IND vs ENG: T-20 विश्वचषक 2026 आता आपल्या अंतिम टप्प्यात पोहोचला असून आज क्रिकेट विश्वाचे लक्ष मुंबईतील वानखेडे स्टेडियमकडे लागले आहे. भारत आणि इंग्लंड यांच्यात आज 2 रा उपांत्य सामना रंगणार आहे. या सामन्यात जो संघ जिंकेल, तो अंतिम फेरीत धडक मारेल आणि जेतेपदाच्या दिशेने 1 पाऊल पुढे टाकेल. दोन्ही संघांनी साखळी फेरीत दमदार कामगिरी केली असून आज वानखेडेवर काट्याची टक्कर पाहायला मिळणार आहे.
न्यूझीलंड अंतिम फेरीत दाखल; दुसऱ्या स्थानासाठी लढत
या स्पर्धेतील पहिला उपांत्य सामना आधीच पार पडला आहे. न्यूझीलंडने दक्षिण आफ्रिकेचा 9 गडी राखून धुव्वा उडवत अंतिम फेरीत आपले स्थान निश्चित केले आहे. आता न्यूझीलंडशी विजेतेपदासाठी कोण दोन हात करणार, याचा फैसला आजच्या भारत-इंग्लंड सामन्यातून होईल. भारतीय संघ घरच्या मैदानावर हा सामना खेळत असल्याने चाहत्यांच्या अपेक्षा उंचावल्या आहेत.
सामन्याची वेळ आणि टॉसचा तपशील
क्रिकेट चाहत्यांनी वेळेची नोंद घेणे महत्त्वाचे आहे. आजचा हा रोमांचक सामना भारतीय वेळेनुसार संध्याकाळी 7:00 वाजता सुरू होईल. सामन्याचा टॉस अर्धा तास आधी, म्हणजेच संध्याकाळी 6:30 वाजता होईल. जर पावसाचा अडथळा आला नाही आणि सामना पूर्ण 40 षटकांचा झाला, तर रात्री 10:30 वाजेपर्यंत निकाल स्पष्ट होईल.
लाईव्ह स्ट्रीमिंग आणि टेलिकास्ट कुठे पाहाल?
हा सामना तुम्ही टीव्ही आणि मोबाईल अशा दोन्ही माध्यमांवर थेट पाहू शकता:
टीव्हीवर: स्टार स्पोर्ट्स (Star Sports) नेटवर्कवर विविध भाषांमधील समालोचनासह थेट प्रक्षेपण उपलब्ध आहे.
मोबाईलवर: जर तुम्हाला प्रवास करताना किंवा मोबाईलवर सामना पाहायचा असेल, तर 'जिओ हॉटस्टार' (Jio Hotstar) वर लाईव्ह स्ट्रीमिंग पाहता येईल.
स्मार्ट टीव्ही: स्मार्ट टीव्हीवर देखील जिओ हॉटस्टारच्या माध्यमातून सामन्याचा आनंद घेता येईल.
हेही वाचा – Arjun Tendulkar Wedding: अर्जुन तेंडुलकर आणि सानिया चंडोक अडकले विवाहबंधनात; मुंबईत दिग्गजांची मांदियाळी
दोन्ही संघांची संभाव्य खेळाडू
भारताचा संपूर्ण संघ: अभिषेक शर्मा, संजू सॅमसन (यष्टिरक्षक), इशान किशन, सूर्यकुमार यादव (कर्णधार), तिलक वर्मा, हार्दिक पंड्या, शिवम दुबे, अक्षर पटेल, अर्शदीप सिंग, वरुण चक्रवर्ती, जसप्रीत बुमराह, कुलदीप यादव, मोहम्मद सिराज, रिंकू सिंग, वॉशिंग्टन सुंदर.
इंग्लंडचा संपूर्ण संघ: फिल साल्ट, जोस बटलर (यष्टीरक्षक), हॅरी ब्रूक (कर्णधार), जेकब बेथेल, टॉम बँटन, सॅम करन, विल जॅक्स, रेहान अहमद, लियाम डॉसन, जोफ्रा आर्चर, आदिल रशीद, बेन डकेट, ल्यूक वूड, जोश टंग, जेमी ओव्हरटन.
