूक आयोगाकडून (ECI) स्पष्टीकरण मागितले आहे. केरळ सरकारसह विविध याचिकाकर्त्यांनी SIR प्रक्रियेविरोधात दाखल केलेल्या याचिकांवर आज सुनावणी झाली. न्यायमूर्ती सूर्यकांत यांच्या नेतृत्वाखालील खंडपीठाने ही बाब गांभीर्याने घेत पुढील सुनावणी 26 नोव्हेंबर रोजी निश्चित केली आहे.
SIR चा देशभरातील राजकारणावर परिणाम
SIR प्रक्रियेवरील वाद वाढत असून अनेक राज्यांमध्ये यावरून आंदोलने सुरू झाली आहेत. पश्चिम बंगालच्या मुख्यमंत्री ममता बॅनर्जी यांनी आरोप केला की, SIR च्या दबावाखाली लोक आत्महत्या करत आहेत. या विधानामुळे प्रकरणाला वेगळीच दिशा मिळाली आहे. तथापी, तामिळनाडूमध्ये विरोधी गटातील नेत्यांनी SIR ला “मतांची चोरी करण्याची पद्धत” असे संबोधले.
राजस्थानमध्ये युवा काँग्रेसचे आंदोलन
दरम्यान, जयपूरमध्ये युवा काँग्रेसने SIR विरोधात मोठे आंदोलन केले. तसेच चेन्नईमध्ये AIADMK ने SIR प्रक्रियेतील कथित अनियमिततेवरून DMK सरकारविरोधात मोर्चा काढला.
The Supreme Court has sought the Election of India’s (ECI) response to a batch of pleas filed by various petitioners including the Kerala government challenging the ECI’s decision to carry out Special Intensive Revision (SIR) exercise of the voter roll in Kerala. A bench led by… — ANI (@ANI) November 21, 2025
हेही वाचा – PM Modi South Africa Visit: पंतप्रधान नरेंद्र मोदी 20व्या G-20 शिखर परिषदेसाठी जोहान्सबर्गला रवाना
उत्तर प्रदेशातील काँग्रेस खासदार तनुज पुनियांची याचिका
उत्तर प्रदेशातही SIR लागू करण्याच्या ECI च्या निर्णयाला आव्हान देत काँग्रेस नेते व खासदार तनुज पुनिया यांनी सर्वोच्च न्यायालयात याचिका दाखल केली आहे. या याचिकेवरही सर्वोच्च न्यायालयाने ECI कडून उत्तर मागितले आहे. दरम्यान, 26 नोव्हेंबर रोजी सर्वोच्च न्यायालयात होणाऱ्या सुनावणीकडे संपूर्ण देशाचे लक्ष लागले आहे. SIR प्रक्रियेत अनियमितता झाली का? की ही निवडणूक तयारीची गरजेची पायरी आहे? यावर न्यायालयाचा निर्णय महत्त्वाचा ठरणार आहे.
