GST Collection: गेल्या आर्थिक वर्ष 2024-25 च्या शेवटच्या महिन्यात, मार्चमध्ये 1.94 लाख कोटी रुपयांचा मोठा जीएसटी संग्रह झाला, जो जुलै 20217 मध्ये जीएसटी प्रणाली लागू झाल्यानंतरचा दुसरा सर्वात मोठा संग्रह आहे. गेल्या वर्षीच्या मार्चच्या तुलनेत हा संग्रह 10 टक्के जास्त आहे.
गेल्या वर्षी एप्रिलमध्ये 2.10 लाख कोटी रुपयांचे आतापर्यंतचे सर्वाधिक कर संकलन झाले होते. मार्चमधील मोठ्या प्रमाणात जीएसटी संकलनातून असे दिसून येते की गेल्या आर्थिक वर्षाच्या चौथ्या तिमाहीत वापर कमी झाला नाही तर वाढला आहे.
एप्रिल-मार्चमध्ये जीएसटी संकलन –
तथापि, गेल्या आर्थिक वर्ष 2024-25 च्या एप्रिल-मार्चमध्ये जीएसटी संकलन 22.08 लाख कोटी रुपये होते, जे मागील आर्थिक वर्ष 2023-24 पेक्षा 9.4 टक्के जास्त आहे. सरकारी आकडेवारीनुसार, या वर्षी मार्चमध्ये जीएसटी संकलनात एसजीएसटीचा वाटा 38145 कोटी रुपये, एसजीएसटी 49,891 कोटी रुपये आणि आयजीएसटी 95,853 कोटी रुपये होता. तसेच उपकराच्या माध्यमातून 12,253 कोटी रुपये जमा झाले होते.
हेही वाचा – 'या' सरकारी बँकेने वाढवले कर्जाचे व्याजदर; 3 एप्रिलपासून लागू होणार नवीन दर
सरकारला मिळाला 1.76 लाख कोटी रुपयांचा महसूल –
दरम्यान, मार्चमध्ये जीएसटी परतफेडीनंतर सरकारने 1.76 लाख कोटी रुपयांचा महसूल मिळवला. सरकारी आकडेवारीनुसार, मार्चमध्ये उत्पादक राज्ये आणि ग्राहक राज्यांनी केलेल्या जीएसटी संकलनाच्या वाढीच्या दरात मोठा फरक दिसून आला.
'या' राज्यांमध्ये जीएसटी संकलनात वाढ –
महाराष्ट्र, हरियाणा, उत्तर प्रदेश, राजस्थान सारख्या राज्यांमध्ये गेल्या वर्षीच्या याच कालावधीच्या तुलनेत गेल्या मार्चमध्ये जीएसटी संकलनाचा वाढीचा दर 10 टक्क्यांहून अधिक होता. तर गुजरात, कर्नाटक, तेलंगणा, आंध्र प्रदेश आणि तामिळनाडू सारख्या राज्यांमध्ये जीएसटीचा वाढीचा दर एक ते सात टक्क्यांच्या दरम्यान होता.
