छत्रपती संभाजीनगरमध्ये दिवसेंदिवस गुन्हेगारीच्या घटनांमध्ये वाढ होत असून, चोरीच्या घटनांनी नागरिकांमध्ये भीतीचे वातावरण निर्माण झाले आहे. अशातच शहरात एक धक्कादायक घटना समोर आली आहे. शेजारील घरात चोरी सुरू असल्याचे लक्षात येताच हस्तक्षेप करण्यासाठी गेलेल्या नगरसेवकाच्या अंगावरच चोरट्यांनी गाडी घातल्याचा प्रकार घडला आहे.
मिळालेल्या माहितीनुसार, संबंधित नगरसेवकांच्या घराशेजारील घरात चोरी सुरू होती. ही बाब लक्षात आल्यानंतर नगरसेवकांनी तत्काळ घटनास्थळी धाव घेत चोरट्यांना अडवण्याचा प्रयत्न केला. मात्र पकडले जाण्याच्या भीतीने चोरट्यांनी थेट नगरसेवकांच्या अंगावर वाहन घालून पळ काढण्याचा प्रयत्न केला.
या घटनेमुळे परिसरात मोठी खळबळ उडाली असून, संपूर्ण प्रकार सीसीटीव्ही कॅमेऱ्यात कैद झाला आहे. व्हिडिओमध्ये चोरट्यांची धाडसी आणि बेदरकार कृती स्पष्टपणे दिसत असल्याची माहिती समोर येत आहे.
हेही वाचा: Pay And Park Rates: पार्किंगचे नवे दर ऐकून टेंशनमध्ये याल; 10 वर्षांनंतर पार्किंगचे दर बदलणार, नव्या नियमांनुसार 40 टक्के दरवाढ
दरम्यान, पोलिसांनी या प्रकरणाचा तपास सुरू केला असून, आरोपी चोरट्यांचा शोध घेतला जात आहे. चोरीसह जीवघेणा हल्ला केल्याप्रकरणी कठोर कारवाई करण्याची मागणी नागरिकांकडून केली जात आहे.
या घटनेनंतर नगरसेवकांनी दाखवलेली तत्परता आणि कर्तव्यदक्षता याचे परिसरातून कौतुक होत आहे. मात्र, चोरट्यांनी थेट गाडी अंगावर घालून जीव धोक्यात घालण्याचा प्रयत्न केल्याने शहरातील कायदा-सुव्यवस्थेवर पुन्हा प्रश्नचिन्ह उपस्थित झाले आहे.
हेही वाचा: Tamil Nadu Government Formation: ज्याची भीती तेच घडणार! कट्टर शत्रूपक्ष एकत्र येण्याची शक्यता, थलपती विजय मुख्यमंत्री पदापासून वंचित राहणार?