मुंबई : खलनायकी भूमिकांसाठी प्रसिद्ध असलेले ज्येष्ठ अभिनेते प्रेम चोप्रा यांना शनिवारी वयोमानाशी संबंधित आजार आणि विषाणू संसर्गामुळे मुंबईच्या लीलावती रुग्णालयात नेण्यात आले. ते 90 वर्षांचे आहेत. त्यांच्या डॉक्टरांनी सोमवार, १० नोव्हेंबर रोजी सांगितले की, अभिनेत्याची प्रकृती चांगली आहे. लीलावती रुग्णालयाचे डॉ. जलील पारकर यांनी पीटीआयला सांगितले की, "त्यांना हृदयविकाराचा आजार असून त्यांना विषाणू संसर्गदेखील झाला होता. म्हणूनच मी त्यांच्यावर फुफ्फुसांवर उपचार करत आहे. ते आयसीयूमध्ये नाहीत. ते वॉर्डमध्ये आहेत."
डॉक्टर पुढे म्हणाले की, "ते 90 वर्षांचे आहेत. त्यांना वयाशी संबंधित समस्या आहेत. ज्यामुळे त्यांची प्रकृती सुधारण्यास थोडा वेळ लागत आहे. ते आणखी तीन-चार दिवसांत बरे होतील आणि घरी जातील." डॉ. पारकर यांनी सांगितले की, प्रेम चोप्रा यांना दोन दिवसांपूर्वी त्यांच्या कुटुंबातील हृदयरोगतज्ज्ञ डॉ. नितीन गोखले यांच्या देखरेखीखाली लीलावती रुग्णालयात दाखल करण्यात आले होते. त्यांनी सांगितले की, दिग्गज अभिनेत्यावर हृदयरोग आणि विषाणूजन्य संसर्ग या दोन्ही आजारांवर उपचार सुरू आहेत.
प्रेम चोप्रा यांचे जावई अभिनेता विकास भल्ला यांनी यापूर्वीच माहिती दिली होती की, ज्येष्ठ अभिनेत्याची तब्येत चांगली आहे. ही प्रक्रिया फक्त एक नियमित तपासणी होती. "ते ठीक आहेत. ही नियमित तपासणी आहे."
