New Chief Justice of India: न्यायमूर्ती भूषण रामकृष्ण गवई यांनी बुधवारी भारताचे 52 वे सरन्यायाधीश म्हणून शपथ घेतली. राष्ट्रपती द्रौपदी मुर्मू यांनी न्यायमूर्ती गवई यांना पदाची शपथ दिली. बीआर गवई यांनी सरन्यायाधीश संजीव खन्ना यांची जागा घेतली. न्यायमूर्ती गवई हे देशातील सर्वोच्च न्यायिक पद भूषवणारे पहिले बौद्ध सरन्यायाधीश आणि दलित समुदायातील दुसरे सरन्यायाधीश आहेत. यापूर्वी माजी सरन्यायाधीश केजी बालकृष्णन यांनी 2007 मध्ये हे पद भूषवले होते. निवृत्तीनंतर ते कोणतेही काम स्वीकारणार नसल्याचे न्यायमूर्ती गवई यांनी स्पष्ट केले आहे.
न्यायमूर्ती गवई यांचा कार्यकाळ 6 महिन्यांचा असणार आहे. न्यायमूर्ती खन्ना यांनीच त्यांच्या नावाची शिफारस केली होती. न्यायमूर्ती गवई यांनी 24 मे 2019 रोजी सर्वोच्च न्यायालयाचे न्यायाधीश म्हणून पदभार स्वीकारला होता. न्यायमूर्ती केजी बालकृष्णन यांच्यानंतर ते देशाचे दुसरे दलित मुख्य न्यायाधीश असतील.
बीआर गवई कोण आहेत?
न्यायमूर्ती बीआर गवई हे प्रसिद्ध राजकारणी आरएस गवई यांचे पुत्र आहेत, जे बिहार आणि केरळचे राज्यपाल होते. त्यांचे वडील एक प्रमुख आंबेडकरवादी व्यक्ती आणि माजी खासदार होते. महाराष्ट्रात जन्मलेले न्यायमूर्ती गवई आता सर्वोच्च न्यायालयाचे सरन्यायाधीश म्हणून काम पाहणार आहेत. ही महाराष्ट्रासाठी कौतुकाची आणि अभिमानाची गोष्ट आहे.
हेही वाचा – मोदी कॅबिनेट आणि CCS ची आज महत्त्वाची बैठक; कोणत्या मुद्द्यांवर होणार चर्चा?
न्यायमूर्ती बी.आर. गवई यांची कारकीर्द?
न्यायमूर्ती गवई यांचा जन्म 24 नोव्हेंबर 1960 रोजी महाराष्ट्रातील अमरावती येथे झाला. न्यायमूर्ती गवई यांचे वडील रामकृष्ण सूर्यभान गवई हे महाराष्ट्राचे दिग्गज नेते होते. ते बिहारसह अनेक राज्यांचे राज्यपाल होते. न्यायमूर्ती गवई यांनी अमरावती विद्यापीठातून कायद्याचे शिक्षण घेतले. कायद्याची पदवी मिळवल्यानंतर, त्यांनी वयाच्या 25 व्या वर्षी वकिली सुरू केली. न्यायमूर्ती गवई यांनी मुंबई आणि अमरावतीच्या न्यायालयात काम केले आहे. अनेक वर्षांच्या प्रॅक्टिसनंतर, ते मुंबई उच्च न्यायालयाच्या नागपूर खंडपीठात रुजू झाले. ते नागपूरमध्ये सरकारी वकील झाले.
हेही वाचा – पाकिस्तानला आणखी एक धक्का! नवी दिल्लीतील उच्चायुक्तालयाच्या कर्मचाऱ्याला 24 तासांच्या आत भारत सोडण्याचे आदेश
न्यायमूर्ती गवई यांची 2003 मध्ये मुंबई उच्च न्यायालयाचे अतिरिक्त न्यायाधीश आणि 2005 मध्ये कायमस्वरूपी न्यायाधीश म्हणून नियुक्ती झाली. 24 मे 2029 रोजी सर्वोच्च न्यायालयाचे न्यायाधीश म्हणून बढती मिळण्यापूर्वी त्यांनी 16 वर्षे मुंबई उच्च न्यायालयाचे न्यायाधीश म्हणून काम केले. आता ते पुढील 6 महिन्यांसाठी भारताचे मुख्य न्यायाधीश होतील.
