Measurement/Survey of sub-divisions of ancestral land : वडिलोपार्जित जमिनीच्या (Ancestral Land) पोटहिश्शांच्या मोजणीसाठी शेतकऱ्यांना यापूर्वी मोठा खर्च (High Cost) करावा लागत होता. कुटुंबात जमिनीच्या वाटणीवरून वाद (Land Dispute) असल्यास मोजणीसाठी दोन्ही पक्षांना मोठी रक्कम मोजावी लागत असे. मात्र, आता राज्य सरकारने यासंदर्भात महत्त्वाचा निर्णय घेऊन लाखो शेतकऱ्यांना मोठा दिलासा दिला आहे. आता वडिलोपार्जित जमिनीच्या पोटहिश्शांची मोजणी अत्यंत कमी दरात, म्हणजेच, केवळ प्रति पोटहिस्सा 200 रुपयांत होणार आहे.
जमिनीच्या वादांवर अंकुश
हा नवीन निर्णय राज्यभर लागू करण्यात आला आहे. संबंधित जिल्ह्यातील भूमी अभिलेख विभागाला (Land Records Department) या नवीन निर्णयाची माहिती देण्यात आली आहे. जिल्ह्यात पोटहिस्सा मोजणीसाठी जेव्हा अर्ज येईल, तेव्हा शेतकऱ्यांना आता केवळ 200 रुपये द्यावे लागतील. जमिनीचे वाद कमी करण्यासाठी (To Reduce Land Disputes) सरकारने हा बदल केला आहे. यामुळे पोटहिस्सा मोजणीची प्रक्रिया अधिक पारदर्शक आणि सुलभ होणार आहे.
पूर्वी 14 हजार रुपयांपर्यंत होता खर्च
यापूर्वी वडिलोपार्जित पोटहिस्सा मोजणीसाठी 1 हजार रुपये ते 14 हजार रुपयांपर्यंत खर्च येत होता. या मोठ्या खर्चामुळे शेतकऱ्यांवर मोठा आर्थिक भार पडत होता. केवळ मोजणीसाठी त्यांना मोठी रक्कम मोजावी लागत होती. पूर्वी प्रतिहिस्सा मोजणी ही दोन प्रकारात होत होती: एक साधी आणि एक जलद. त्यासाठी त्याप्रमाणे शुल्क आकारण्यात येत होते. विशेषतः जलद मोजणीसाठी शेतकरी कुटुंबातील सदस्यांना मोठा आर्थिक भार सहन करावा लागत होता. आता भूमी अभिलेख विभागाने शुल्क संरचनेत मोठा बदल केला आहे आणि हा खर्च कमी झाला आहे.
हेही वाचा – PM Kisan Scheme: धाराशिवमध्ये पीएम किसानचा 21वा हप्ता जमा; पण 2588 शेतकरी अपात्र, कारण काय?
डिजिटल प्रणालीतही बदल
जमाबंदी आयुक्त आणि भूमी अभिलेख विभागाच्या संचालकांनी या संदर्भातील पत्र जारी केले आहे. महाभूअभिलेख संकेतस्थळावर (Mahabhuabhilekh Website) शेतकऱ्यांना आता नवीन दरांची माहिती दिसेल. तसेच, एकत्र कुटुंब पोटहिस्सा मोजणी (Joint Family Sub-Division Measurement) हा पर्याय सुद्धा समाविष्ट करण्यात आला आहे. ई-मोजणी व्हर्जन 2.0 या संगणक प्रणालीतही अद्ययावत बदल करण्यात आले आहेत.
कुटुंबातील सदस्यांना मोठा दिलासा
जमिनीच्या वाटणी (Land Distribution) संदर्भातील वादामुळे कुटुंबातील सदस्यांना आता पूर्वीप्रमाणे मोठा खर्च सहन करावा लागणार नाही. वडिलोपार्जित जमिनीच्या मोजणीसाठी येणारा खर्च प्रति पोटहिस्सा 200 रुपये इतका माफक झाल्यामुळे राज्यातील लाखो शेतकऱ्यांना खऱ्या अर्थाने दिलासा मिळाला आहे. यामुळे कौटुंबिक वादात (Family Disputes) शेतकऱ्यांचा खिसा खाली होणार नाही, हे नक्की.
